求神畀我出一次Pool，點知畀埋個偶像男朋友我: 108

第二天，我陪同姐姐和Richard來到服裝店選購衣物。

「呢條裙好靚啵！襯唔襯我啊？」姐姐選了一件黑色吊帶連身裙問。

我打了個哈欠， 敷衍地回應：「幾好啵～」

「我就話普通喇，呢件襯你啲啵！」Richard選了另一條同樣是黑色裙，明顯較為密實。

「依～都唔靚～」



「嗰件太sexy喇～俾我睇就ok！」

「死封建佬！我唔管你都唔可以管我㗎嘛～」

「咩喎～咁你鍾意就照買啦～」他摸摸她的頭髮。

「咁先係我乖Richard啊嘛～」姐姐馬上抱著他輕吻他的臉頰。

眼見他們忘我地「耍花槍」，我全身不禁顫抖，決定離開現場，到處看看。



新品層架上，其中一件印著「Tokyo」潦草小字的淺藍色T-Shirt很快吸引了我的視線，還有一條啡黃色格子短裙，這也太好看了吧！

我馬上拿了下來，走到連身鏡前比對一下自己，鏡內卻照出角落不遠處有個奇怪男人在看著我。

當他發現我瞄到他時，他立即離開店舖。

他是誰呢？是在跟蹤我嗎？

我正打算轉身追他時，便見到另一個人。



是黑捲髮的陳浩賢。

「哇，你做咩喺度嘅？」我吃驚地說，心想他不是在東京尋愛嗎？不是打算在那邊過一整個假期嗎？

「點解我唔可以喺度呢？」陳浩賢拿著一件藍絨面西裝和白襯衣，在本來我在使用的鏡子比對。

這身裝扮太適合他了吧。

「哦，買靚衫，見完東京妹喇？」我藉此八卦一下他近況。

「咩東京妹啊？未訓醒啊你？」說罷，他便打哈欠續說：「買lu～」

「話我未訓醒自己咪又係一樣。」我喃喃自語，然後又打了個哈欠。

唉，早知道會見到陳浩賢，昨晚就不和BU聊太久了。



「係呢，BU就快開演唱會，你係咪唔會去啊？」我們排隊付款時，我問他。

「唔啦～」他一口拒絕，果然是我認識的陳浩賢，又問：「你去？」

「唔話你知～話說呢，頭先我真係見到有人喺後面『裝』我啊！！」我輕聲說。

「唔係掛，真係俾我同Richard估中……」

「咩意思啊？」我不明所以。

「總之呢，你而家盡量去多人地方，最好同家姐、Richard一齊，有個照應！我呢，唔睇得你耐㗎喇～」他說完便望著地下甜笑一下。

「哦，因為個女仔？」我吃醋說。



「嘿嘿～～不過講真，你都有啲啲似佢～」

像我？不會吧......她一定是才貌雙全才對呢。

「係咩，咁邊度似啊？」

「傻更更咁。」

原來他喜歡和他相反的類型......

「哦～不過無人有我咁蠢掛～」我自嘲說。

「um……好似有得揮。」他猶豫一會答。

「唔係掛，咁點解……」



為什麼你不選我？

「我……」

我不是近在眼前嗎？

不，我不能再這樣想了，昨晚足以證明BU能取代他了。

「後面可以過嚟俾錢～」店員禮貌地指引我們上前結帳，但因為我不想讓他知道，我手上的都是我為了看其他男生舉辦的演唱會而買的，所以我請陳浩賢先付錢。

只是，「Tokyo」的T-shirt也不過是為了親近他嗎？

說穿了，我是不想讓他知道我就是想成為東京女孩，不想讓他知道我根本不想放棄和他的緣份。



那麼，我可以和她競爭嗎？