唔怕話你知，我老婆係貞子: 第四章：愛無界限

當我以為同女鬼拍拖呢啲咁既情節係得電視劇同電影先會有，點知到頭來真係發生左係自己身上。
當然我亦無將呢一件事話比父母或者身邊既人知，因為反正講都無人信，而且分分鐘仲會比人話係傻添。
因此我打算等到一個合適既時機先再話比佢地知。
傍晚七時，我收工回家。
【我返黎啦！】我踏入家門說。
全屋漆黑一片什麼也看不見，我心唸：咦？貞子呢？
我伸手去開燈，燈亮的一瞬間，一個身影出現係我面前，係貞子企左係度。
我嚇到向後跌低左，原來佢一直等緊我門。
我：【做咩唔開燈呀？嚇死人咩！個心離一離呀！】
貞子溫柔地說：【歡迎回家~】




由於貞子慣左長期係無光既環境下生存，所以我無怪佢。
我：【下次天黑你係度就要開返燈啦，知唔知？】
貞子點了一下頭表示明白。
我：【係咯~你有無話鐘意食咩餸咁呀？】食晚飯中
貞子繼續食野並沒有回應我。
由於佢頭髮好長既關係，啲頭髮掂到佢飯碗啲餸都唔知。
我見到呢個情況，即刻行埋貞子身邊幫佢撥開啲頭髮。
原來佢食到成嘴都係，我係檯上紙巾盒抽左張紙巾幫佢抹嘴。
我微笑地說：【睇下你~食到成嘴都係。】
係呢個時候，貞子望住我，而我亦望住佢。




呢次係我地第一次對望，我深深咁比佢對大眼睛吸引左。
唔知仲以為佢帶左大眼仔，水汪汪既雙眼簡直電暈左我。
日子一日一日咁過去，所謂情人眼裏出西施，我發覺佢簡直係我理想中既情人。
貞子擁有一頭烏黑亮麗既長髮，對於鐘意長髮女仔既我，簡直係迷人。
加埋果對水汪汪既大眼睛，真係望一望個心都融化埋。
貞子好乾淨整潔，件衫著極都係咁白。咁當然我間中都會帶佢出街買下其他款既白色衫既。
唔洗驚貞子變老，一直以黎咁多年都係果個樣，咩野女人四十爛茶渣完全唔需要驚。
貞子身材好，從佢係電視機度爬出黎，扭動著佢果條纖細既腰，果個動作就已經睇得出無幾十年舞蹈訓練基礎，絕對做唔到。 
貞子好有情調，成日會打黎之後唔出聲，等你估係邊個，說明左佢無時無刻都係度掛住你。
貞子身世可憐，臉色蒼白加上一對憂鬱既眼神，令你有種好想照顧佢既衝動。




貞子性格沉默寡言，唔會成日講三講四，嘮嘮嘈嘈，相比起啲八婆簡直係人間中既極品。
貞子好養活，佢唔洗飾品，佢唔洗化妝品，甚至可以話連飲同食都唔洗....
貞子隨叫隨到，只要你想見佢，佢可以即刻出現係你面前。
貞子好守時，只要你睇左關於佢既影片，就會係指定既時間內將你殺死，從不會遲。
所以你話，我點可以唔愛上佢。