求神畀我出一次Pool，點知畀埋個偶像男朋友我: 134

「叮」

正當陳浩賢伸進我裙子裡的一刻，手機的通知聲把我們的理智線拉回。

是姐姐的訊息。

「可能係屋企嘢。我而家睇？」我問。

「嗯。」



我們放下了原本在對方身上的手，一同專心地看著訊息。

「我哋啱啱返到去喇！好彩門有閂好，電腦都喺度，我仲見到一張無寫名嘅信喺你figure隔離，我影俾你睇……」

憑著歪歪斜斜的文字，我肯定那是阿軒的筆跡。

「絲絲：

我真係好對唔住你！我唔知點形容分手之後對你嘅所作所為有幾黑人憎、有幾令你驚我，我亦唔希望得到你嘅原諒，只係想你平安無事。



我承認，嗰晚喺Hall見到你哋兩個，我真係好嬲好嬲……我當時覺得自己最好嘅朋友同你都咁對我，就同自己發誓一定要將你搶到手同埋對你好好，等你唔會再諗佢、會欣賞返我……

點知同你一齊之後，我反而令你覺得我做嘅嘢只係為咗滿足自己，你亦只係鍾意我嘅好，甚至連你喊我都一概唔知。聽到你講呢番話嘅時候，我個心真係好難受，先會忍唔住叫手下……我知道而家嘅我已經唔係你原本識嘅我，係一個連我自己都接受唔到嘅人。

我諗，對你最後嘅溫柔除咗離開，應該無其他。

放心，我都會拉埋我阿媽自首，如果佢唔肯，我就會將罪名攬上身，希望減輕我哋對你同你家姐嘅傷害，同時我都想喺阿妹面前立下榜樣，所以我諗我要拜託你哋照顧我阿妹一陣……

最後，真心祝福你同陳浩賢，見到你哋之間嘅眼神，我就知我無辦法好似佢咁吸引到你，或者有啲嘢真係勉強唔到，但願我出返黎之後，已經放低咗你，搵到一個真心鍾意我而自己又好鍾意嘅人啦！哈哈～



Sorry my dear princess anyway! 」

看完這封信，我和陳浩賢雙雙呼了一口氣。