求神畀我出一次Pool，點知畀埋個偶像男朋友我: 110

昨天我才買完衣服，今天是時候到樓下的髮廊染頭髮了。

陳浩賢曾經對我說，想做就去做，那我當然要承他貴言，做喜歡的自己。

「唔該，我......我想染好似re0 Emilia嘅髮色，啊，或者未聞花名嘅面麻都可以！」我對著鏡子說。

因爲Emilia和面麻都是超可愛呢！

「小姐，乜鬼re0同花名啊？我就真係聽到臉都麻。」髮型師用奇異的目光看著我。



「哎呀，即係染灰色，要好睇又襯我嘅~」我換成一般人説話方式。

「哦，你一早咁講咪得囉！你其實白白淨淨又唔會話襯唔起嘅，之但係......」他有點猶豫説著：「見你有少少怕醜咁，你怕唔怕染呢種顏色俾人成日望㗎？」

「嗯......如果係以前嘅我，緊係怕啦......」

「但而家......」有著陳浩賢的鼓勵，我知道我就是我，染髮又不會影響別人，爲什麽要顧及他們的想法呢？

我的價值不需要由別人來定義的。



加上，除了姐姐，我相信這個決定至少還會得到BU的支持，他可是一直以來都明白我心意。

就算見面後他的確嫌棄我的外表，這只是證明他根本不是真心喜歡我，而是沈溺於我輸入的文字。

這樣的話，我也是看穿了他為人。

「......我已經ready！」我異常變得有自信續說。

與髮型師商討後，我決定今次先燙捲髮，然後下星期即是演唱會當天早上才再做漂染髮，以確保髮質不會受損。



「拿，你電大波浪真係唔差啵～下次你戴下con，化少少妝返嚟，會更加襯灰頭髮㗎！」髮型師認真地建議道。

「哦......好啊......」看著鏡子裡一頭黑捲髮的我，雖然是很新鮮，但還挺像玻璃面具的月影千草，但願不會像她一樣毀了半邊的面容吧。

「哇，阿妹，電得好靚啵～」一回家，姐姐用欣賞的眼光打量我的新髮型。

「嘿嘿～咁你呢排可唔可以陪我買con同化妝品呢？」我不好意思地問。

「wow！終於大個女喇，但呢幾日我要返工，我而家教你買咩，你之後自己買啦～」姐姐興奮說。

「首先，化妝前一定要護膚，你以後唔準只係清水洗面！」

「下......我咁懶......」我猶豫自己能否堅持。

「對自己勤力啲啦衰妹！都係用下爽膚水、搽cream咋嘛。之後先係重頭戲！粉底液、遮瑕膏、眉筆、眼線筆、睫毛液、眼影、唇膏......」她一一在便條紙上寫下來。



「哇，咁多嘅，咪好貴！」

「係啊，貪靚係貴㗎！話說我上個月無bonus，整頭髮錢我就幫你俾，其他你就要自己買喇！」

「好啦......」我也不好意思伸手要錢，只好之後多找幾份補習吧。

唉，打扮又麻煩，花費又不少，但為了以更好看、更有自信的狀態看演唱會，我是願意付出的。

等等，我應該找誰來陪我購物呢？