故事一：殭屍之城: 二十：血戰校園－殭屍校園篇

［放學－小食部］
「搞咩呀？」傑洛德：「今晚就係月蝕之夜，我查到，其中一個屍王要出嚟啦」

「而家嘅我冇問題嘅～」傑洛德：「最好唔好咁諗，嗰三個同旱魃真係差好遠」

突然，我同傑洛德都感受到好重嘅陰氣同血嘅腥味！

隨着天色嘅昏暗......學校變得殘舊、詭異嘅氣氛、有部份嘅建築仲冧咗落嚟。

傑洛德：「嚟啦......就係呢間學校」離開小食部，步入校內。





周圍人影都冇，只有一啲嘅瓦礫同爛咗嘅地磚，就好似荒廢咗百年嘅學校咁。

我哋小心咁慢慢行［拎出桃木太刀］傑洛德拎出佢嘅銀劍。

五隻着住破爛校服嘅鐵殭從廁所跳出，仲撞開咗我。傑洛德：「嚟啦！」 傑洛德揮劍、鐵殭用手臂擋住、雖然佢嘅手臂受傷但仍然堅持住。

鐵殭係由生前訓練過身體嘅人死後化成，睇嚟係某隊校隊嘅同學。［太刀打橫片過去丶撐開佢］

傑洛德釋放火魔法，三隻鐵殭燃燒。[太刀同埋佢好似穿魚蛋咁穿過佢哋。傑洛德斬開另外兩隻鐵殭個頭落嚟。





傑洛德：「應該唔止咁少㗎」我係咪玩緊生化危機。

［走到室外有蓋操場］
傑洛德：「體育室可能有啲有用嘅嘢」走過有蓋操場。行入體育室門前［門鎖咗］「我諗校工應該有鎖匙」

傑洛德：「點解我哋唔咁做」用爆破魔法，空氣爆炸(爆爛咗度門)傑洛德：「又唔係RPG遊戲，點解要周圍走啫」
喺體育室探索一番之後，冇咩啱用。

［whatsapp－倩瑜］




倩瑜：「救我！我喺四樓女廁」
延亮：「我即刻嚟」

出返體育室轉右出去係藍球埸，八隻鐵殭跳過嚟。「又要打！？」傑洛德：「你嘅體力唔夠，走！」直走穿過藍球埸轉左上樓梯，一隻白殭撲過嚟［扭身避開，再一腳踢佢落樓梯］

上到去一樓嘅右邊係教員室。門已經崩塌，我同傑洛德慢慢行入去。瞓喺枱上嘅屍體慢慢起身。

［太刀準備］......跑過去、橫斬。喺其中一個老師枱上搵到一條往英語室嘅鎖匙。離開教員室向前行，前面係各班班房。［玻璃窗爆出一個殭屍嘅上半身：「吼...」］

傑洛德：「係後卿嘅力量，佢可以召喚方圓幾公里嘅殭屍，嗰啲殭屍再咬呢度嘅師生」

傑洛德開始專注...... 傑洛德：「聲音喺上面」我哋跑上樓梯。 傑洛德：「喺呢層啦」走廊另一頭有一個身影背向我哋...佢抬頭咆哮：「吼！！！」

一班殭屍衝入學校
傑洛德：「係後卿！弊啦！佢呼喚方圓百里嘅殭屍！我哋嗰個世界嘅未日就係咁開始！一定要阻止佢！」





我哋兩個拎住自己嘅武器衝過去，一路斬殺從班房走出嘅殭屍。「點解放學之後仲有咁多老師同學生㗎！」

［跳起、劈向後卿］一隻殭屍跳出嚟同佢擋下呢一擊。一群殭屍從後方，爭先恐後咁湧過嚟。

［落手印，太刀現紅光］傑洛德手上嘅銀劍花紋發出綠色光。「估唔到你都識咁喎」傑洛德：「開始狩獵啦」

待續