唔怕話你知，我老婆係貞子: 第五章：逢凶化吉

唔經唔覺已經同貞子交往左幾個月。
我望住佢由初初連燈都唔開，變到而家買餸、洗衫、煮飯、做家務樣樣掂。
連我心底裏都為佢而感到開心。
我記得有一次出街，我主動去拖佢隻手。
佢問我：【點解要拖手既？】
我講笑咁講：【話明拍拖拍拖啊嘛，唔拖又點算拍拖呢，係咪？】
貞子：【哦~原來係咁樣架。】
我望住佢信到我十足既樣，真係差啲笑到淚水都標埋出黎。
我：【講笑渣~無咩話點解既，因為愛咯你可以話。】
仲有一次我帶佢出街買衫，我問佢點解買衫一定要買白色。




貞子：【因為我想打扮到好似公主咁。】
我輕輕走向前撥開佢既頭髮吻左佢嘴唇一下。
我低聲溫柔地說：【傻瓜~你就係我既公主。】
貞子：【點解你會吻我？】
我：【因為愛，當你愛一個人就會想吻佢。】
貞子回吻了我一下，然後說：【我唸我已經大概知咩叫愛了，多謝你。】
我特別鐘意佢果份清純，真係好真。
【鈴...鈴...鈴】我的手機響起。
【仔呀~我而家係你屋企樓下呀，我上黎幫你執屋呀，咁耐無黎探我地，睇怕都好忙，屋企好亂架啦。】媽說。
我好心急咁講：【媽！千奇！千奇！唔好上去呀！你聽我講，今日唔洗幫我執屋住，你返去先啦。】




【一場黎到，點都要幫你打掃下既，還掂我又有鑰匙，得架啦仔，交比媽啦。】媽說。
我即刻同上司講有急事，狗衝趕返屋企，我驚貞子見到陌生人入屋會殺左佢。
【媽！你無事呀嘛？媽！】我衝入屋企門口，四周圍搵呀媽，呀媽並沒有回應我。
貞子：【咦？阿景你今日咁早返黎既？】
我望見貞子雙手沾滿紅色，我好緊張咁捉住佢問：【我呀嗎呢？唔通...】
【仔~做咩一返黎就鬼殺咁嘈呀，掛住呀媽都唔洗咁架，一齊食飯啦就開得飯架啦。】阿媽係廁所度行出黎說。
【哎呀呀，無見幾個月，收埋個女朋友仔都唔同啊媽講，岩岩同阿貞傾開，佢一聽到我鐘意食番茄，即刻就話整比我食啦，真係好有我心，你唔好虧待人呀仔。】媽說。
我心唸：【哦，原來係切番茄呀，虛驚一場添。】
媽：【幾好呀，阿貞將屋企打理得企企理理，識煮餸又有我心，呢個年頭好少呢啲女仔架啦，你要好好珍惜呀仔。】
我：【得啦媽，我有分數，連你果關都過左既，我就放心啦，我原本仲唸緊幾時話比你聽好。】




食完飯後，媽亦返左屋企，臨離開我屋企前仲叫阿貞得閒去探佢地，睇黎佢真係好喜歡阿貞。