我在補習社遇到一個令我難以忘懷的女生。: 三十五、唐樓

我落到樓下，個心跳得好快，因為依班學生係我比佢哋走，我唔想有咩事比人追究。
 
行出大廈門口，我深吸咗一口氣，不停問自己佢哋會去邊呢，佢地會去邊呢。
 
聲音A:「學生哥放學去得邊，咪又係商場、Ｍ記、Starbucks。」
 
聲音B:「可能去咗玩具鋪睇玩具。」
 
直覺話比我聽聲音Ｂ嘅建議比較合理。
 


跟住我即刻跑咗去商場間玩具鋪，我打開WhatsApp畀嗰三個學生嘅相玩具鋪老細睇。
 
玩具鋪老細戚起隻眼望住我部電話，之後擰一擰頭:「冇喎。」
 
我行咗去附近嘅M記、Starbucks都搵唔到佢哋嘅蹤跡。
 
時間過得愈耐，我就愈心急，行行吓我望到對面馬路有班未換校服嘅中學生上咗去一棟唐樓，唐樓掛着一個霓虹燈牌寫住ＸＸ網吧。我有預感上面應該有我要搵嘅人。
 
由於唐樓冇𨋢搭，所以要行樓梯上二樓。梯間環境好暗，上去全程都係要靠扶手同開手機電筒上去。
 


突然我聽到一啲聲音令我突然卻步。
 
「啊～唔好喇，我冇帶底褲換啊。」一把好嬌嗲嘅女仔聲。
 
「我一陣買過條比你喇。」一把好粗獷嘅男人聲。
 
「滋滋……滋滋…啪……啪。」吸吮聲同拍打大脾嘅聲音傳遍成棟唐樓。
 
「啊～啊～」女方呻吟聲連綿不斷。
 


「漏咗出嚟喇，唔好啊。」女仔苦苦哀求。
 
「叮~」有幾個人喺房入面行出嚟。
 
「屌，地獄模式都唔知係咪人玩嘅。」
 
「唔好話你廢，我係咁比血包你都死。」
 
之後落樓梯嘅腳步聲同講野聲突然消失。
 
「唔好意思！」
 
過咗一陣有幾個男人急急腳落樓梯經過。我哋四目交投，互相向對方展露一個男人之間先識嘅笑容。由於啱啱咁嘅情況，我決定落一落樓確認吓情況。
 
落到樓下我抬頭望晒成棟唐樓，檢查發現冇笑哈哈標誌，之後先放心上返去二樓。


 
行到上二樓，啱啱對男女已經唔見咗，二樓門口有塊發光嘅牌寫住ＸＸ網吧，於是我就行入去搵吓學生Ａ、Ｂ、Ｃ係唔係度。
 
講吓題外話先，我諗對上一次去網吧應該係小學五、六年級，果陣屋企上網又慢(做每日一篇都會LAG機)，所以我就同成班小學同學一齊去，佢哋比咗張網吧卡我，上面寫咗一組帳號同密碼。由於嗰個同學銀包唔可以放網吧卡(會比屋企人發現)，佢就會叫我幫佢保管住先，遲啲一齊去先比翻佢。
 
但最後每次去網吧，佢都會自己去買機開，而我就繼續用佢張卡，當然我都會比翻錢佢，所以我係未試過自己比錢開機。
 
一打開門見到四排電腦枱，每排大概有十部電腦，右手邊有個類似詢問處嘅地方，我就行去問個老闆有冇見過哩三個學生。
 
「唔好意思，你有冇見過或者有印象哩三個學生嚟過。」我用手指指住WhatsApp果三張相。
 
留咗一把忘了愛頭髮嘅MK仔:「一日咁多人嚟，我點撚知呀，你係咪嚟開機呀，唔係就過主喇！」
 
「睇真少少呀老闆，哩三個學生乖仔嚟㗎。」我有啲淆，但因為責任問題所以繼續追問老闆。
 


「屌你老母老咩闆呀，答你都得，你開機先呀。」老闆指住個價目表。
 
「一個鐘 $12，兩個鐘$20，三個鐘$28，通宵(2200-0700)$35，足不出戶餐(包杯麵，野飲雪櫃任攞)$50。」
 
「……」我望住價目表。
 
MK仔唔耐煩:「我有見過佢哋三個呀，揀個餐都咁耐，整個抵玩嘅比你喇，50蚊。」
 
聽到老闆話有見過佢哋，我即刻喺銀包攞咗張50蚊紙:「咁你喺邊度見過佢哋？」
 
「我喺……你部機A0號呀，開咗喇。」佢指住A0機號個方向。
 
「喂，你都未講佢喺邊? 」我繼續追問。
 
「屌，你煩夠未呀。」之後有三個七彩顏色頭髮嘅MK仔唔知喺邊到彈出嚟。


 
「唔好意思，我走先喇。」我見到情況唔對路之後去搵A0號機，位置係開門之後望到嘅右上角位置。
 
「屌，條友都雷㗎。」
 
「咪臭系，走住嚟屌。」幾個MK仔喺我身後面講。
 
好彩啲果度嘅環境比較嘈，我都可以呃自己時運高聽唔到。
 
我行到去A0號機位坐低，我諗住WhatsApp腦細話搵唔到佢哋。
 
「喂，唔見咗你PING呀大佬。」
 
「你哋兩個都唔夠三個打。」
 


「人哋秒殺我呀。」有幾把好熟悉嘅聲音喺我背後。