求神畀我出一次Pool，點知畀埋個偶像男朋友我: 109

「指間的香煙問我 這是一首為誰而寫的歌～」姐姐哼著歌，和Richard牽手迎面而來。

「wuuu！終於見到男神喇啵！」Richard瞄一瞄我，便拍著陳浩賢的肩膀。

「你叫我嚟咋嘛。」陳浩賢捧起一袋新買的衣服。

「咩啵，你買到衫咪好囉～」Richard說。

姐姐這時拉我到一邊輕聲說：「仲以為你陪我睇衫，點知自己買咗先～仲要同人一齊行添。」



「咁我唔想做電燈膽啊嘛～」

「算你今次解釋到啦！我去俾錢先～指間的香煙問我 這是一首為誰而寫的歌～」姐姐又續唱這句歌詞，大概是忘了下一句，然後和Richard走到收銀處結帳。

對了！我昨晚不是疑惑過BU和陳浩賢的關係嗎？那我看看陳浩賢有沒有抽煙習慣不就真相大白了！

我走到陳浩賢身旁，深深地呼吸了一口，卻只聞到淡淡幽香。

「搞咩啊你？死變態！」他馬上害羞地抱緊自己。



啊，可愛極了！

「喂，你有無食過煙？」我決定直接問他好了。

「食完口臭又牙黃，點會食啊？！傻仔！」他輕輕拍了我頭一下，又馬上縮手。

看來他們是兩個不同的人，只是性格有所相似。

這也好，我本來就無法接受煙味。



既然解決了這個問題，我現在要好好向東京女孩下戰書！！

「話說呢，嗰個女仔……既然你明知佢有男朋友都唔放棄，佢究竟有啲咩咁吸引你？我想學佢！」我鼓起勇氣，帶著累積20年表白經驗，望著遠處的姐姐和Richard說。

「嗯……」他躊躇了一陣子，說：「其實你就係你，你唔駛為任何人而改變㗎。雖然我成日話你好傻仔，但其實咁都幾得意啊，你會聽我彈琴聽到FF，你會留意我手腕，以為我唔知。」

可愛？原來這都被他發現了……

「雖然佢俾我嘅感覺都有啲類似，但我始終覺得…….認定咗佢，我就唔想搵其他人代替佢。就算佢真係唔鍾意我，我都可以等佢。」

男神的愛情觀……這刻的他一點都不再像Player，而且他連拒絕我也這麼讓人舒服，我更肯定自己非他不可了。

「好，我明白喇。」我要像陳浩賢等待她一樣等待著他。

「嗯，其實我都要多謝你，我先明白咗啲嘢，然後返黎搵佢！」



「下，佢喺香港咩？」我再次吃驚地問他。

所以，她不是東京女孩？

「唔通喺邊？你唔係以為佢係東京人啊嘛？」陳浩賢反問我。

我有點不知所措，等待他續說。

「哈哈哈哈哈！你真係傻到爆！好啦，我返去練琴先，bye～」他報以燦爛一笑便轉身離開了服裝店。

就這樣，今次的告別就像上次那場夢一樣，他是笑著離開我的視線，而且他是知道我還是喜歡著他的。

よかった（太好了）！！！！