呢個係用數值黎追女仔既世界: 4. 孤男寡女

終於等到放學鐘響,收工.

去到學校門口,天使長係外面走返入黎,離遠係度指手畫腳唔知做乜.
勉勉強強終於聽到佢喘住氣話: 走呀!返上樓.
乜料?

天使長後面,李德明出現.
佢隨手推開咗天使長,掉低個書包,走過黎.
我正想轉黎走,但好唔爭氣咁撞到條柱.
傷咗既痛到阿媽都唔認得.




右手傳黎劇痛,後頸同時傳黎一陣赤痛
然後係雙腳凌空,半秒後,背脊傳黎"嘭"一聲.
仲有"咔"一聲,校門牆上其中一個獎狀架揼落我個頭度.
痛死.

"下次睇路啦,唔好四圍撞人喇!"李德明留低呢句話,轉身拎返個書包負在左肩, 右手插袋走返出校門.
望住李德明高傲既背影,我只能以無奈同無辜回應.
難得佢只係咁簡單就收手,我仲以為會俾佢打一身.

李德明呢邊走,果邊PE郭Sir同中文Miss李跟住天使長急步過緊黎我身邊.




兩個老師好似好擔心我受傷,但其實我自已知呢次無乜嘢.
上次仲甘.

原來諗住check吓自已個數值,點知指令視窗多咗一行字:
New function "int sky_moving(int, int, int, int)" gain
咩黎?
另外視野既右上角多咗一個白底視窗,上面就係寫住"int sky_moving(int, int, int, int)"
"係咪撞親個頭個?有咩事呀?"天使長好緊張咁拍我塊面.
"哦?無嘢呀!"我答天使長,但佢唔係好信:"不如去睇醫生啦!"
呢個時候,司令員落樓梯,好奇怪咁多人企係度做乜.




"班長,你幫吓口,叫強哥去睇醫生啦!"天使長搵到救兵,無咁易放手.
司令員好有禮貌咁行過黎同老師打招呼.
兩個老師好似突然放心咗,讓開條路俾司令員.
無錯,要好好利用吓呢個4年全級第一加最佳班長,方便甩身:
"老師,不如阮班長帶我去睇醫生啦!"
老師好似放心落黎,反而司令員擺出一個"關我咩事"既樣.
唔理啦,推咗司令員出學校門口先.

諗落,係好機會.
司令員果然唔會輕易俾我借佢個名過橋.
加上天使長真係好擔心我,加鹽加醋,結果我順利地俾司令員啲咗我去睇中醫.
佢兩個又再一次講哂個情況俾周醫師聽,當然有司令員既解說,利落過天使長好多.
結果就係將我變成箭豬.
我而家趴係張病床上,除咗衫,頭,頸,背,腰加埋插咗四十幾枝針.
而司令員,就坐咗係床邊睇住我.




到底佢睇緊乜?諗緊乜?
完全唔知,周醫師張病床係開定個洞,俾我放個頭,換言之我係唔可以擰轉個頭.
佢插完針之後又走咗出去睇其他証,留低我係度,要針半個鐘.
天使長又唔知走咗去邊,留低我同司令員孤男寡女係病房.

"你,成日都咁夾硬黎,勉強自已做乜?"司令員係度講緊乜?
"我擔心咗你年幾,點知你越黎越誇張."
司令員講緊乜?
擔心我?
唔係今年先至識我咩?第一次同班.