求神畀我出一次Pool，點知畀埋個偶像男朋友我: 136

我張開眼睛，疑惑地望著床邊背著我的男人。

「你醒喇？」他轉身說，剛好有一道強光照著他的臉。

我揉揉眼睛，仔細一看，是陳浩賢。

是我朝思暮想的陳浩賢。

「嗯，我哋係咪一齊咗？」我有點搞不清楚昨日到底是一場夢還是現實。



「bb你係咪未訓醒啊？」他向我輕輕一笑，然後繼續埋頭苦幹，好像是寫著什麼。

「我有啲亂啊.....唔知而家係咪發緊夢......」

「傻妹，你話呢。」

這時，他過來躺在我旁邊，撫摸我的頭，又親了我的嘴。

我推開他，再次否定自己說：「無可能㗎啵，你真係鍾意一個咁樣嘅我？我又廢又唔靚......我高攀唔上你㗎，啲人會唔知點睇你㗎，你係咪假㗎？！！！」



「咩啊？乜尋晚首日文歌你都聽唔出我對你係點咩？」

我......我不肯定，那始終都是我憑歌詞感受的。

我想你說出口。

「你知道我由第一日同你喺ig傾計已經鍾意你㗎可？」他問。

我搖頭，雖然我理性上知道他有說過，但我不敢相信。



他續說：「我知我咁講你應該唔信，但的確係你令我知道呢個世界係有顏色。因為你，我知道有人係咁善良，係會無條件接受我，所以我唔想再諗死，亦都唔會傷害自己，更加唔再需要遮住佢。」他摸著手腕上的傷疤說。

「真嘅？」這番話不但出現過我有關機場的夢，而且在演唱會時我也感受過，這種如幻似真的感覺令我有點難以接受。

不知道他從哪裡掏出護腕帶，並把它交到我手上說：「不如你幫我保管啦。」

「喺我眼中，一切喺你身上嘅都係最好㗎，我先係襯唔起咁善良嘅你啊！仲有，你唔似其他人睇我做Player，我都唔會理人點睇你。總之，俾我一直喺你身邊守護住你，好唔好啊？」他握著我的手說。

從他口中確切聽到這番話，我不禁又感動得流淚。

不論是手上的護腕帶，還是嘴角感受到的咸味都令我知道這一切都是真實的。

我決定要紀錄下來。

「你有無紙啊？」我問。



「嗯。」他馬上拿來桌上的筆記簿，打算把新一頁撕下給我。

「咦，呢本咪係你上次飛之前漏咗，突登返黎Hall攞？」

「嗯……」

「可唔可以俾我睇啊？」我好奇一問。

他卻猶豫了好一陣子。