廟街有殭屍（已在各大書局上架）: 第二十章

與我們同住的呂嬸，她是一個保安，在尖沙咀的一幢大廈上班，為人有禮，恭敬可親。
 
 
但她的女兒呂子璇則是完全相反，跟南門蔚的冷酷不同，是真的態度惡劣那種沒有禮貌。
 
有次我跟她相遇在門前，她剛好放學回來，身穿啡色格仔裙的校服，不過明顯裙改短過，只及大腿的一半。
 
她確實如AV仁所說，是一位美女，啡髮高馬尾，水盈大眼、五官精緻，膚色是健康的麥色，跟南門蔚是另一種味道。
 
她一踫上我，就不好說話地道：「車，仲以為嚟咗嘅係一個靚仔。」然後從我身邊經過。


 
吓？
 
我呆在原地，完全不懂反應。
 
吓？
 
我有什麼得罪她？
 
AV剛好路過，拍拍我的肩膀說：「呂子璇係咁，往好方向諗，佢份人都幾直。」


 
就是這樣，之後的日子我也非常怕會遇見她，誰知道她又會說什麼話來損我。
 
呂嬸經常夜班不在家，呂子璇也是經常不在家，而且一在家會有陌生的男子進出她的房間，有時是西裝男，有時是大叔，反正人家家事，我也不好說太多，不過每次遇見呂嬸，總覺得有種對不起她的感覺。
 
由上次妓女蘇盈事件後，南門蔚知道我的不濟，開始教我教我捉殭屍的術數，第一步便上用氣的方法。
 
「我哋可以靠外界嘅道具去捉殭屍，包括我之前用嘅紫線、你用過嘅靈動相機，呢啲嘅好處就就係方便，而且唔需要任何技術。」她說。
 
「都唔係㗎，我影相好勁好有技術，唔信你可以畀我影下。」


 
她完全無視我，繼續說道：「所以上乘嘅制屍方法，就係符同埋驅屍劍。」
 
「驅屍劍？就係妳上次用過嗰把？」
 
她從袋中掏出一銀色劍柄，輕輕一動，伸出血紅色的劍身，這次近距離觀看，才看見劍色光滑無痕，閃爍耀眼。
 
然後她拿出白色的符，說：「符有兩種，一種係活咒符，用嚟畫落結界、開光、或者滅火都得。另一種係驅魔符，用嚟傷敵，可分為水符、火符、雷符、土符。」
 
我好奇問：「係咪妳第一次趕屍有用過。」
 
「活咒符，落咗結界所以佢入唔到嚟。不過有時限，通常都係十二小時。」
 
「但我喺電視睇到嘅符多數都係黃色，點解妳嗰啲都係白色？」
 


「因為未注入墨氣。」
 
「墨氣？」
 
「所有嘅嘢都係用御氣而使，以墨氣架符、架劍，唔同屬性嘅墨氣出唔同嘅符。」
 
「點可以做到呢種呢？」
 
「緣督以為經。」
 
「唔係莊子講㗎咩？」
 
她雙指輕夾着白色符，符文變紅，符頓時變成天藍色。
 
天藍色的符再貼在牆上，源源不絕的水湧出，她撕下後，水就頓時不見。


 
「無錯，以神遇，而不以目視，官知止而神欲行，依乎天理，注入墨氣。」
 
「解牛？我唔係想學點樣解牛喎。」
 
「世上嘅道理無萬不變其中，趙普睇論語可以治國，你覺得佢係解牛，咁咪真係解牛。」
 
「慢慢你會睇到屍氣所在，所以而家第一步⋯⋯」