求神畀我出一次Pool，點知畀埋個偶像男朋友我: 111

「喂？」

電話接通了。

「童姐，聽日得唔得閒啊？想搵你陪我揀化妝品啊，你知我柒頭唔識呢啲㗎啦～」我自嘲地說。

「哦，呢樣我在行啦！本身放假就一定full booking，不過見你係我阿哥個ex，又係靚仔哥哥個fd，我都可以推走晏就果個Johnson、Peter同夜晚嘅......唉唔記得咗邊幾條仔，你知啦......」

感覺她還有一大段話要說，我忍不住打斷了她。



「Yeah！咁我哋聽日再慢慢傾！到時見～」

我早早來到了車站等她，怎料她也是準時地來到。

童姐雖然年紀輕輕，但身穿白色一字領連身裙、頭戴花花髮帶，配合恰好的妝容，天生較為高挑的身材，還是得到不少中學男生的目光，相信沒有人猜得出她只不過是11歲的小孩。

「無見幾日，都係咁靚啵～」我們一邊走到童姐推介的化妝品店，我一邊說。

「妖！我上次著睡衣，又未化妝，唔好提啦～你都唔差啵，電咗頭髮！」她輕撫我的捲髮。



「呢個未係完成品嚟㗎，我今個禮拜會染埋灰色～」我意氣風發地撥動頭髮說。

「你又整頭又打扮，唔通你......」她疑惑地想著：「終於有自知之明？！哈哈哈！」

我無奈地說：「係啊係啊，知自己柒頭喇，而家咪聽你話改變下，變靚啲囉～」

「不過，我都要多謝你嗰日即刻搵到陳浩賢救我啵～」

「靚仔哥哥？咁就緊係啦，我知我阿哥好大男人，咁我都有同理心嘅。」



原來小學生已經知道「同理心」這個名詞，現在的教育果然不一樣了。

「我真係要叫多聲童姐先得喇！」我顯然在奉承她。

看她一副得意洋洋的樣子，大概已經中了我的圈套。

「係呢，咁你同陳浩賢點識㗎？平時會傾咩？」既然我得到她的信任，當然要向她了解陳浩賢的多面。

「靚仔哥哥以前會上我屋企同阿哥打機㗎，咁我見佢咁靚仔又識氹人，緊係拿拿聲攞佢IG啦～靚仔哥哥同我咩都傾，主要係感情生活囉～佢返嚟之後日日練琴先少咗傾。」

哼，這個臭丫頭開口閉口就是「靚仔哥哥」，對我就形容成「柒頭」，真可惡！

但為了達到目的，我只有忍！！

「哦，乜佢仲有試要考咩？難怪前幾日我撞到佢買西裝。」



「拿，你有無秘密同我交換先？」她問。

哈，果然是小學生，不過只要我能打聽到有關陳浩賢的事，交換一些算不上天大的秘密也沒相干吧。

我想到了！

「嗯......有！」

「好，我講完到你。我其實chok到佢下個禮拜有公開演出，仲俾埋飛我，叫我一定唔可以同人講㗎。」

公開演出？怎會跟BU一樣，剛好是下個星期？

「可唔可以俾我睇下張飛？」我靈機一觸。



「我都無點認真睇過，不過你講咗你嘅秘密先。」

這女孩果然很機警。

「可以，但你都唔好同人講啵——我個偶像追我！」我在她耳邊輕聲說道。

「咩偶像啊？八兩金？哈哈哈哈！」她似乎覺得我在胡言亂語。

「頂，對住小學生我唔爆粗，係好有音樂才華嗰種啊！！！」我強調道。

這時，我們來到目的地，但一看就知道是高級品牌，我有點擔心帶不夠錢。

「我求下你，我哋轉場啦～」我拉著童姐來到另一間平民品牌。

「哇，原來有化妝品唔駛一舊水。」離地的童姐看著價錢牌，驚奇地說。



「係啊，呢度我先買得起～麻煩童姐～」我抱怨道。

「咁我揀，你繼續講啦。你偶像叫咩名先？」她一心二用邊為我挑選適合化妝品，邊問。

「um……BU。」我輕聲說。

「BU？好似有聽阿哥講過。」

「係啊，你唔好同你阿哥或者陳浩賢講啊！佢哋都有聽佢啲歌㗎～只係咁橋佢又係下個禮拜有演唱會，又諗住送飛俾我，我咪好奇下你張飛囉，唔知佢哋會唔會同一個地點呢？」

「竟然，無諗過你都有偶像追啵，唔怪得你換曬新look咁啦，咁我搵下張飛先～」她掏出錢包，卻找不到任何門票。

「睇嚟喺屋企，我今晚再同你講～」她有點不好意思說。



「好，我信你！」我們勾手指尾後，她幫我挑好化妝品，還買了一對低調的灰con便回家。

這晚，我知道又有人跟蹤我，但因為我走多人的大街，他應該不敢靠近我。

幸好之後我也要留在家準備考試，大概下次出門就是染頭髮和看演唱會了。