吹bb,打喪屍: 內容(2)
走進房間，不禁『嘩』了一聲，原因這裏像洒店般，應有盡有，浴室，兩張大床，電視機…咦？電視機，會不會有甚麼可以看呢？
扭開電視，只見一片雪花…
『仆街，亞視黎既喂！』啊源說。
我隨之轉到３色台，都是白色一片…還是不要抱太大期望吧！我關了電視。
『兩日無沖涼，我想沖涼先！』啊源無等我回應，便沖入浴室。
『真係…』『我出去先喇。』
我走出房間，漫無目的在走着，走上天台吹風蠻好吧？
我很快走上了天台，微風吹過，真得很舒服…我望出外面的風景，街上沒有開着燈，隱隱約約看到有數個人影，是喪屍還是生還者…不得然之…
『喂？啊滔！』背後傳來一把聲，原來是清叔。
『做咩上黎既？』他繼續說。
『無啊…得閒無野做咪上黎吹吹風…你呢？』
『同你一樣…係喇，要唔要啲啤酒，岩岩上黎拎。』
『好啊，多謝！』
『係啦，識左２日，都唔係幾知你啲野啵，你屋人呢…？』我問他。
『唉…我有一個女…講係真係對佢地唔住……就係喪屍爆發果日，本來我唸住同成家去西貢燒野食住 ，我人有三急去廁所，點知…唉！唔佢地有無事…』我見他眼泛淚光乾…
『唔好意思…提起你傷心事…』
『唔緊要…咁你屋企人呢？』
『佢地去哂旅行，依家無哂消息…』
『哦…咁祝佢地好運！』清叔搭着我膊頭。
『大家咁話！我落番去沖涼先。』
『好啦，拜拜。』
與清叔話別，我沿着原路走回房間，隨即攤在大床上。
過了只有２日，但感覺上過了很久似的，沒有好好的休息，激烈的戰鬥，令我十分累透…不久便進入了夢鄉。
『喂…醒喇啊滔…』
蒙蒙矓曈地聽到有人叫我的名字…原來是啊源。
『點幾喇，仲訓。去食晏啦！』
原來我睡了那麼久，可能太舒服吧！
『你去先啦，我想沖個涼先。』
『好啦，快啲喇。』
說着，他便出了房。
我就拿着放在床頭的新衣服走進浴室。
『灑…』沖熱水涼令我十分舒服，令我暫時放下擔憂和壓力，看一看鏡子，看見自己十分憔悴，像老了幾年般似的…但…但我不可以再這樣，還有許多事情還是做…
結果我沖了整整一小時，目的是洗走憂慮。
我換好衫，慢慢走向食堂。
食堂都佔地數千呎，相當有規模，如果有機會，真得想再這裏住一輩子！
『啊滔！呢邊啊！』啊星在遠處呼喚我。
看到他們已經到齊，面且lemon和啊源有說有笑，或者已從悲傷走了出來。我趕緊走過去。
『咁遲架！以為你暈左啊！』啊星笑着說。
『食野啦，呢到煮啲野好好味。』清叔邊吃邊說。
於是，我拿了一碟炒麵來吃，果然比我想像中更美味，令我食欲大增。
突然，我聽到了有人開着電視，心想有甚麼看…只是雪花一片…
『電視有人喎！！』遠處傳來一片哄動…
不是只有雪花嘛？為什麼會有人？
我趕緊擰轉頭，看着食堂內唯一的一部大電視。
『大…大家好，各位香港的生還者。』電視出現了一個男人。
『咁熟口面既條友，好似邊到見過咁…』啊星說。
『唔好嘈住，聽下佢講咩先！』我掩左他的口。
『……大家可能唔識我，我就係光明會既話事人。』
我突然記起，曾報章上看見他，難怪也覺得他十分面善。
『相信大家都已經知道，喪屍出現既事件，都係我地一手一腳的策劃出黎，目的係推番依家腐敗既政府，我地呢個行動佈滿全球，一些小國已經被喪屍攻陷，呢啲都係我地預期既結果…哈哈哈哈』
『正人渣！』清叔激動得想把櫈擲向電視，幸好啊星立即阻止…
『……我對睇緊電視的你地感到十分驚訝，竟然仲生存到依家，所以我決定送一份大禮比你地！』
大禮？１００%肯定不會是好事。
『我地知道，香港所有公立醫院都興建一所緊急避難設施，我地發現係呢啲設施都有生還者，而當中，已經有１個生還者擁有喪屍病毒…我唸你地都明白我既意思，你地要係２４小時之內搵到呢個人出黎，如果２４小時仍然搵唔到，呢個人體內既病毒會發作，最後既結果你地會想像得到…』
『Good luck!』說完，電視隨即變回雪花…
電視沒有了畫面之後，全場變得鴉雀無聲…
究竟那個人的說話是不是真的？抑或只是用來嚇嚇我們，我們都弄不清楚…
唯一肯定的是，周圍的人死盯着我們這一邊，是認為我們其中有1個是擁有喪屍病毒嗎？
『一定係佢地啦…』
『唔好行咁埋，比佢地傅染左點算…』
『趕佢地走啦…』
我聽到他們竊竊私語地說着，但目光仍放左我們的身上，明顯說話是針對着我們。
『好喇喎！你地班撚樣望撚夠未，一個二個以為我地有病毒，你地有咩證據！』清叔激動得站了起來，對着全場大叫。
『喂！你怪唔得我地啵，你地成班最遲先入黎，唔比你地係嗰個光明會派黎架！』其他人在旁咐和着。
『你講乜撚野！』清叔揮拳打向那個說話的人，隨即便倒在地上，我和其他人立即分隔他們，避免變得更混亂。
『放開我！班仆街唔打唔知死！』清叔試圖掙扎，但不成功。
『你地番上房先拉。』從人群走出來的啊俊說。
於是我們拉着清叔上房，背後的人仍然不肖地望着…
我們辛苦地把清叔拉入了房間，但他的情緒卻依然激動。
『屌！班人個腦生係屎忽到架？！無憑無據就認定我地有問題！』他大力踢向床。
『冷靜啲！清叔！咪由得佢地亂講囉！唔好擺上心！』
『但班仆街認定我地係，實趕我地走都似…！』
此時，有人敲門，原來是啊俊。
『岩岩真係唔好意思，佢地唔應該咁樣講，我同佢地傾完之後，都冷靜番啲，真係對唔住！』
『哦…又唔關你事，唔洗道歉，係班仆…班人亂嗡啫。』
『係…咁我都唔阻你地喇，休息下啦。』說完，便走出房間。
『岩岩啊俊個樣都好似對我地半信半疑咁…』lemon說。
『唉…算啦…人性就係咁。』我都不知如何是好。
難道我們要走嗎？我們又要度過之前打打殺殺的日子嗎？
與清叔他們傾談了兩句之後，我們各自走回自己的房。
此時，lemon拍了我的膊頭。
『做咩事？』
『我唔想同班女警同房，佢地一定用唔知咩眼光望我，點算好…咁我點…？』
『我明既，你唔介意既，可以同清叔佢地或者同…我地同房既…』我不知怎樣回答。
『好啊…！咁今晚先決定同邊個同房啦…』lemon又紅起臉上來。
『好啦，我想探下龜仔，你地一唔一齊？』
『好丫！』
於是，我們跟着指示牌，落到２樓，來到急症病房。
我走上前向醫生詢問龜仔的情況，但他卻微微退後了一步，顯現對我們存有戒心。
『佢…依家情況良好…因為之前失血過多，依家仲有啲虛弱…不過好快就會好…』說完，就急步走開。我們也不理會太多。
看見龜仔睡在病床，心裏有一種感覺，很想他快點重回我們這一班人的身邊，也許，他們帶給我們的歡笑令我十分懷念吧！
『佢幾時先會醒啊？』lemon說。
『應該好快…我都希望佢快啲醒，我地６個要齊齊整整先得！』
『係！』
待了病房十多分鐘，我們走出病房外，看見許多人在聚集，我們好奇去看一看。
『放手啊！』看見一個青年人被幾個男人拖着走。
『你成身都出哂紅疹，點知你係咪有嗰啲病毒，跟我走！』
『我係你個仔黎架，我都話過係食物敏感！咁都唔信我！』原來是父子關係。
『我唔理得咁多！唔想因為你累到大家！』
親眼看見這件事情，已經發覺喪屍的出現，令人性蕩然無存，無論友情，親情，到這一刻已經沒有任何作用嗎？喪屍的出現，讓大家看清楚了對方，這是光明會的最終目的嗎？我不知道…但我很清楚，喪屍並不太可怕，人才是最可怕的東西！
經過一番混亂之後，周圍又回復了平靜，而他們他們的目光再次落左我們的身上…
『我地走啦，佢地點都認為我地有野…』啊源在我耳邊說。
『係…佢地啲目光令我好唔舒服…』於是我們轉身便走。
我們再次返回房間，lemon亦跟着進來。
『其實我地係咪要準備好要走佬？』啊源說。
『如果我地搵唔到有病毒果個人咪仆街！』
『我唸真係要準備下，一黎搵到果個人既機會好細，二黎呢到班人已經排斥我地，我地只可以自己顧自己，lemon，你叫清叔佢地過黎丫。』
Lemon聽完 ，便走出外，很快便與清叔和啊星回來。
『有咩大計要商量？』啊星隨即問。
『我地要準備好逃走既計劃。』我答。
『哦…原來係咁…我同清叔一早唸到，所以視察左下環境。』
『醒啵！咁有咩發現？』我接着問。
『我地周圍行過，除左正門入口，仲發現多兩個入口，一個係食堂內，一個係病房內，但我唔建議係病房果個出口走，因為只係通往醫院內部，我地唔識點行會好麻煩；而食堂個出口係通去停車場，咁樣會對我地有利。』
『好！我地仲有足夠既武器，可以應付。』
『咁我地約定１２點係呢到預備好！』
『Okay!』
距離喪屍病毒發作－－－－２２小時。
『咁我地如果走得甩，我地去邊到好？』清叔說道。
『邊個住得最近醫院？』我問。
『我住富善。』
『我都係富善。』
『廣福。』
『我同啊源住係大元，即係我地最近，咁黎我屋企，我都想搵番啊Max。』過左２日，差點忘記了牠，真得很內疚。
『啊Max?邊個黎？』清叔說。
『係我隻狗啫。』
『哦…咁依家我地仲有咩好做呢？』
『我地要拎啲食物，可能我地要係屋企守好耐，所以要有多啲食物，仲有拎啲急救用品，以防不時之需，唔想再有另１個龜仔既情況出現……』
『咁我地依家去一去食堂啦，啊星同啊源去拎急救用品，okay?』
『好…咁佢地唔比點算？』
『唔比？佢地敢咩，佢地以為你有喪屍病毒，行都唔敢行埋黎啦。』我說笑道。
『咁行動啦！』
我們一行５人兵分兩路，我和清叔，lemon去食堂，而啊星和啊源就去病房。
我們走入食堂，人數尞尞可數，他們的目光，我感覺得仍是敵視着，但我已經習慣了。
我們走向食物的區域，看見一大堆罐頭和餅乾，正合我心意，我們都放入一早預備的袋子裏。
『Wow,乜原來喪屍咁肚餓架，食咁多野既？』後面傳來一把聲，是一個青年。
『關唔關你事？』我說。
『我呢到有碟飯，要唔要食？』說着，卻把飯倒左地上。
『要啊，…好想食添，但除左肚餓…仲…好打得！！！』
清叔一拳揮低那個青年，他頓時血流不止。
『點啊！仲有冇野講？』清叔拉高衫袖。
『你…你好野！』青年轉身便逃走。
『好波！真係大快人心！』
『洗乜講！』清叔得戚地說。
『嘻，都拎得差唔多嚕，去同啊源會合啦。』
於是，我們走出食堂，人們的目光仍落左我們身上，但不同的是，添上畏懼的感覺。
我們大包細包的帶着食物走出食堂，並步行至病房外。
在門外已聽到一陣嘈吵的聲音。
『你做咩撚野！停手啊！』我聽得出是啊星把聲。
我們趕緊走入去，看見啊星和啊源，與２個着住醫生袍的人爭執着，其中一個是啊俊。
『發生咩事？』我走上前問。
『班陷家拎話龜仔可能有喪屍病毒，要帶佢去檢查喎！實融左佢都似啊！』啊星說。
『我地都係以防萬一啫，所有受傷同出現奇怪徵狀既人都要去檢查…』啊俊說。
『我肯定佢唔會有，佢只係撞親，唔會有病毒！』
『你用咩擔保！呢到起碼上千個人，出左事點算！一千條無辜性命啊！』啊俊忽然激動了上來。
『我…我…總之佢唔會變喪屍！』我一時無言而對。
『你可以肯定？』
我不知怎樣回答。
『但佢仲未醒，咁等佢醒左先檢查得唔得！』清叔突然出聲。
『Okay！出左事你地要負全責！』說完便走出病房。
『清叔…點可以將龜仔比佢地檢查架…』啊源說。
『唉…無辦法啦，淨係可以拖一拖時間。』清叔無奈地說。
『越黎越憎呢個人，我唔想再留係到…』lemon說。
『我都係…不過到目前為止，呢到仲係安全，我地唔可以走住。』啊源說。
『仲有啊，岩岩我地拎左好多急救用品，應該夠用架喇！』
『咁就好，我地拎番上去房，但龜仔…』清叔說。
『啊俊應該唔會再搞佢…』我答。
『唔係啊…如果佢唔醒，而喪屍出現，咁…咁點算…？』
『緊係要帶埋佢走啦！』啊星說。
『咪係！我都講過６個人要齊齊整整。』我堅決地說。
眾人都微微點頭，同意我的說話，同時我望向龜仔，心裏盼望他早日醒來，否則的話，放不放棄龜仔…仍是未知之數…
距離喪屍病毒發作－－－－－２１小時。
又再一次回到房間，又再一次攤上大床 ，但這次卻沒有任何睡意，眼光光地望着天花板。
想着，不如看一看外面有甚麼事發生。
我拿出手機，發覺只剩下少許電量。我趕緊按下討論區的圖案，看見只有一個post有更新。
【生存者入黎】
『……自從光明會既人講既野之後，搞到呢到人心惶惶，大家都驚身邊既人有喪屍病毒，而我就鎖定左１個人，我今晚就會解決左佢，即使佢仲係病房未醒，但我唔會因為佢而累到上千個人！』
『你有冇證據証明係佢架，唔好殺錯好人啵！』
『我好肯定，佢地６個最遲先入黎醫院，受傷果個一定有問題！』
『咁祝你好運！』
發生甚麼事？佢說個６個人即係我地？想殺邊個？龜仔？究竟係邊個！！
我立即將這件事件告訴給他們知，他們都十分驚訝。
『係咪真架？可能第二間醫院咁岩都有６個人一齊入黎啫…』啊星說完都一面半信半疑的樣子。
『邊有咁岩丫…仲講到有一個傷者，個傷者咪係龜仔囉…』清叔說。
『無錯，但係邊個咁狠心要殺左龜仔？』
『我第１個唸起就係啊俊。』啊源說。
我也有同樣的想法。自從知道會有喪屍病毒，他對我們的態度變得十分差…起了殺機亦不過份。
『我都唸起佢。』我說。
『咁我地應該要點做？即刻走？』lemon問。
『唔得…龜仔仲未醒，唔走得…』
『咁我地係咪要先下手為強…殺左啊俊？』啊星突然問。
『咁又唔得…都未肯定係咪一定係佢…』我無奈地說。
『我地玩埋伏啦，等個殺手出現！』清叔說。
『好就好…但可唔可行架，唔通叫我扮棵樹啊？』啊源說。
『扮醫生都得架嘛…』我沒好氣說。
『一於就咁做！唔好再唸喇，仲有，我唸個殺手唔會咁白痴係咁多人既時候落手，應該係半夜就差唔多，我地１１點就準備好去病房附近埋伏啦。』我繼續說。
『好！準備好武器，唔排除有其他人一齊落手。』清叔補充。
『咁我呢？』lemon說着。
『太危險喇，你留番係房啦。』
『好啦，你地要小心啲…』
差不多５時許，我們吃了一頓，然後選擇休息一陣，預備好『拯救龜仔』行動！
『喂！啊滔醒喇，差唔多喇！』又一次睡着了，又一次比啊源叫醒。
『幾…點？』我口齒不清地說。
『１０點５０，快啲起身啦，要準備架喇！』
嘩！睡了這麼久，在這緊張的情況還睡得着，我不禁敲敲自己個頭，令自己更清醒。
整理好自己的服裝，便走出房間。但不見清叔和啊星。
『其他人呢？』我問啊源。
『哦…清叔同啊星早半個鐘落左去拎啲醫生袍去扮醫生嘛，lemon就係佢地間房訓緊。』
『Okay！咁我地落去啦。』
我們都把手槍放在腰間，放輕腳步地走路樓梯，沿路上有一些保安人員，我們都小心避過…無驚無險地到達病房，但卻迎面遇上兩個醫生…
心諗：今次仆街喇！我一直低着頭。
『係我啊，啊滔！』
我抬起頭望，原來是清叔和啊星兩人，真的被他們嚇死。
『你地兩個快啲匿埋係龜仔病房對面既雜物房啦！』啊星說。
於是，我和啊源趕緊入了雜物房，雖然漆黑一片，但地方還足以容下我們兩人。
『咁我地依家點啊…？』啊源說。
『我都唔知，如果有人入房我地就衝入去啦！』
『Okay!』
我們靜靜地等待，過了個多小時，只有數人經過，難道那個post是假的？
突然，有個黑影在我們前面經過，轉身便轉入龜仔的房間。
『有人入左去，我地入去啦！』我說着，便開門走出去。清叔兩人也在遠處趕上來！
我首先進入病房，看見一名身穿醫生服的人站在病床旁，手上不知持着甚麼東西。
『咪郁！舉高雙手！』我用槍指住那醫生，我未曾看見他，但他被我的舉動嚇得將手上的東西掉了，原來只是一支小電筒。
『哇！大佬咪殺我啊！』他嚇得面無血色。此是清叔他們也趕上來。
『你係到做咩！』
『我……個病人醒番，我咪黎檢查下……唔好殺我啊！替工黎炸…』
醒番？我望着床上的龜仔，只見他慢慢爭開眼…太好喇！等左咁耐終於醒！我激動地上前攬着他。
『喂…好痛啊…』龜仔模糊地說。
『Sorry,你醒左我太開心！』
『嘻，乜咁…齊人。』
『知你會醒嘛……』
咦！好像有些不妥。我轉向望住那醫生問。
『你岩岩話自己係替工？替邊個？』我問。
『哦…替啊俊醫生囉，佢話上樓上有野做喎。』他仍然害怕得發震。
仆街！中計！！
我突然有一種不好的感覺，我即刻衝出病房。
『做咩事啊滔！？』清叔從後追着我。
『想殺人果然係啊俊，但目標唔係龜仔，係lemon啊！！佢好撚醒，用調虎離山計！搵人睇住龜仔！』我在前面大叫。
『哦…哦！』清叔在後面說。
我一支箭爬上樓梯，走上3樓，我拿着手槍預備看，遠遠看到清叔的房間開了門，從裏面透出少許光。
唔好有事啊lemon!我心裏想着。
我稍微放輕了腳步，走到了門前，深深地吸了一口氣，然後立刻舉槍轉身指向房內。
………………………
無人？廁所？無人！去左邊吖！屌！我急到失去方寸。
此時，清叔亦趕了上來。
『點啊？lemon呢？』
『唔見左啊！實係比條仆街捉左！』
『咁啦，分頭搵下！我落去搵下，你上天台睇下有冇！』清叔說。
『Okay!小心啲。』我說，轉身便走出房間。
在這刻的我，跑得甚至比保特還要快，也許lemon在我心上佔了一定位置吧！
我終於跑上了天台，他們果然再這裏。
『放開個女仔！』我特意將手槍放左背後，好讓他放下戒備。
『終於都搵到黎喇咩？』啊俊轉身，手還挾持着lemon。
『做咩要捉佢！』我問。
『捉！？nonono！係殺！佢有喪屍病毒，我都係為民除害啫！有咩唔岩！』
『你一口認定佢有！有咩證據？』
『唔需要證據，我對眼就係證據！所有女人都有問題！』他變得十分偏激，還想推lemon落樓！
我立即開槍，『呯』一聲劃破長空，子彈直飛他心臟，他即時倒底，lemon趕緊跑來我身邊。
『嘻…有…槍，話…件事…你地聽，其實…我先有…喪屍病毒，所有病房既病人都比我注射…左病…毒，可惜只差你嗰個朋友…不過已經足…夠…你殺左我…喪屍病毒會即刻發作…！哈哈哈哈哈哈！』他的笑聲令我感到毛骨悚然。
『走喇！lemon！』我拉着她走出天台…
距離喪屍病毒發作－－－－－０小時。
我立即用掃把卡住天台的門，希望可以暫時阻一阻那個'啊俊'。
『多…多謝你…』lemon一邊跑一邊對着我說。
『唔洗…唔好講咁多喇，我地要搵清叔佢地！』我一直拖住她，一邊跑，實在沒有多餘時間說話。
落到３樓，走廊突然變得人頭擁擁，可能聽到我開的槍聲，弄得我們不得不停步。
『有喪屍啊！仲唔走！？』我大叫，希望通道可以好行一點。
『你咪係喪屍囉！』旁邊的大嬸埋怨着，卻退後了幾步。
『屌！講又唔撚信！仆街啦你！』我推開人群，迎面見到清叔。
『太好喇，見番你，啊滔！岩岩有槍聲，以為你出事啊！』
『唔好講咁多喇！個啊俊就快變喪屍喇，執好啲野準備走！…其他人呢！？』
『咁撚大獲！佢地係哂食堂食野喎…』
『咁都好啲…啲病人都有病毒…唔好講喇，執野啦！』
『嘩！咁撚危險！』清叔十分驚訝。
我們用迅雷不及掩耳的速度執好所有東西，我，清叔和lemon一人揹着一大袋槍械和食物，lemon顯得十分吃力。
『頂多陣啊lemon，好快就唔洗咁辛苦。』
『哦…好…好拉。』她勉強地說。
看見大堂要佈滿了很多人在研究發生甚麼事，我們快步就下樓梯以防止情況變得更混亂。
很快地，我們終於落到地面，突然近病房的一邊傳出尖叫聲，我心知不妙，而且人群開始驚慌，我們跑入食堂，看見啊星他們坐着，當中包括龜仔。
『喂！發生咩事，果邊咁嘈既？』啊星看見我們大叫着。
『有喪屍啊仆街！走啦！』我跑到他們的旁邊，將lemon揹着的食物交給啊星。
『有喪屍？唔係一醒就搞單咁既野啊！我仲未食夠喎…』龜仔的口仍然狼吞虎嚥着。
『仲食！你被喪屍食就有份！』我隨即拉着龜仔跑着。
我們６人穿過食堂的出口，走出後穿越一道道門。
『屌！咁撚多門，乜q醫院黎！』我發忟着。
『唔好咁忟啦，起呢間避難設施係要神秘啲…咦！係停車場個標誌啊！到喇！』
果然，到達了停車場，但迎接我們的是一大班喪屍。
『嘩！咁撚多！』龜仔十分驚訝。
『嘻，濕濕碎啦，拎住啦！』我拋了一支散彈給龜仔。
『唉！要個病人做啲咁勞既野！』
『拿！清叔，我唔會再同你鬥！』龜仔繼續說。
『睇下點！』清叔奸笑着。
『唔好再講喇！比啲喪屍前後夾擊就仆街架喇！Let's go brother!and sister!』
我們一齊舉槍，殺了前排的喪屍，剛剛好阻一阻擋後排跟着的喪屍，我們選擇繞過喪屍群，避免再吸引更多的喪屍。
『救下我丫…救我…』背後傳來一把聲。
我轉頭看見一個女人趴在地上，恐怖的是她的左腳已經被咬得血肉模糊，十分嘔心。
『你…已經比喪屍咬親…』我一邊說一邊殺掉最近的喪屍。
『我知…好辛苦…殺左我得唔得…？求下你！』她捉住住我的腳踝。
下！要我殺人，點得？！雖然剛才試過，但…但這個是普通人點下得手……
『呯！』槍聲響後，那個女人頓時毫無反應…
轉身看見，原來是清叔下手…
『點解…』我呆着。
『佢無得救架喇…盡早了斷佢，咁樣佢都死得無咁辛苦…走啦！追到黎喇！』他拉着我走。
我真的一時間接受了這件事，一個生命…裏這樣…唉…不要讓自己想太多了…
幾經辛苦，終於走出停車場，醫院的外貌，及周圍的環境盡入眼簾，而看見７人車拍在不遠處。
我們立即跑上車內，清叔立即開着引擎。
『你地睇下…啲人死哂…變哂喪屍！』lemon說。
我不是親眼望見，也不相信…上百隻喪屍呆呆滯滯地走着，沒有任何目標，但我感覺到他們的痛苦，與其長期接受不受控制的痛…不如…
我從袋中拿了一個手榴彈，用力擲向喪屍旁…
『呯！』爆炸威力波及附近的警車及救護車。頓時變成一片火海…
『安息吧！』
看見整個地方變成了一片火海，我也不再望下去了，只是默默地為他們祈禱着，啊源看見我這樣，都拍拍我的膊頭安慰着我。
7人車駛下斜路，對面就是富享邨，記得小時候曾經在這裏讀過幼稚園，經常嚷着媽媽買食物給我吃，尤其是3元便買到一串魚蛋。但最引而自豪就是，這裏擁有全港最短的巴士路線，價錢亦是全港最平……
但通通已變成過去，沒有買魚蛋的攤檔，而巴士站亦身處火海之中…
在感嘆之中，車已轉出頌雅路，轉入汀角路。
『係邊到停啊？』清叔的聲音把我拉回現實中。
『係前面條天橋下面停就得架喇，行兩步就到我屋企個座樓。』
車子停在巴士站，外面只有數隻喪屍，看來都十分年輕。可能這裏就是大埔特別多街童和夜青的地方吧！
我們小心翼翼地走下車，避免發出太大聲響。
『呯！』
我們全都轉身望着走左最後的龜仔。
『做…做咩…？閂門針嘛…』樣子顯得十分無辜。
『病檬左你啊…睇下引哂啲喪屍黎喇…』清叔無奈地說。
『Sorry啦…』龜仔低着頭。
為了不引更多的喪屍過來，我們選擇用刀，而lemon…當然也是跟着我們後面。
我們用純熟的刀法，瞄好頸部最脆弱的部份斬下去，喪屍很快便分開兩截。殺了多隻之後，終於殺出一條出路。
『快啲走喇，前面就係喇！』
『如果以後有機會生存，我唸我地食牛扒食一成熟都得！』啊星笑着道。
『咪咁混突啦，我地又唔係天與地！』
他們的談話令緊張的氣氛添上一些笑聲。
『拿！呢到就係我屋企嗰座喇！』我指住粉紅色的那個外牆。
『咁我地行啦，我好累喇…要密碼既，密碼幾多？』龜仔埋怨着，轉身就想走入大堂。
『你傻架，行樓梯啦！』我說。
『唔係嘛…啲喪屍咬唔斷條鋼索架…』
『咁你咪去搭昇降機囉，壞左或者無左電，唔關我地事架！』清叔說。
『超！好巴閉咩！行樓梯咪行樓梯囉！啊滔，你地住幾多樓？』
『２０』
『嘩！唔撚係掛！想我死咩！』龜仔的樣子顯得十分無奈。
『人地lemon都未出聲，學下人啦！』我發覺她的表情與龜仔一模一樣。
『仲講，行啦。』
我推開鋼門，一步一步地走上樓梯，我一着帶頭，他們跟隨我後面，由於龜仔常常要求休息一會，我們行了１５分鐘才走了１/3的樓層。
此時，我望上去看見一條屍體，是早兩日殺的黃屍傅。
『嘩！有條屍既！係咪有其他人！』
『我唸唔係…可能係其他喪屍太肚餓咬佢頂下肚…可能仲係附近…』我扮成一面認真的樣子。
『嘩！咁仲唔快啲行！』龜仔立即爬我頭衝了上去。
『你講真咖？真係有喪屍係附近…？』清叔嚴肅的問我。
『講笑炸！個條屍係啊源早兩日殺架。』我說笑着，大家聽到都笑了起來。
『啊！』上面傳來龜仔的叫聲。不是真的出了事吧！
我們立即衝上去看，只見龜仔站在一條屍體面前…
『又係你殺架…？』龜仔說笑着。
『哦……係…係啊！』我勉強地說，但我分明記得除了殺了黃屍傅，根本沒有再見過其他喪屍，而這條屍體只佈滿咬痕，沒有任何槍傷，難道真的給我說中……
『到喇！２０！』啊星叫嚷着。
真得到了２０層，此時太陽剛剛升起，光線照射在我們的身上，像迎接我們般。
我立即開門，啊Max好像知道我回來一樣，衝上來痴着我。
『啊Max！我好掛住你丫！！』我抱着牠。
牠好像聽明我說的話，不斷擺着尾巴。
『大家隨便坐下啦，想沖涼就沖涼，但唔知有無熱水，想休息就休息啦！』
大家都點頭，各自各做事。
『喂…啊滔？』清叔叫着我。
『咩事清叔？』
『頭先見到條屍 ，你個樣就唔多自然，有咩事？』原來清叔發覺我有異樣…
『係…個喪屍唔係我殺…』
『你認真架……？』
『我個樣似講笑咩…？我同啊源的確淨係遇到比我地殺死左果隻喪屍，而成身比野咬到爛哂既喪屍，我真係未見過…。』
『咁即係話，果隻喪屍係比同類攻擊……？』
『淨係得呢一個可能性…唔通係啲生還者肚餓得濟，去食喪屍咩…？』
『咁又係…但咁樣咪對我地仲好，啲喪屍自相殘殺！』清叔笑着。
『係喎！』我牽強地笑着，因為我認為沒有這麼簡單，喪屍應該不會覺得肚餓…直覺認為在這層樓中有一隻更厲害的喪屍存在，可以殺害其他同類…
想着，不禁打了一個冷震。
『唔好咁擔心喇！係到仲安全架嘛，去訓個靚覺先！』說完，便大字型攤在沙發上。我也不在騷擾他了。
其餘的人真的各自各做自己的事，啊源去了洗澡，lemon正在跟Max玩着，而啊星和龜仔出堆在電腦前。於是我走過去看看他們去做甚麼。
當我一走到他們旁邊，他們立即關掉那網頁。
『你地咁驚做咩？…仆街，你地睇咸片！？』我故意提高八度來說。
『屌！咁大聲做乜！』龜仔埋怨着。
『Lemon係到架…係就入房啦。』我陰笑着。
『早講丫嘛！let's go!龜仔記唔記得個網址…？』
『緊係記得啦！條女…哇！正到爆！』他們說完便關上房門。
『真係…』我搖着頭。
我轉而望着電腦，用電腦比電話更方便吧！我嘗試上幾個熱門的網頁，但新聞在前兩日停止更新…我嘗試去看一看討論區，但在啊俊留言之後再沒有人再留…我失望地關上電腦。
『啊滔，你隻狗好得意好貪玩啊！』lemon一邊說一邊玩。
『緊係啦…狗公黎架嘛…』我自言自語地說。
『你講咩話…？』她抬起頭望着我。
『無啊…無啊！』我尷尬地刻向牆的一邊。
牆上佈滿了我們一家人的合照，是我們到處旅行時拍下的，相中的我們都笑得十分燦爛…
還記得他們出門的一天，對我們說要檢點點，不要讓他們擔心。現在是他們讓我擔心吧？啊妹還提醒我們要看看他們拍的照片………照片？！
我立即開回電腦，lemon看見笑這樣都呆着起來。
『做咩事啊？』
『我記得啊妹話會send相比我睇，可能仲會話埋佢地啲近況！』
我很快開了電郵，果然有一封新的電郵，是啊妹發出的！
打開看一看，我差點哭了起來！
『啊哥，你地點啊？我地嗰邊有喪屍啊！好得人驚！好彩呢到政府好快派左啲軍隊黎，依家無哂事喇！
聽講香港都出左事！要小心啲！我同啊媽都好擔心你！快啲覆番我！』
我好慶幸他們還生存，但我現在的環境給他們知道…把他們嚇死都似…
我只回覆着一切都安好，叫他們不要擔心。
『點解要呃佢地？』一直站在我身旁的lemon說。
『
我唔想佢地擔心…』
『咁你出左事，佢都一定傷心死！』
『咁我又無唸得咁長遠，橫掂我又唔會死！』我說笑。
『仲講笑！』她輕輕打了我一下。
『唔玩喇，你唔累咩？同Max玩左咁耐。去訓下啦。』『唔玩喇，你唔累咩？同Max玩左咁耐。去訓下啦。』
『係啊，依家開始覺得累，咁我訓係邊？』
入我房啦緊係！！！我都想…
『訓我啊媽間房啦，呢間就係。』
『咁good night!吖！唔係，係good morning,嘻嘻！』她笑起來十分甜，說完便入房了。
大廳也只剩下我，和大字型的清叔，我攤在另一張的沙發，想着家人還安全，心裏不禁鬆了一口氣，眼皮又重了起來，洗手間傳來的花灑聲就象一首催眠曲般，帶着我入睡。
嗄…嗄！』我不斷地跑着，後面傳來一陣怒吼聲！原來是一群喪屍正在追住我。
我拼命逃走到一間學校，在瘋狂地奔跑時，不小心跌倒了，喪屍捉住我的腳，我拼命掙扎，拿起附近的雜物不斷擲向他們，終於成功擺脫他們。
我繼續走，走上了天台，環境十分熟悉，但一時想不起在那裏…此時，喪屍也追上來了，前無去路，後有追兵！心裏正煩惱着，突然，腳不聽話地走，我跳出天台…
『啊………啊…………』
嗄…嗄……！我彈了起來，身邊仍是熟悉的環境…原來是在發惡夢…害得我滿頭大汗。
我摸一摸自己的腳踝，還有一種被人捉住的感覺，是夢境太真實嗎？
『醒喇啊滔？做咩成身汗既？發惡夢啊？』lemon不知為何拿着鑊鏟站在我旁邊。
『係啊…係啊…比喪屍追…』
『哦…夢黎既啫！黎啦，去食晏啦，我用左你雪櫃啲野黎煮，唔介意丫可？』
『唔介意。』我望一望時鐘，原來已經１點多了…我起身就向飯台那邊，真的煮了很多食物，剛好自己又肚餓，要食一頓好的！
此時大家都走過來，大家看來也很肚餓似的。
『係咪食得架喇？』龜仔雖然問lemon，但已經偷吃着。
『唔食得啊！炒埋隻蛋先啊！』lemon在廚房裏大叫。
『岩岩執左劑肚餓啊？』我對住龜仔奸笑。
『執你個頭！好…好耐無食野落肚針嘛。』龜仔顯得十分尷尬。
『食得喇！』lemon捧着碟炒蛋出來。
『我唔客氣喇！』龜仔他已經急不及待地吃着。
『慢慢食啦，梗死你啊！』啊星大力拍的背脊。
『屌！咪拍啦！再拍唔慌唔梗死！』大家都笑了起來。
突然，清叔突然站了起來，走向電視機。
『點開架？咁高科技既！』
『個制係上邊啊！開黎做咩，都係雪花架啦！』
『唔係啊！上次話喪屍病毒果條友呢…依家過左２４小時，想睇下會唔會再有野講丫嘛！』
差點不記得了！還好清叔醒目，但他開電視後，畫面仍然是雪花…
『可能條友未訓醒…』龜仔搭嘴道。
『可能係啦！清叔過番和食飯啦，一路食一路等。』啊源說。
清叔只好返回我們的旁邊，但雙眼仍死盯着電視…我們也一樣，希望可以第一時間知道會發生甚麼事。
突然，電視螢幕變成全白，一個人樣慢慢浮現出來，我認得他是光明會的話事人！
『大家好…』
『呢個係咩人黎？無線轉左主播咩？』龜仔疑惑地問。
『呢個係光明會個話事人，遲啲再同你發生講咩事，依家聽下佢講咩先…』我說。
『………睇到我係到講野，我唸你地應該係醫院發生事故後仲生存落黎，甚至一直留係屋企匿埋…無論如何，多對你地嘅表現十分欣賞，所有我決定再比一份大禮你地…』
『又大禮！想搞乜啊！！』清叔又變得激動。
『……我地會係全港十八區分別派出幾部車，係車入面會大量食物同水，你地可以選擇拎走；另外，你地都可以選擇上車，我地會接載你地番總部，加入我地…就唔洗日怕夜怕啲喪屍啦…哈哈哈哈，車會好快到達。』
『仲有”活動”時限２４小時，每隔１小時會有另一部車進行替換…活動開始！』
『Good luck!』電視又隨即變回雪花一片。
『屌！佢當我地係咩！玩具啊！』清叔激動得把手上的玻璃杯握破！立即流血不止。
『你流左好多血啊，等我幫你止血先啦！』lemon立即走去拿急救用品。
『咁我地係咪繼續留係到定點…？』啊星說。
『緊係留係到啦！我地有足夠食物同埋水丫嘛，況且佢講啲野唔信得過囉！』
『咁又係…但佢話會帶我地去總部，果到會唔會安全啲…』lemon已經走了過來，幫清叔包紮着。
『係就可能係……但佢講既野信唔信得過……都係要睇定啲先。』
『喂！你地過黎丫！有架車黎緊啊！』龜仔走在窗旁說。
我們走向他的旁邊，由於身處在二十樓，視野十分清楚。只見一架貨車…不！是一架長型的大貨櫃車從富善那邊駛過來，但由於太陽反射玻璃的關係，看不清楚有誰在駕車。
貨櫃車駛近我們這邊，在天橋下面就停了下來。我們都閉息而待，等了數十秒，貨櫃車後的門突然打開，擁出大量罐頭似的東西。
『嘩……好多野食咁啵…咦！我睇到有鮑魚！正！』龜仔說。
『咪掛住食啦！』
『好似無其他野發生喇啵…』清叔說。
『會唔會有其他人會去拎食物呢？』
『應該可能或者會有…』龜仔又答着。
『你不如過番去食野啦，咁多口！』我推着他回到飯枱，他坐好後，我走回窗邊。
『其實光明會咁做係咪真係黎幫我地……依家都無咩事發生…』啊源說。
『唔好咁快下定論，我地唔會知佢地唸咩。』清叔沉著說。
『係…咁我地去食番野先啦！』
『好啦…唯有係咁。』我們又再次走回飯枱旁，但飯菜已變涼了。
『哼！哂哂我啲心機，我叮番熱先！』lemon鼓着面 拿着幾碟菜入廚房。
我又再次走回窗邊，呆呆地等着 ，希
『我見到有個男人啊！』我說着。大家聽到我說，都衝來我的身旁。
那個男人手持着搶從富享那邊的天橋下走了過來，後面跟隨着一群喪屍，他每跑一小段，便轉頭向喪屍射1,2槍…但好像沒有太大效用，1隻喪屍倒下，另1隻喪屍就補上…
他越過行車線，跨過欄杆，輕易便跳過，來到大貨車的旁邊，看見他周圍視察有沒有喪屍在附近，便拿出他攜帶的大袋，快手地把倒在地上的罐頭放在袋內，轉眼間，已經把袋子裝到滿一滿。
『嗶！』突然間，我們聽到貨車傳來一陣刺耳的聲音。
『嘩！咩聲？』龜仔說。
隨即我知道發生了甚麼事，遠距離看見他那男人的表情好像變得十分驚慌，他看着貨車，但身體卻不斷地退後…他胡亂地向着貨車開槍，同時他開始逃跑…此時，大貨車的貨櫃內步出了３個人影…
那３個人都垂着頭，搖擺着…看見那個男人開始逃跑，那３個人就立即開始追上，他們的步伐十分大，速度十分驚人！不消１０秒，已經追上那個男人，並將他按在地上。
男人發瘋地將罐頭擲向那３個人，明顯地沒有作用，最令我驚訝是，那３人開始咬他，男人掙扎不久便停了下來…原來那３人是喪屍…
當那男人被吃得血肉模糊，３隻喪屍便停下口，慢慢步行回貨櫃內。
『究竟發生咩事？！』啊星好像被嚇得口震似的。
『好明顯啦！係光明會整既陷阱！都話佢地無好野！』清叔拍打着窗。
『清叔冷靜啲！小心個傷口又出血…』
『真係好恐怖…啲喪屍越黎越勁咁…』我繼續說。
『啲喪屍會唔會遲下識飛架！？』龜仔又誇張地說。
『真架！？』lemon變得驚慌。
『咪嚇人啦！係屋企仲安全架…』
此時，聽到車駛走的聲音，原來剛剛好１小時，貨車駛向工業邨的方向；另一方面也有一架相同貨車駛來，在天橋底下停了下來，開着貨櫃，罐頭擁了出來，相同的情況又重複出現…
『點解會變成咁！依家我地驚既唔係喪屍，係啲失哂常性既人！』
『光明會既人又有啲咩目的…？』啊星繼續說。
『咪就係當我地玩具囉！可能佢地係一邊監視緊我地，係緊笑緊我地咁白痴！屌！』清叔說。
『我地唔好再唸喇，我地依一刻仲安全，見步行步啦。』我安慰着大家，亦安慰自己，但我明白大家都有憂慮，不知道光明會會不會有其他的計劃對付我地這些生還者。
我叫大家不要再望下去，各自做自己的東西。
lemon好像不開心似的收捨枱上食剩的食物，我也明白她的感受，自己辛苦煮出來的食物，吃剩太多，我應承她下次會吃光，但她只敷衍着我，我只好放棄哄她。
啊星和龜仔正在聊天着，發覺他們係廁所相遇之後，變成了很好的朋友，還是有其他的特別關係呢？
清叔他不再攤在沙發上，情緒也冷靜了下來，開始了解自己的傷勢？或者現在才發覺痛吧！
轉到另一邊看見啊源在整理着袋。
『做咩啊，啊源？』
『無啊，睇下做有啲咩勁槍啫。原來我地仲拎在幾把狙擊槍！』
『咁正！得閒黎搵啲屍黎試下靶先！』我陰陰嘴笑着。
『嘻…呢舊咩黎架？』啊源從袋中取出一個正正方方黑色的問題出來，上面有一個像時間器的東西。
『哇！唔好搞啊！』龜仔見到從對面衝了過來，搶走啊源手上那樣物件。
『咁緊張做咩？咩黎架？』
『你地無打機架咩？呢樣咪c4囉！』
『嘩！咁撚危險！又係警署拎架啦。』我說。
『係啊，拎得唔好哂丫嘛，我拎左好多啊，遲啲可能有用架嘛！』龜仔小心翼翼把c4放回袋中。
整理好袋子，發覺自己還未沖涼，身上充滿汗味，我趕緊拎好新衣服準備沖完後替換。沖涼前，我用手機看看有沒有啊媽和細妹的最新消息，結果沒有…只好轉身進入洗手間。
突然，後面有人拍拍我膊頭。原來是清叔。
『啊滔，我有啲事要同你講…』
『有野同我講？咩事？』我問着清叔，一邊除着衫。
『哦…無…等…等你沖完涼先啦。』說入便走出廳外。
我都不意為而，轉身便走入洗手間，由於很久沒有在家裏沖涼，感覺得十分舒適，沖了整整半小時才出來，忘記了清叔在等緊我。
『唔好意思啊清叔！沖得太舒服喇！』我一邊抹着頭，一邊笑着說。
『哦…唔緊要。我地入房先傾啦。』入房，有咩咁緊要要入房傾，有不可告人既秘密？
我們入到房，看見清叔的表情十分沉重，知道他一定有事暪住我們。
『究竟發生咩事啊清叔？』
『你聽到之後，唔好同其他人講，得唔得？』清叔拜託我。
『好啦…你講。』
『其實我同光明會有啲關係……』
『咩話！你係光明會既人？！』我感到十分驚訝。
『唔係唔係…係…係…光明會既話事人係…我細佬…。』
細佬？我真的想不到會發生這樣事…我最初也只認為清叔吞吞吐吐，可能他掛住親人，但結果卻是這樣…
『點解依家先話我聽？』
『因為…我懷疑佢捉左我屋企人……』
『咪住先…好亂！你清楚啲講比我聽。』
『好…我未同你講，我有一個細佬，係我十歲既時候，細佬就出世，但由於只得７個月，所以佢一出世就體弱多病…直至佢開始懂事，接受唔到自己成日要去醫院檢查，所以成日脾氣發洩係啊媽同我身上…直到有一日，佢…佢同我又嘈起上黎，突然佢拎起把刀想郁手，啊媽阻止，就唔小心就插中左啊媽…留左好多血…我即刻送佢醫院，但結果都係救唔番…』
『自從果一日，佢由於未成年，入左男童院，雖然係咁，我仍然好憎佢…聽講佢係入面比人打，我會好心涼。』他繼續說。
『直到前排，我睇緊報紙，發現左一單新聞，係警察搗破光明會，發現原來我細佬就係光明會既話事人…』難怪清叔每次看見他都十分激動…
『Okay....我大致上都明，但你又點肯定佢捉左你屋企人？』
『就係呢一個信息…』他掏出手機，打開信息欄，看見一個“wife"的發信人。原來是一個語音信息，信息入面講了一句“啊哥，我等緊你，good luck."。
『Good luck 係佢既口頭禪…』清叔補充着。
『咁你打算點…？』
『救佢地…』
『下…講真架？』
『係…我好掛住我老婆同仔…』
『咪住先…依家淨係得一個信息，生定死都未知喎…』我疑問地說。
『但…我唔理…我已經唸左好耐架喇，唔可再等！』
『好好好…咁你有咩計劃先…？洗唔洗我地幫？』
『唔洗喇…我今次同你講，係同你道別…』清叔語重心長地說。
『唔得！我講過６個人要齊齊整整架嘛！』
此時，門突然開了，啊星，龜仔和啊源像層層疊的撞了入來。
『嘩！好痛啊！快啲起身！』被壓住最底的龜仔說着。
『你地係到做咩？偷聽啊？』我說。
『邊有…我地見你地鬼鬼祟祟入房以為你地搞gay，所以咪唸住研究下做咩囉…點知你對門咁癈…』
『算啦，唔洗再兜喇。』我說。
『超！清叔啊，我地可以幫您架啵！』龜仔轉而望着清叔。
『唔洗你地幫手喇…我唔想累到大家…』
『唔好咁講野啦，有你，我地先可以生存到依家針嘛，我地點都會幫你架嘛，大家話係唔係？』我們都一同附和着。
『但係…』
『咪但係喇…幾時變得婆婆媽媽架！就咁決定啦！』龜仔變得大氣口。
『多謝哂你地啊！』清叔突然流下眼淚來，至認識他開始，末曾看見他這樣。
『唔好喊喇，我地唸下有咩方法夠下你屋企人仲好啦。』
『係囉！…唔係啵，我地連佢地係邊都唔知啵…』啊星提出了重點。
『我唸應該係佢地所講既總部…』
『總部？我唸都有好大機會係。但係邊呢…』
我們都變得鴉雀無聲，口口聲聲說會幫到清叔，但實際行動一點也沒有計劃，是不是太失敗？
我們都走出了狹小的房間，在廳裏度步，試想唸出一套可行的方法。
突然多口的龜仔又出聲了。
『我唸到喇！』他大叫。
『係咩！？』清叔緊張地問。
『我地可以利用嗰啲大貨櫃車…』龜仔自信地說
『大貨櫃車？你係咪想食野食上腦啊？』我問着。
『唔好以為我淨係識得食啦，我真係唸到橋架！
『咁你講啦龜仔。』清叔望着他。
『拿！聽住喇！樓下咪有果啲大貨車既，佢地一個鐘會換一架嘛，咁果啲車會去邊丫？』
『總部！』我們都恍然大悟似的。
『That's right!我地可以跟住啲車，一定可以去到總部！』
『醒左啵龜仔！撞親個頭果然唔同啲！』啊星笑着。
『洗乜講！』
『但係…你地有冇唸過，佢地可能會知道我地跟住架車，咪好危險…』清叔說。
『我又無唸過啵…』
『咁點啊！啫係行唔通啊？』
我們又處於一片寂靜…忽然我想到了一個白癡的方法。
『唔係無辦法既……但唔知行唔得得通…』我說着。
『咩辦法都講出黎聽下先啦。』
『我唸我地可以利用啲手機…啲手機有定位功能架嘛，我都可以將手機放係貨車入面，咁我扡就可以追蹤到架貨車既位置，甚至係總部既地點。』我說完，都覺得有一點荒謬。
『呢個方法都行得通啵！就咁啦！』清叔變得興奮。
『咁我地要搵人落去放手機啵，邊個去？』
『我一定去！』清叔說。
『我都係！』啊源說。
『Me too!』啊星都說。
『咁我就留係呢到back up 你地啦，個狙擊槍終於可以大派用場喇！嘻』我說着。
我們都為清叔的事擔心了一陣，現在終於可鬆了一口氣。
說着說着，我們好像遺忘左一個人，是lemon。
只要她一聲不發地坐在沙發得一個，好像悶悶不樂似的。我走近好的身邊。
『做咩咁既樣啊？』
『你地要做啲咩啊…？係咪好危險架…？』望見她一副憂心的樣子。
『唔係好危險架炸。』我安慰她。
『但我好擔心你地啊…唔想你地會出事…唔去得唔得…？』她竟然哭了起來…我一時不知所措，最麻煩就是女仔喊…弄得我知如何是好，我只把她一抱入懷。
『哇！唔好喊啦，最驚女仔喊架
我地唔會有事，每一個都係…』
『你話架…』
『肯定！』我這樣就答應了她，是不是不太負責任呢？我只安排留在家中狙擊…算啦，她不哭就行了…
我足足攬着她半小時…就算是啊媽都沒有試過，是一個很好的經驗吧！
也許她哭累了，主動走了入房說要睡覺，我也由得她了。
我走回清叔他們那裏，聽聽有甚麼計劃。
『咦！攬完女喇？感覺如何？』龜仔陰笑着。
『直情正到爆啦！玲瓏浮凸既身形，真係想攬夠幾次！』我把說話說得誇張。
『屌你！你就正啦！』龜仔不屑地說。
『咪玩啦…傾番正經野！』我說。
『我地決定左聽朝先行動，因為依家就快入黑，難行動啲。我同啊星，龜仔，啊源會落去貨櫃車到，我負責拎食物，無估錯既話，一掂到啲食物，啲喪屍就會出黎....』
『跟住我同啊源，龜仔就會負責攻擊果啲特別喪屍，啊星就會掉電話入貨櫃入面，之後我地會逃走。』
『而啊滔你，就係樓上拎sniper掩護我地，殺哂接近我地既喪屍。』清叔一氣口說完。
『咪射親我啊！』啊源說。
『放心啦！神槍手黎架我…係cs入面。』我大笑着
『食屎啦你！』
『咪玩喇，我地檢下啲槍先啦，仲有啲通訊設備，啊滔你要你上面通知情況比我地聽。』
『Yes sir!』
我們都仔細檢查着槍械，看看有沒有充足的彈藥。
『今次我地要用啲火力強啲既槍，啲喪屍咁撚勁。』清叔說。
『拿！唔好同我爭！m4係我架！』龜仔說着便拿起槍仔細望着，一副沉醉的樣子。
『無人同你爭啵！我拎呢把衝鋒槍啦，夠型！』啊星說。
『咁我呢？有咩槍可以用？』啊源疑問地問。
『你同我一齊用散彈啦。』清叔對着啊源說。
『Okay!』
『咁我要試下支sniper先得！』我拿着那把長長的sniper檢視着。
『點試？』清叔問。
我拿着那把槍，小心的把滅聲器裝上，以防止槍聲把lemon嚇醒，然後我走近露台，視察街上的喪屍。
『你唸住咁樣試啊？』啊星說。
『唔係你唸住點？用你黎試靶咩唔通？唔好嘈喇，睇表現啦！』
我聚精會神地把眼放在準心鏡，十字準心已對準着一隻正慢慢走着的喪屍。
『吱！』擊中目標？
『喂！你眼殘啊？你射左去邊啊！？』龜仔問。
『屌！咩啊！嚇下隻喪屍針嘛！黎多次！』我不習慣使用狙擊槍，而且是連狙。
『吱！』今次終於命中目標，而且是爆頭！
『拿！睇到未！實力！』
『射兩次先中！死啦！』啊星埋怨着。
『唔好講喇…執好啲野拉。』清叔叫着。
於是，我們都連忙執好所有物品，準備休息