故事一：殭屍之城: 十九：生氣的女友－殭屍校園篇

上到班房，倩瑜僕喺張枱、佢幾個好姊妹團住佢坐好似安撫緊佢。

幾個好姊妹一見到我就怒啤我。好姊妹一號：「魏延亮，過嚟」「？」好姊妹一號：「你有冇搞錯呀，佢得罪你乜嘢呀」

「唉...」好姊妹一號：「唉乜撚嘢呀！同完人哋一齊又唔撚理人！」但我記得佢哋好似唔係好friend咋喎......

好姊妹二號：「倩瑜，你清楚啦，你唔係揀佢呀嘛，魏延亮，你唔係以為自己咩新鮮蘿蔔皮呀嘛」

「係呀，你可以唔揀我㗎，我都戥你嘅選擇擔心，揀過把啦」倩瑜起身，行到我面前，一巴車落嚟我塊面。





然後就走出班房，幾個好姊妹追出去。好姊妹一號怒啤我，之後返埋自己位坐。

［放學返到屋企］
今日真係好攰......今日原來已經有啲煩，再加上佢幾個好姊妹嘅辱罵，所以先會咁興。

我只係...好憎俾人煩住......

芊雪：「哥哥」唔耐煩「咩呀？」芊雪嚇親......「sor...sorry，芊雪做咩呀？」芊雪：「哥哥，你唔開心呀？」「嗯...哥哥喺學校遇到啲事，不過冇事㗎啦～」

芊雪：「唔吖，我講故事俾哥哥聽，等哥哥開心返～」「好呀，芊雪想講咩故事呀？」芊雪：「灰姑娘～」「嗯～」





芊雪：「喺好耐好耐以前，有一個女仔，佢叫灰姑娘......」

［a few moments later］
芊雪講下講下自己瞓著咗［放低佢手上本故事書，抱佢返佢房瞓］

我返自己房之後，一直為今日嘅事耿耿於懷，雖然仲成肚氣，但我好擔心倩瑜。我可能傷到佢，佢會唔會因為咁同我分手。我好想whatsapp佢，但我唔知點開口......

唔經唔覺已經一點，佢應該已經瞓咗啦。我決定趁佢瞓咗打信息俾佢。





［whatsapp－ 倩瑜］
「對唔呀...」
佢冇覆我

放部電話去充電、之後就瞓落床，但個心仍然囉囉攣瞓唔着......

［第二日］
我正想叫倩瑜嘅時候，倩瑜擰轉頭：「哼」一聲就走咗去「......」

傑洛德：「搞唔掂呀？」「點解你會喺度㗎？仲要著住我哋嘅校服」傑洛德：「世界未日之前我喺度讀㗎嘛」

傑洛德：「點呀～佢仲嬲緊你呀？」「係呀...」傑洛德：「底你嘅～無端端冷落人都有嘅」

「唉～我都知錯㗎喇...但佢都唔肯原諒我」「打殭屍我叻啫，但追女仔呢啲我真係唔太識呢～」傑洛德：「果然係個新手」





「唉，都夠鐘上堂啦，我返班房先啦」傑洛德：「咪住」佢嘅面色突然好認真：「今日放學，小食部見」

待續