求神畀我出一次Pool，點知畀埋個偶像男朋友我: 137

201x年12月26日 怪夢
尋晚無啦啦夢見阿軒鍾意嗰個沈絲絲。佢都係怕怕醜醜，唔知我講錯啲乜，佢就嬲咗我，我道歉佢又唔理我。

【佢同現實一樣串77咁。睇完我msg唔覆，仲要一開始抄我食carbonara以為我唔知。我都係唔好諗佢咁多，始終佢俾人mark咗㗎喇，或者佢想博出名痴埋我度呢，但博出名就唔會串我喇！算，諗唔通！】


201x年1月11日 怪夢x2
尋晚個夢又關沈絲絲事，今次係同佢食飯，唔知點解我講咩佢都傻笑，佢都幾得意嘅，只係佢問我做咩界手，我唔知做咩一五一十講曬啲原因俾佢知，點知佢居然無話我，仲話因為我有6條痕，佢都用紅筆畫6條喺自己度，跟著我就笑醒咗。

【佢其實無問過我手腕嘅事，我都知應該無人會care，不過唔知點解佢開始約我做gym，都好嘅，我可以順便八卦下佢同阿軒發展成點，我真係覺得佢哋唔夾，但阿軒鍾意就無計啦。】




201x年2月1日 幻夢
尋晚個夢終於唔再係沈絲絲，而係一隻飛蛾，係一隻好香嘅飛蛾，一直圍住我轉，但我唔知自己係咩，只係叫佢佢又聽唔到，捉又捉唔到佢。

【我諗我知佢係邊個！！！佢仲話同我同一時間諗起我po嘅歌詞，唔通呢個世界真係有心靈感應？不過，而家我唔可以搵佢住，寫著歌等佢先！！】


201x年2月22日 「蠢」夢
Shit！唔知做咩，我居然一起身成張床濕曬，成個夢我都仲係好記得……



【其實我知係因為尋晚佢同我喺張床……之後我就ff埋之後嘅事……啊，我點會咁㗎，好核突啊……我唔係話要搵返佢嘅咩？點會係呢個沈絲絲！！！！！ 佢仲要求我彈自己首歌，我心諗：你就想！自己買飛啦傻仔！】


201x年2月24日 旅行夢
今次呢個夢超開心，我又係笑醒㗎，因為隻飛蛾居然化身成仙女……同我去咗唔知邊度旅行，一齊影相、食嘢，又聽我唱歌。唔知佢真人係點呢，夢入面個樣有啲似沈絲絲，救命！！係咪我最近毒到腦海得返佢呢個女仔先會咁咋，俾人知就死得= =

【我終於同佢講咗佢係我咁多fans入面最close㗎，希望佢明我意思啦，到咗嗰日我ready就同佢講佢就係我嘅仙女先！】




201x年3月6日 惡夢
FUCK！！！又遇到個仙女，點知佢無啦啦擰轉頭，掌我一巴就嚇醒咗。

【唉，沈絲絲家姐搞成咁我都好大責任，我真係完全訓唔落，諗唔明點解自己咁蠢阻止唔到呢件事發生，就連本身plan咗今日表白都無曬心情。我聽Richard講，佢哋真係一齊咗……。】


201x年3月20日
【屌！！！！完全訓唔著，乜夢都發唔到，仲要冷靜唔到。佢今日同我講有男朋友，叫我祝福佢！！乜我真係咁差？？！！定係佢一直覺得我係Idol就神聖不可侵犯啊，我都係男人黎㗎，我咪講曬所有無人知嘅嘢話俾佢知lor！！！！仲要到而家聽完首歌咁耐都唔L理我！！！FML！！！】


201x年3月21日
唉，今日我又發返上年我解唔通嘅夢。

【不如買張機票去當地啦？btw 唔知點解親眼見到佢同阿軒坐得咁近，仲要喺嗰張床隔離，感覺好怪。屌，佢關我Q事咩？！】



.
.
.

201x年4月1日
我今日竟然訓得超冧，無發任何夢。我知，咁係因為我一醒已經置身喺美夢當中，哈哈！

【啊，佢醒喇！！！！傻妹居然以為自己發緊夢，點解可以同我咁似㗎……】