廟街有殭屍（已在各大書局上架）: 第十七章

她搖搖頭，說：「盈姐當然唔係鬼！」
 
慢著，即是盈蘇不是她親生的母親？
 
「係盈姐一直收留我，當我係親生女咁錫我。」她似乎明白我心中所想的，逕自開口說。
 
「喔⋯⋯」我明白一切了。
 
「係小麗唔好⋯⋯小麗粗心，令盈姐傷心同費神，要去搵方法。」
 




「咩意思？」
 
「小麗唔好⋯⋯小麗唔好⋯⋯」她只是重覆這一句，我也不好多說。
 
走出客廳，只見盈蘇的神色有點不安，不斷地看著手錶，似乎是在等什麼。
 
「仲未得？」她問南門蔚。
 
南門蔚搖了一下頭。
 




「對唔住呀，我頭先講嘢係過份咗，我無諗過小麗唔係你嘅親生女，你仲收養佢，係一個好人。」我誠心地向她道歉。
 
她見我道歉，也放下戒心，說：「小麗係我嘅心肝，我當然知我做緊嘅嘢係對佢唔好，但佢父母死晒，又無人肯收留佢，唯有臨終前託付畀我，我唔當佢係女可以點。」
 
這個職業還要養多一小朋友，其實好不容易，我開始為自己剛才的言行感到慚愧。
 
「一定會好難捱。」我說。
 
「當然啦，乜嘢都會擔心佢。佢學業呀、識唔識到朋友呀⋯⋯健康呀⋯⋯或者係安全⋯⋯」此時她越說越細聲，面有難色。
 




「唔緊要，佢而家無事咪得。」
 
「係⋯⋯係⋯⋯佢會無事、佢會無事⋯⋯」她喃喃自語，有點神經質。
 
南門蔚在旁一語不發 ，只單單看著盈蘇。
 
「盈姐⋯⋯」
 
小麗從廁所出來，仍是背著我們。
 
「盈姐⋯⋯」
 
「小麗，入返去！」盈蘇想起身，卻被南門蔚阻止。
 
「停。」




 
「我去睇佢就得啦。」
 
「唔使！」盈蘇緊張地道。
 
「放心啦。」
 
我步向小麗問：「其實點解妳唔轉身露真樣畀我哋睇？」
 
她緩緩轉過身來，正面仍是一條辮子。