為了實現媽媽遺願，我成為了女校男生: 雪晴番外篇(4)

就係果晚，我第一次見到家姐為左男仔而喊。係第二日陸運會嘅晚餐過後，我扮大方嘅叫佢氹返家姐，當佢地一落車果時，Ivana姐姐就攬實我
 
「傻妹，做咩要令自己咁辛苦呢?」
 
眼見住自己鍾意嘅人，拖住自己最親嘅人，果種感受真係好痛好痛
 
但係有咩痛得過…親眼睇住佢地咀咀同正式拍拖?
 
係家姐生日果日，我自己一個去到佢地平時落車嘅電車站等佢地。因為我知道，係我唔係佢地身邊果時，佢地會慢慢搭電車返屋企，會早幾個站落車，有時會拖住手一齊行返屋企
 




今日，係海邊，佢地唔單止拖手咁簡單啦。風哥哥突然捉實家姐錫落去，家姐俾唔到反應。果一刻我雙眼已經充滿淚水。風哥哥好快再錫多家姐一次，今次家姐竟然會攬實佢，當佢地分開果時，家姐有少少唔捨得。我唔想再睇落去啦!!!但係好奇心驅使我留低，可能家姐會拒絕呢……不過到左第三次之後，我肯定同Jasmine一齊輸左啦。佢地係第三次錫左最耐，家姐仲好主動咁回應風哥哥個咀，佢地兩個都合上雙眼，之後我就見到家姐同佢十指緊扣，撓實佢咁行返屋企。
 
呢個時刻，我終於忍唔住喊出黎啦，點解我要同家姐鍾意同一個男仔呀!!!
 
突然我感受到有人攬實我，係Ivana姐姐….
 
「姐姐呀…我點算呀…我日日都會對住佢地架，我個心好痛呀……」
 
「傻妹!!妳一早知道Jessie同阿風兩個根本互相暗戀對方，妳點都贏唔到妳家姐，不如放手啦好嘛?」
 




我揀左逃避佢，而我嘅選擇，差d令自己最寶貴果陣野都俾人呃走
 
當時有個對我有意思嘅小學同學追我，我好快應承左佢，佢亦好快想氹我同佢發生關係。再一次係姐夫同家姐救返我…
 
當日係奈良餵完鹿，家姐同姐夫終於問我拍拖嘅事
 
原來ba b同家姐一早就知我拍緊拖，而我最信任嘅係姐夫，所以ba b就搵姐夫問我，發生左咩事。
 
姐夫好直接就問我，如果我唔同佢發生關係會點。其實當日我拒絕左佢之後，佢係對我幾冷淡…..所以我諗過之後，都係如實話哂俾家姐同姐夫知道
 




所以，我都要同家姐坦白啦
 
「家姐…我真係鍾意左姐夫呀!!!」係大阪嘅酒店房入邊，我向家姐坦白
 
我諗唔到嘅係，家姐想退出成全我同姐夫，家姐真係好錫好錫我，為左我佢可以放棄自己心愛嘅男仔，所以我為左保護家姐，我斷然拒絕左佢
 
我真係一個衰人，為左自己鍾意嘅男仔，竟然同其他人聯手對付自己家姐…
 
就係我地返到香港開學後，姐夫帶我去睇清楚果個男仔嘅真面目時，我遇上第二個佢
 
一個好怕羞嘅大哥哥