我在補習社遇到一個令我難以忘懷的女生。: 五十四、你要等我！

去到書店，我比咗張list佢，然後就提議我同佢分頭搵。
 
我行到去一個擺滿小學作業嘅大書櫃。
 
我喃喃自語:「啲出版商點改名㗎，又咩XX修訂版、XX最新修訂版、XX 2017年修訂版，痴線㗎，咁邊本先係最新啊，睇撚死人咩。」
 
「喂，我搵到一本喇！」Ellie興奮嘅聲音喺我後面傳嚟。
 
我望一望本書名即刻想撼頭埋牆，都唔知好笑定無奈好。
 


佢笑住舉起本書 :「書名:<<經絡穴位按摩大全>>。」
 
我苦笑:「哈哈……我咪本書囉。」
 
佢做咗個好百厭嘅表情:「hehe～」
 
搵多咗陣feel到條腰因為烏得太耐好痛，所以決定直接問店員。
 
我:「請問你哋有冇XX修訂版同埋……」
 


「頭兩本有，但之後果本賣晒未返貨。」店員帶我去搵嗰兩本書。
 
「唔該晒！」我好快手就攞起嗰兩本書。
 
點解當初唔一早問人呢……
 
我同Ellie講:「搵到喇，你睇住本書先，我去排隊。」
 
Ellie點點頭:「哦……好啊。
 


買完之後我哋就行去食野。
 
Ellie突然對住我笑:「原來你今日換咗look喎。」
 
我今日着同阿腳買嘅深綠色冷衫，黑色扯布褲，同埋對converse，我仲記得佢買果陣提我，如果下身係黑色，就最好着翻差唔多色嘅襪，唔係嘅話人哋望到會好怪。
 
「吓……係咩，咪又係長衫長褲。」我當然唔會講自己有特登襯過。
 
Ellie嘆氣:「啱啱諗住睇吓你排到邊，點知見到個高高瘦瘦嘅男仔背影幾型，點知原來係你嚟。唉～原來你係背影殺手。」
 
「……頂你。」我向佢舉中指。
 
開心係Ellie原來有留意我，唔開心係佢最後果句好似真係講到好失望咁。
 
之後我哋都冇咩野講一路行去三哥。


 
「FUCK！！！」Ellie冇啦啦喺條街大嗌。
 
「咩事呀？」我好擔心問佢。
 
「九點半三哥last order喇，仲有兩分鐘昨，趕唔切喇！」佢望住手機顯示嘅時間9:28。
 
我聽到佢講之後即刻保特上身衝去三哥，果陣我哋同間鋪嘅距離有成兩條街咁遠。
 
「喂，你等埋我呀唔好跑呀！」Ellie捉住我隻手，不過我一手就fing甩咗。
 
佢每講一隻字，我聽到佢嘅聲音就愈嚟愈細。
 
好彩我住果頭夜晚條街唔多人，分零鐘我就跑到去三哥，入到去我即刻行去counter問阿姐。
 


「呼呼……我想要一碗墨丸魚片頭……三小辣，一碗墨……丸魚腐清湯，兩杯凍檸茶少冰少甜，呼呼……仲有要五隻土匪雞翼堂食呀唔該。」我氣踹呼呼講。
 
阿姐:「先生你慢慢講多次，你講太快聽唔到啊。」
 
另一個阿姐望住我方向嗌:「做埋呢張單昨。」
 
我講完之後就搵咗張四人枱坐等Ellie。
 
過咗幾分鐘，Ellie黑口黑面行入嚟，我已經feel到好大浸殺氣味，佢坐咗喺我對角位。
 
「……」大家坐低之後掛住㩒手機冇講野，直覺話比我知佢個樣係有啲野。
 
今次我唔可以再咁被動！所以我率先劃破結冰的空氣:「我叫咗你鍾意食嘅墨丸魚片頭三小辣，仲有土匪雞翼呀！」
 
我眼角餘光望到佢身體瑟缩。佢好冷淡回應:「哦……」


 
我心諗:「佢應係太攰先唔想講咁多野姐，咁我都唔會迫人食飯講野嘅，因為我自己平時都係咁。」
 
阿姐:「兩杯凍鏈茶，土匪雞翼，勿演三小邊位㗎？」
 
我指住佢嗰個位。
 
Ellie成程淨係掛住食米線冇掂過碟雞翼。
 
聲音A:「啲女人都神神化化，咪鬼理佢啦，食完佢就冇野㗎啦，女人不嬲都係食飽飯心情先會好啲。」
 
聲音B:「如果你食晒成碗米線都唔同佢講野，你哋就真係冇野啦！諗吓野講啦。」