廟街有殭屍（已在各大書局上架）: 第十六章

「救我大師⋯⋯我都唔知點解會咁。」盈蘇哀道。
 
「應該係屍變緊？」我說，但南門蔚沒有回應，只是沉默不語。
 
「咁我應該點算呀？點做好？我已經三日無開工，再唔開工唔得啦。」
 
「帶我去妳屋企。」南門蔚說。
 
我們來到廟街其中一座唐樓的2樓，一個狹小的單位，屋內空無雜物，只有一張古老陳舊的仿酸枝梳化，幾幅掛在白色牆上的水墨畫，都是山水畫。窗外投來紅紅綠綠的霓虹燈光，把人的樣子映成慘綠色，帶點詭異。
 




我們進來後站在原地，不知坐在哪裏。
 
「坐住喺嗰度先，等我。」盈蘇指着酸枝梳化說。
 
斟好茶給我們後，她便發覺南門蔚在地下用白粉筆畫成的大圓圈。
 
「大師⋯⋯呢個係⋯⋯？」
 
「坐入去。」她還是說得目無表情，能不能有點表情。
 




盈蘇戰兢的坐在圈內，正襟危坐，呼吸稍稍急速。
 
南門蔚在圓圈內分布七盞大燈，圈外布四十九盞小燈，在她的腳前放一盞最大的燈。
 
「小心唔好整到，係你嘅本命燈。」南門蔚說。
 
「呢個係⋯⋯？」盈蘇問，
 
「七星燈續命法陣。」南門蔚。
 




「如果妳同屍化緊嘅人性交過，被至陰之氣襲體，壽元大減，需要用陣續命。」
 
聽罷，盈蘇便坐在陣內，不敢作聲。
 
「媽媽～」一個八歲的小女生從房裏探頭，不過不知是害羞還是什麼，只用背面對著我們，她綁了一條長長辮子，身穿唐服。
 
「妓女有自己嘅仔女？」我脫口而出。
 
這一句似乎觸動她的神經，她尖銳地反駁：「係呀！我錯！我做雞！失禮你！」
 
「咁又唔關我事，唔會失禮我嘅，但妳有無諗過個小朋友？會俾人笑㗎。」我說。
 
「關你事？」她面紅耳赤。
 
「唔關，唔關。」




 
「小麗，返房！」
 
南門蔚瞪了我一眼，對她說：「唔好太勞氣，會影響個陣。」
 
她才收聲。
 
空氣中彌漫住尷尬的氣氛，沒有人說話。一時尿急，我上廁所去，洗手後出來時，看見那個小女孩正站在門口，還是背對我。
 
「妳要用？」我問。
 
她搖搖頭道：「做咩話盈姐？」
 
「咁妳媽媽係無考慮清楚對妳嘅影響嘛，職業無分貴賤，但好多賤人唔係咁諗。」
 




「我媽媽唔喺度啦，點解你仲話佢！」
 
「呃⋯⋯唔喺度嘅意思係⋯⋯佢不在人世？盈蘇係鬼？」