只要和你在一起: 零分

兩個星期。

佢無搵我，我亦搵唔到佢。
我經已完全失寵。

喺呢段時間，我無用過 Peace 出俾我嘅附屬卡，專心搵啲散工做住先。
久違嘅電話鈴聲響起。響果陣我喺7仔搬緊貨，我過咗成半分鐘先接到。
「你出嚟。」係 Peace 把聲。



可能之前已經經歷過離合，我都無之前咁大感覺。
當然，我都請咗半日假截的士仆去搵 Peace。
添美道，褓姆車上。
「Sorry呀……」第一句，佢居然好公開場合tone道歉。雖然我都仲未知佢道歉嘅內容，但

果種感覺好疏、好遙遠。

我從銀包拎張附屬卡出嚟，再恭敬咁雙手接住兩邊遞俾佢。

「喂等等，我唔係呢個意思…… 」Peace 睇到呢個場景，竟然大驚、不知所措。



「你都唔要我啦。」我垂低頭。

「我放唔低你。」Peace 捉實我雙手，「我知我唔應該又嚟刺激你，但我真係好空虛，我搵唔到一個真正愛我、在乎我嘅人。」

「咁妳應該搵阿周。佢先係真正在乎妳嘅人。」

「係我叫佢勸你死心，我唔啱。」Peace 開始激動，「但係佢，佢唔係我鍾意果type嘛！」

「但當初妳就係睇中「大份有安全感」呢 type……」佢無出聲。


「而余豪，就係一個辛苦搵錢去 Take care妳、照顧妳嘅人。」

「佢已經有音樂，」Peace 終於忍唔住喊，「無咗我，佢先可以放手專注佢嘅事業！」

「咁妳呢？妳對余豪嘅感覺係點？」佢無言。
「所以你就要搵個一無事處，喺 7仔搬貨，有戀足癖嘅死窮撚？」
「錢方面我從來無要你操心過。今後，你亦都唔需要擔心我嘅事業、家庭，我發誓。」

講完，佢拉開車門。街燈嘅光線從車外透入，我諗我係時候離開。
我落車，頭也不回咁離開佢嘅視線範圍。或者應該話我唔敢望轉頭：我現時喺佢心目中嘅位置已經係扣到無分甚至係負分。但係我可以怪邊個？
係我親手破壞呢段關係。
今後，我哋應該唔會再見。

https://www.youtube.com/watch?v=0yGQKQ4Wmdo