今日我開始左對公司啲同事進行復仇大計: 第四十四節
任何人喺被人監固左一日之後，其實真係點都會有陰影。我尋日迫自己喺公司硬撐左一日，喺行返出會議室之後，我咩都唔諗咁努力地不斷做嘢，一直做到連晏都無食。喺放工返到屋企之後，咁啱我全家都唔喺度，對住空無一人嘅屋企，我終於喊左出黎。我喊除左係因為受左驚黎之外，另一個原因係我發覺我尋晚失左蹤一晚都無人搵過我。連我啲屋企人都無過問半句，而當我喺最徬徨無助嘅時候，我竟然只可以向Miki求助……我飯都無食，只係坐左喺廳度不停地喊同大叫，最後因為叫得太大聲鄰居搵左保安黎叫我收聲。估唔到連我想發洩下都有人要阻止我……我嬲起上黎，走左個隔離屋度同投訴我嘅師奶嘈，初初隔離屋個周師奶都唔肯認係佢投訴我，不過全個屋苑都知呢個周師奶出名麻煩架啦，唔係佢投訴我仲有邊個。喺同佢糾纏左一陣，佢威脅話我再唔走佢就要報警，呢個時候我望一望佢果個讀緊中學嘅仔，之後返左屋企度拎左本小器簿再返過黎。見到去而復返嘅我周師奶大為緊張，佢拎起左個電話好似就黎想報警咁，呢個時候我指住佢個仔話：「好呀，報警呀，我順便同埋警察講你個仔衰十一呀。」佢個仔聽到即刻大為緊張話：「媽媽我無呀，你唔好聽佢亂講呀，我真係無做過呢啲嘢呀。」喺周師奶都未開始反應之際，我拎出左本小器簿講話：「三個月之前嘅一個星期五，你襯屋企無人帶左個女同學返屋企度進行性交。由於你地造愛得造得實在係太大聲，我落左樓下保安處到了解左一輪。喺搵到該位女同學入黎屋苑登記嘅名之後，我上左你學校個網度調查過，我發現果位女同學同你一樣仲係中二！你仲唔係衰！十！一！等你地扑嘢扑得咁過癮呀拿，我而家同你講食學生妹係有代價架，你等住坐監啦。」周師奶聽到之後驚到唔識講嘢，佢剩係識拎左隻拖鞋打佢個仔。呢個時候我指住佢兩母子話：「我份人已經出左名和善架啦，點解你地兩母子都係要同我過唔去，報警呀嘛，快啲報啦，肥婆你仲唔打999？」 如果畀著平時，因為同佢地都算係左鄰右里，我一般都唔會玩咁大。但喺我尋晚受完苦之後佢地竟然仲要同我過唔去，佢地注定倒霉啦。肥婆周師奶喺畀我大返轉頭之後，驚慌失措咁話：「後生仔血氣方剛做錯嘢姐，我平時同你老豆老母都有兩句架，佢地都唔會想見到我個仔要坐監。大家一人讓一步，你已經行返出去我今晚當無事發生啦。」我聽到之後冷笑道：「頭先你打落去樓下管理處果陣，又唔見你一人讓一步當聽唔到？仲有呀咩都無事發生過，而家你個仔嘅下體已經進入過果名少女嘅下體呀，個處女膜係咪話當無事發生就會生返出黎呀？」呢個時候周師奶個仔已經開始喺度喊，佢跪左喺度求我話：「哥哥你畀條生路我啦，我唔撚想入去受靶呀，你見我個樣咁青靚白淨，入到去一定日日畀人搞架，你放過我啦。」「知驚啦咩，知驚就叫你老母同我認錯講返聲對唔住大俠啦。」呢條打靶仔聽到我咁講之後，即刻一改平時嘅高材生乖仔咀臉，好惡咁同佢阿媽講：「你仲唔同哥哥講對唔住？你係咪好想我坐監呀，快啲講啦。」肥婆周師奶愛子心切，佢仲邊有選擇，佢唯有向我道歉。眼見都已經攞盡晒彩，我個心都舒服左啲，我喺拋下一句：「挑，真係慈母多敗兒呀。」之後就返返屋企度，由於剛才有果對母子畀我發洩左啲負面情緒，我之前果晚又畀大明折磨得太攰，我好快就訓著左。 我可能真係太攰，我再起身果陣已經係下晝兩點幾。我望一望個電話，又係有好多missed call ，而同尋日一樣，呢啲missed call好多都係黎自Daisy嘅，我即刻嚇到醒左一醒，唔通佢發生左咩事？我即時打返畀佢，佢一聽到就用好冷淡嘅語氣話：「而家先覆我，唔會係我之前阻住你風流快活呀嘛？」「唔係呀，我訓左聽唔到電話咋嘛，你搵我有事？」佢聽完我咁答之後靜左一靜，之後話：「我有事先搵得你？」「唔係呀，我見你搵左我咁多次，以為有咩急事咋嘛。」「無呀，我聽左Miki講先知你果晚原來病左唔舒服，所以想睇你仲有無事姐。不過你都有Miki照顧你啦，我問黎都係多餘。無嘢啦，你唔得閒唔洗理我，我唔阻你。」一講完之後佢連byebye都唔講就cut左我線。我猶豫左一陣，究竟應唔應該打去同佢解釋同講對唔住。不過喺諗深一層，佢再同我有咩牽連嘅話佢會好危險，今次大明無對付到佢都只係好彩。一諗到大明，我心入面雖然仲係有幾分恐懼，但係我唔打算就此向佢示弱。我翻查左我嘅小器系統，搵到大明果陣向公司報稱嘅屋企地址之後，就主動出擊去走上門搵佢。喺去佢屋企途，我一路都諗住如果見到佢，我應該打返佢一身定點，不過我始終無答案。佢屋企係位於大角咀嘅某棟舊樓度，喺去到佢屋企樓下之後，我發現個更亭無人，個看更可能係去左蛇王。因為無人阻撓，我好順利就上到佢屋企，但係拍好耐門都係無人應，呢個時候我發現到個鐵閘入面原來有封信封，信封上面係寫左我個名。我一打開個信封，入面除左有我嘅裸照之外，仲有張紙寫住：「都話左你唔會搵到我架啦，我唔會再返黎呢度架啦。By the way，你呢幅相我用左好多心機影架，你鍾唔鍾意？今次幫你影下次可能就係幫Daisy影架啦，我同你有排玩呀。」我見到張裸照一啲都唔覺得意外，不過我比較擔心係，大明個痴線佬會對Daisy不利…….