求神畀我出一次Pool，點知畀埋個偶像男朋友我: 112

「叮」

「你可唔可以講多次你個偶像叫咩？」是童姐的訊息。

「BU～」

「屌！咁你點肯定佢追你？你哋傾咗幾耐？」

「小學生唔好成日講粗口啦～佢以為我仲有男朋友，同我講會同佢鬥>////<兩個月多啲啊～」



「唔係掛！！！！」我被她的文字嚇了一嚇。

「做咩啊？？無啦啦講我偶像嘅，你講返陳浩賢俾你嗰張飛先啦！」

「唉，我真係當你好熟先講，雖然我唔明點解你可以咁耐都唔知，但我覺得你到時先知一定會好柒......」

什麼意思？我怎麼覺得是陳浩賢和BU之間的關係？

「你講啦，我大概有啲心理準備。」



「靚仔哥哥俾我張飛寫住「Hey BU在等你」演唱會。」

不會吧？！！！！！！

BU就是陳浩賢，陳浩賢就是BU？

「唔會啦，陳浩賢唔食煙，但BU喺歌詞話佢食㗎！仲有呢，BU真人拍得好少次拖㗎，唔係成日溝女嗰啲player！」我馬上推翻了她。

「等等，以我識嘅靚仔哥哥，佢其實拍過一次拖咋，仲好專一㗎，同我一樣好多人追就真嘅；至於你話BU食煙，歌詞寫係咁寫，一定要真嘅咩？意境呢啲嘢，我小學生都識啦！」



「竟然係咁？！！！但BU成日都話想死想死㗎，陳浩賢咁樂觀，有咩可能......」我不斷想著辯駁原因。

等等，護腕帶下的傷痕不就是想死的鐵證嗎？

所以，BU其實就是陳浩賢隱藏的自己？

對呢，陳浩賢向來很少向我提過他的事。

這樣就能解釋為什麼BU每次找我都是陳浩賢的消失或是到來，他倆從不交疊。

如是者，陳浩賢喜歡的女孩就是......

那個值得他去東京尋找答案的女孩就是......

那個就算有男朋友也要追求的女孩就是......



我？

我一直在吃自己的醋？

怎麼我沒有因此感到高興，反而感到鼻子很酸呢？

慢慢，淚珠不斷掉下來，我才知道原來我在羨慕虛幻世界的我，我在現實生活中根本不值得人喜歡。

不然，陳浩賢不會只喜歡outofthepool而不喜歡沈絲絲。

「我諗兩諗，佢真係BU。」我心灰意冷說。

「啊～咁你覺得我應唔應該話俾靚仔哥哥知你就係個蠢fans好呢？」



這時，陰險的童姐出來了。

「唔好啊！！！」我馬上截停她。

要是他知道了，肯定對我死心呢。

我可是從頭到腳都配不上他，更加不想因此影響他演出前的心情。

「童姐，你想點啊？」我低聲下氣問她。

我知道她又想交換條件了。

「um…..我睇唔順眼靚仔哥哥鍾意你多過我囉～你坐邊先？」

「佢話我出示ig，就可以坐中間vip位俾我。」我誠實說。



「咩話！！！我童姐都居然坐側邊！！咁我要同你調位。」

「哦，你鍾意啦！」

這樣也好，他就見不到我了。

「咁到時你同我一齊入場，我俾手機你，你俾飛我。」我建議。

「ok deal～我保守秘密。」