求神畀我出一次Pool，點知畀埋個偶像男朋友我: 135

「原來阿軒臨走前入咗我屋企寫信，仲幫我閂門同自首。唔知咁樣係咪最好嘅結局呢？」我問。

陳浩賢放下我的手機，用力摟著我說：「呢段日子辛苦你喇......本來我唔放手，或者早啲同你相認，你就唔會有呢段咁唔開心嘅回憶。」

「但……阿軒令我知道原來搵啱人係咁重要。我之前就係覺得既然我咁恨拍拖不如應承佢開始呢段關係，但到頭來發現自己一個人仲好過格硬搵個人同自己拍……嗰份寂寞根本仲係度。」我坦然說。

「唉，傻妹，咁你知點解聖誕嗰日我要揭穿你無拍拖未啊？」

「點解啊？」



「我想你認清事實啊。」

「你呃唔到我。阿軒對你係點，你知㗎啦？你唔鍾意人就唔好拖佢，作理由可以作好少少喎。阿軒單純先會信咋。」

「啊！」我突然回想起那時候他對我說過的話。

「記得喇？嗰陣你都知自己點諗阿軒㗎......我唔想你拖落去先咁做，點知你仲應承同佢一齊。」

「原來你一早睇得咁透，枉我仲嬲你咁耐添。」我不禁拍打自己的頭，怪責自己看不穿陳浩賢的心意。



「不過我唔會再俾機會你受傷害㗎喇。你會一直都咁鍾意我？」他認真地看著我說。

「嗯，鍾意爆！」我在他耳邊說。

「咁我係邊個啊？」

「idol？」

他搖搖頭，並在我耳邊說：「唔準咁叫我，我係你bb啊！」



「浩賢bb～」我害羞地在他耳邊說。

「絲絲bb～」他親了我額頭，然後我們便雙雙入睡。

這一晚，我做了一個很長很長的夢，但醒來時已經什麼都記不起。

「你......係邊個啊？」