唔怕話你知，我老婆係貞子: 第二章：勢不可擋

第二日，我醉醒之後。
當我以為琴日發生既事係一場夢既時候，手機隨即響起。
【鈴...鈴...鈴】
我完全將琴日既事拋諸腦後，如常咁拎起電話。
【喂？】我說。
【沙..沙..沙】電話裏傳出沙沙聲。
幾秒後傳出一把沉重既聲音說：【...係...我。】
【貞子？】我講笑咁講。
【...係...】貞子說。
我腦海裏隨即唸起琴日發生既事，驚到即刻收左佢線。




以防萬一，我即刻上網搜尋左關於對付貞子既各種方法。
說時遲，那時快。電視機自己開著左並傳出雪花既畫面，我知佢要黎料。
方法一：將電視機面向牆，等貞子爬唔到出黎。
我即刻狗衝過去將舊式電視機搬到牆角面向牆。
我大叫一聲：【弊！】
貞子好聰明咁選擇左係我新個部電視機度出黎。
我唯有即刻洗出方法二：將兩部電視機面對面拍埋一齊，等貞子係電視之間爬黎爬去，出唔到黎。
我拍一拍自己額頭，大叫一聲：【頂！】
貞子好聰明咁伸手將其中一部電視機推開先，再爬。
我果斷洗出方法三：係貞子爬到一半時，拔掉電視機插頭，等佢卡係電視機裏面。




當我拔左插頭後，然而發覺都係唔得！佢仲係爬緊出黎！
我即刻洗出方法四：係電視機螢幕前擺一面鏡子，等貞子爬出黎時見到自己個樣，嚇死自己。
貞子已經爬左出黎，佢照一照鏡對住我講：【多謝你送禮物比我】
我：【...客咩氣，如果無咩事既話你可以返去先喎。】
貞子：【頭先打電話比你，做咩收我線？】
我：【你...你知啦，依家啲電話費咁貴，我都唔好意思傾咁耐既...係咯..無咩事你可以返去先。】
貞子：【你唔好唸住避到我呀！話埋比你聽，你就算將電視機對住窗口我都係爬到出黎架~】
我：【無我點會避你呢你咁可愛咁迷人咁得人鐘意~係咪？】
貞子將塊面挨埋黎我度說：【真...係？】
我好驚咁說：【係..係..梗係~】語速好快。




貞子：【原本打黎同你講聲早晨既，見你收線驚你有事黎睇下你啫，無事啦依家。】貞子好快咁轉身入返電視機入面。
我頓時呆左，心知不妙，原來琴日發生既事係真，呢下真係大檸樂。
真係講都唔信，我竟然會同隻女鬼扯上左關係。