只要和你在一起: A.T.L.
【Peace戀情新進展！與大台一線小生戴快活火速撻著！】－娛樂雜誌《八週刊》封面。
【Peace戀情新進展！與大台一線小生戴快活火速撻著！】－娛樂雜誌《八週刊》封面。
唔做 7仔都唔知雜誌架仲有八掛雜誌賣。
呢個已經唔係我得知件事嘅第一手消息。連無聊時上網聽直播都有實況主講，「喂 Peace 家下3字頭都要搵人拍拖啦！唔上岸嘅話等幾時？」
我拎起本八掛雜誌，望咗兩眼。
「戴快活喺娛樂圈發展順利，大台嘅一線小生。事業有成嘅佢斥資近億購入何文田豪宅，加上最近成功用誠意打動Peace，成為名副其實嘅『筍盤男友』。」
Peace 無講錯。
我好開心佢終於搵到屬於佢條路——
幸福嘅家庭、穩定嘅經濟、光明嘅星途，仲有美滿嘅愛情……？
無論如何，Peace 都向住佢人生嘅目標進發。我都會戥佢開心，真心嘅。
話口未完，食飯時間又喺茶餐廳門口，聽到某大台嘅主持不停採訪追問 Peace同新對象嘅戀情：
「會唔會計劃生BB呢？」「三年抱兩？」
明明同一批人，前一排先喺度為佢同余豪分手嘅消息話感到惋惜、愁雲慘霧等等。
咁快就雙星報喜咁，駛唔駛顧吓余豪嘅感受？定係，佢哋已經忘記咗余豪係邊個。
主持人：「哦哦哦，Peace個……ex 吖嘛。我記得我記得。」（設計對白）
有邊個記得佢係喺幕後默默耕耘嘅人。
呢個時候，我收到一個來電。
「喂你喺邊呀柏？」電話另一邊係阿周焦急嘅喘氣聲，「就差你一個呀！」
「差我？」一諗起阿周條死仔成日都cher我去機舖打機，我都無好氣應佢，「喂我一陣仲要返夜執牌仔呀，今晚你自己打住鼓先啦。」
「哎也……唔係呀！」阿周繼續上氣唔接下氣，「總之……Clubhouse等！我send咗個地址俾你，唔嚟……你會後悔一世。」
死肥周 cut 咗我線。
佢都痴線！我連 7仔都無得撈嘅話就真係後悔一世！
……
最後又係一程的士。
一落車。何文田半山區，氣派果然唔同啲。
推開大門入去，睇大堂嘅格調，好似係一個私人會所：但感覺呢度比起私人住宅嘅會所更加私人，亦唔見得有任何閒雜人等出入。跟會所職員轉咗好多個圈，佢最後帶咗我去一度好似豪華影院入口嘅大門前面：「請。」
我一推開門，見到嘅只有一張好大、圓型嘅大床，喺暗淡嘅燈光下，有兩男一女坐喺床上面，
左邊有一個肥佬，拎住一枝香檳準備發射。
右邊有個排骨仔，喺床邊擺放緊香檳酒杯。
中間嘅女仔，擺弄嘅佢纖瘦無贅肉嘅性感嬌軀⋯⋯
「終於都齊人啦！阿周、阿柏、阿豪！今晚我哋一齊解放啦！」
「妳唔係先啱啱…… 點……點解會咁？」
「識溝一定係溝有錢 player啦！唔係邊有錢湊你哋三隻化骨龍？」
衰妹吖……居然咁撚識玩？就等我哋今晚一齊同你玩「三人二足」啦！
Music! Addicted To Love!
https://www.youtube.com/watch?v=IZRVTERJarY
HAPPY ENDING.
《完》
謎之聲：多謝音樂人徐浩網上分享咗好多充滿感情嘅cover，給予我好多創作靈感。Youtube Channel: https://www.youtube.com/channel/UCJZvUeeGxHeKLaFnB8ID9og