為了實現媽媽遺願，我成為了女校男生: 雪晴番外篇(1)

再一次遇上佢果日，係我F.2開學嘅日子，第一次鍾意一個人，不過，我竟然要同我最親嘅人、最錫我嘅家姐爭男朋友，我仲要扮到冇事咁樣，係其他人面前逞強。我真係好辛苦好辛苦。
 
我係林雪晴，Karen Lam，同家姐一樣，係呢間女校嘅學生。我地兩姊妹好似樣，扎相同麻花辮、相同馬尾。我地讀書一樣咁叻、操行一樣係A，兩姊妹被稱為模範生。但係估唔到…….我地鍾意嘅男仔，都會係一樣
 
果日係F.2開學日，我同家姐分開、各自返課室之後，有同學衝過黎拉住我
 
「Karen呀!!!我地學校今年F.6收左個男仔呀!!!」
 
「男仔!?點會呀!!」
 




「妳唔記得咩?Miss Koo話過呢到會收d讀書好叻嘅男仔架嘛!!」
 
「對上一個都係咸豐年代嘅事啦!!不過F.6嘛…我都想去睇睇!」
 
「佢係F.6果層走廊呀!!!去睇啦!!!」
 
當我跟住班同學去到走廊果時，我見到佢……
 
「佢好似好高咁喎」
 




「上唔上F.6果層睇呀?」
 
「傻啦!F.6同F.7層係學校嘅皇牌精英集中地，邊夠膽上去呀…除非…」
 
我有幾個同學望一望我「除非自己家姐係F.6果到讀咪去得囉」
 
「Karen呀!!!我地放學一齊上去丫!!!」
 
「都唔知佢讀邊班」
 




「佢入課室啦….邊班呀?果個課室係….6B呀!!!Jessie姐姐果班呀!!!」
 
「Karen!!!帶我地上去睇下啦!!!!」
 
「都好喎!!!!可以睇下家姐識唔識佢」
 
「好想佢做我男朋友呀!!!!」
 
「嘩!!!咁快就鍾意左人地啦?」
 
之後我地聽到家姐果層有好多尖叫聲。一放學我同4至5個同學跑上家姐果層，我再自己衝入家姐課室
 
「家姐家姐!!!我地學校黎左個男生呀!!!同妳一樣係F.6架，妳識唔識佢呀?快D介紹俾我地識下丫!!我地班d同學話佢好高好靚仔架，已經有人準備黎越級挑戰啦」我雙手捉實家姐雙手係咁揈
 
家姐一定識佢嘅，見到家姐面紅紅個樣，我就已經知道，佢一定同個男仔傾過計




 
Ivana姐姐，佢係我家姐F.1開始識嘅同學，每年都坐係家姐隔離，佢話我知家姐想問人要電話，同埋大家都係男女班長，即係家姐有機會做人女朋友喎。
 
家姐咁多年黎，都有唔少男仔追，小學已經有好多人暗戀佢。升到中學雖則話讀女校，但都有唔少友校男仔追佢，不過佢全部拒絕哂，所以家姐有個綽號叫”冰山美人”。點解?家姐唔係les架!!其實我知嘅，一直以黎，家姐都係鍾意緊一個男仔，果個男仔由小四到小六都係同家姐同班，佢係小學last day果日，追住家姐同我，送左隻公仔俾家姐之後，就錫左家姐個咀一下，差唔多成分鐘咁耐，係果日開始，家姐個心就俾左佢啦。但係之後佢就冇再出現過啦。
 
係我同家姐玩緊之時，我聽到走廊d同學好似好開心咁，然後……我就遇上左佢
 
突然間，有隻手摸住我個頭，之後佢塊面出現係我隔離