故事一：殭屍之城: 十八：成為焦點－殭屍校園篇

紫色圓形魔法陣上移，傑洛德出現：「去咗幾十個平行世界，終於搵到你」

媽媽：「傑洛德？」傑洛德：「姨姨」媽媽：「你唔係死咗咩？」傑洛德：「差啲，喺中招之前，我用魔法去咗另一個平行世界，搵消滅佢哋嘅方法」

「我搞掂咗旱魃啦，一於搞掂埋另外三隻」傑洛德：「依家未得住，因為... 旱魃喺四大屍皇之中，係最弱...其餘三隻實力遠遠超過佢好多」

「......」傑洛德：「係時候返去啦...」「但...」媽媽：「你去啦，你仲要守護你嘅世界...」

「媽媽...」「係啦，呢樣嘢交俾你」我將打屍桃木鞭交俾媽媽。「係呢個世界嘅我留低嘅遺物～」
.




.
.
［屋企］
「芊雪」芊雪衝出房：「哥哥」我抱起佢。

倩瑜從廚房行出，一見到我就跑過嚟攬住我，我撫摸佢個頭。

「呢幾日都係你幫我照顧芊雪？」倩瑜：「係呀～」「多謝你～你煮緊嘢？」

倩瑜：「啱啱開始煮，你去沖涼先啦」「哦」





沖完涼之後去開PS3玩魔物獵人。芊雪走嚟坐喺我大髀睇迪士尼嘅書。

倩瑜：「食得啦」［抱起芊雪去飯枱食飯］

［第二日－VCD］
秋叔：「咁就麻煩啦」天哥：「當時我哋對付旱魃已經好辛苦，小夏仲犧牲埋」睇嚟喺呢個世界旱魃已經俾佢哋消滅咗」

秋叔：「如果另外三個強到咁，我哋需要做好防禦措施」





將件事講俾佢哋知之後就離開。
.
.
.
假就放完，又要投入校園嘅懷抱。
而我最討厭嘅事又發生咗......女同學甲：「你真係同倩瑜一齊咗呀？」女同學乙：「喂喂喂，你係咪認真㗎？」

仲背後嘅討論
男同學甲：「咁撚都揀佢？」 男同學乙：「係都唔係同佢一齊啦」

女同學甲：「喂屌你，出聲啦」女同學乙：「問你嘢呀，啞撚咗呀」女同學丙：「你係咪咁撚串呀」

［反枱］大家靜咗。「唔該」執返張枱上嚟。今日無論我去到邊，周圍都有人討論緊我、我好唔鍾意呢種感覺。

［Lunch－小食部］




［我食緊美好嘅A餐］倩瑜從後攬住我。我仲係有啲怕羞同有啲介意人哋嘅目光......

「做咩？」 倩瑜：「嚟搵你陪囉～」「你唔係同其他friend出去食咩？」倩瑜：「冇呀，你唔想我陪你咩？」「唔係～」

食完飯坐喺操場眼吓人打波。倩瑜搖我隻手：「喂，你睇下～」「唔？唔」倩瑜：「做咩呀？你今日唔開心？」「唔...唔係」

倩瑜雙隻手指拉起我嘴角。倩瑜：「咁你笑下啦」我撥低佢隻手......幾秒之後，倩瑜：「我...有啲熱，上去先啦」「哦」講完佢就上去。

我feel到佢有啲失落。我好似有啲過分......

待續