為了實現媽媽遺願，我成為了女校男生: 雪晴番外篇(3)

「我記得啦!!! 我記得啦!!! 我記得啦!!!你係家姐嘅小學四年級到六年級嘅同班同學!!西區官立小學!!6D班程逸風!!小學果陣家姐鍾意果個男仔就係你!!!」
 
我專登係6B班自爆出黎，咁我就可以減低俾人知道我鍾意佢嘅機會，不過由第一日開始…已經有一個人知道哂
 
佢就係Ivana姐姐
 
當家姐同佢互串果陣，Ivana姐姐用手肘撞左我一下
 
「咩事呀姐姐?」
 




「我呢…會保持中立，我當咩都睇唔到」
 
「咩….咩事呀….有咩者…」
 
「妳想同家姐爭男朋友」
 
「我…我…」
 
「妳會輸得好慘喎，佢…鍾意Jessie」
 




「妳…妳又點知喎」
 
「佢今日已經成日提起妳家姐啦……」
 
原來…佢對家姐都冇變過…今次…我要試下挑戰家姐。我唔要永遠都做林雪凝嘅影子，我要係家姐手上贏返一次!!!我要家姐輸俾我!!不過係家姐m痛果一次之後，我就發現自己冇希望
 
係我生日果陣，風哥哥送左俾好靚好貴嘅頸巾俾我，我係課室一拆果陣就引黎全班注意
 
「Karen妳就好啦!!!佢送野俾妳」 「其實點解佢會咁錫妳架!!」
「定係妳先係佢女朋友呀?」 「我又好想要呀!!!」




 
「Karen!!唔好輸俾妳家姐!!!」
 
除左家姐之外，陸運會果時，我另一個情敵出現左，呢個可能比起家姐更難應付，佢有齊哂天時地利人和，佢係風哥哥個契妹，由出世時已經相識，最弊，佢就係我地訓導主任個獨生女，綽號小恐怖雞，F.3E Jasmine張詩敏。
佢生得好似電視上嘅江嘉敏，係風哥哥鍾意果類型，佢扎起我同家姐一樣嘅麻花辮，身材又同我不相伯仲，而且佢仲高過我，眼見佢同家姐一齊離開看台，過左陣，家姐就自己一個人好失望咁返黎。我就知道，家姐可能已經輸左。
但係去到食飯時，我地竟然見到Jasmine餵風哥哥，然後對住我地呢邊微笑，佢不愧係恐怖雞個女，佢比起佢媽媽更可怕。但係，佢自己都知道佢會輸俾家姐，所以我同佢作出左交易，先同佢合作一齊打低家姐之後，我同佢先再爭。
 
「Karen Lam，有冇興趣同我合作呀?」Jasmine企係我身邊講
 
「合作咩呀?」
 
「打低林雪凝」
 
「妳要贏我家姐，我點解要幫妳?」
 




「如果妳唔幫我，妳連些少機會都會冇埋，妳覺得佢會揀我丫，定揀妳呢?」
 
我俾Jasmine咁講一講，又發現到有佢嘅道理，係三個之中，我係最矮，身材又一般，我冇家姐果種C Cup身材，又冇Jasmine笑果陣嘅氣質，所以我自己知道，我會係排行最尾果一個，所以，我就同Jasmine合作
 
「成交!」我地兩個握手表示合作，而我地身後亦都有隻魔鬼出現左