為了實現媽媽遺願，我成為了女校男生: 雪晴番外篇(2)

「小妹妹，妳想識我?」我擰轉塊面一睇
 
之後心跳愈來愈快，塊面同個身都愈來愈紅。當我同家姐緊張果時，我地塊面會不自覺咁紅哂，如果係非常緊張嘅話，係會連全身都紅
 
「你…你好呀，我係林雪凝個妹，我叫…」
 
「我知妳叫林雪晴」佢…佢知我叫咩名…點解嘅?個心痛左一下……
 
「估唔到我真係咁出名喎」
 




「妳外邊d同學不停講緊妳同妳家姐啦」
 
「係呀!我家姐想要你電話呀!可唔可以俾你電話號碼我呀 」
 
「俾妳定俾妳家姐先?」
 
「都冇分別架啦!不過我會俾埋Ivana姐姐架喎」
 
「冇問題呀」
 




「喂!!!呀…唔好意思….我個妹亂咁講野」家姐開始出黎打圓場
 
「唔係丫…佢幾可愛呀，我都想有個咁靚咁得意嘅妹妹呀」仲搣左我個鼻一下
 
佢…讚我可愛…第一次…有男仔讚我可愛，所以我決定望真d佢，漸漸…發現佢好似一個人
 
「姐夫你好熟口面喎」
 
「喂!!!唔好亂講野啦!!!對唔住呀，我地走先啦…聽日見啦!!」
 




「唔係呢……我真係好似唔知邊到見過姐夫」家姐好快咁拉左我走
 
望一望家姐，再望一望果個男仔，弊啦…家姐鍾意左佢呀……佢呢個冰山美人終於俾人溶化左啦
 
但係……我自己都鍾意左佢呀…我地兩姊妹由細到大都冇爭過玩具，因為ba b教落，我地要學職尊重自己最親嘅人，比我地將來個老公更親嘅人，就係自己嘅兄弟姊妹。
 
但係……今次我地兩姊妹終於要爭野啦，而且我仲會輸俾家姐，仲要係輸得好徹底
 
第二日食lunch果日，我係遠距離望住佢食飯，佢邊睇書邊食，一個文學青年嘅樣，然後…我發現左果隻訂情信物
 
佢筆袋上有一隻粉藍色草泥馬公仔，而家姐筆袋上，有一隻粉紅色草泥馬公仔。我個心立時涼左一下…原來係佢…我用力諗返佢叫咩名
 
「阿妹做咩事呀?唔舒服?」
 
「冇事……我諗緊野者」我立即望一望佢地6B班Name list…有一個名同其他名格格不入，係一個男仔名




 
係佢啦!!當日錫家姐果個男仔，家姐小學到而家一直鍾意嘅男仔…就係佢
 
我地兩姊妹…鍾意左同一個男仔…