唔怕話你知，我老婆係貞子: 第三章：墮入愛河

為左方便工作既關係，我自己一個人搬左出去住，間中會返去探下父母。
貞子轉身走左後，我望住四面牆，心底裏有種被挖空既感覺出左黎。
係果一刻先察覺其實一個人住都幾寂寞，有時想搵個人傾下計都無。
接著腦袋裏走左個想法出黎，不妨一試！！！我要同貞子拍拖！！！
就係咁，我踏出左我既第一步，我選擇主動去拉近我與貞子之間既距離。
我對住部電視機講：【貞子，係咪度呀，出黎一齊食個飯啊不如？】
我坐左係電視機前面，雙眼望實個螢幕，等待著佢出黎。
突然後面有一隻手點左一下我膊頭，我隨即成個人嚇到彈左起身。
我：【嘩！想嚇死人咩！】
原來貞子不知不覺係我後面出現左。




貞子：【傻瓜~只要我鎖定左某個人就可以隨時隨地現身，唔一定係電視機裏面出黎。】
我抖返順條氣說：【哦早講啊嘛但你咁樣真係會嚇死人架！】
【嘻...嘻...嘻】貞子發出笑聲，佢係度嘲笑緊我驚恐既樣子。
我唔忿氣地說：【哈！約你食餐飯都要比你嚇餐飽既！真係呀！】
貞子繼續笑似乎無理會到我講既野，我亦都無佢咁好氣。
【過黎一齊食啦。】我坐係飯檯前說。
貞子用瞬移既能力，瞬間坐左係我對面張櫈度。
雖然今晚沒有美酒佳餚，只係一餐粗茶淡飯，但貞子一句說話都無埋怨到。
佢低著頭一言不發咁完成左整個食飯過程，我唸係佢本性平靜既關係所影響。
而我亦無追問我煮的菜式味道如何，但我十分之享受這個寧靜既夜晚。




心入面果個被挖空既洞亦被填上，我感覺到有一種說不出的愛。
我既淚腺頓時失控淚水係眼眶度不斷地徘徊，我即刻寧轉身唔想比佢見到。
貞子好似察覺到我想喊既事實，佢說：【放心~有我陪你。】
我既淚水如洪水般從眼眶流出，我衝埋去擁抱著貞子。
我喊到豬頭咁講：【多謝你呀~真係好多謝你呀。】好耐都無試過咁感動。
由果一刻開始，我就深深咁愛上左貞子。