為了實現媽媽遺願，我成為了女校男生: 畢業典禮(3)

「死人頭……畢業典禮都要搞喊我……你終於做到啦阿b……唔洗再咁辛苦啦……」
 
家姐拎住我地父母幅相亦都攬住我係到喊「呢五年，辛苦哂你啦，家姐會好好照顧你架啦」
 
姐夫摸一摸我個頭再攬實我「咁多年黎辛苦哂你啦，你絕對有資格稱為程逸風機長」我再係姐夫手中接過一個盒仔
 
「細佬…」家姐隻眼碌到大哂
 
「嗯……我特登揀今日，係返同一地方、同一場合、同一套校服，仲有我地一家人齊齊整整嘅日子，契爺契媽，我地兩個妹妹，佢地d男朋友都係到，唔係今日做等幾時?」
 




「阿風你真係好瘋狂」
 
「咁先係我嘅本色」
 
當一眾師長移步台下之際，我走去問MC拎左枝咪
 
「Testing testing…….盧海鵬試咪…盧海鵬試咪…」
 
大家都唔知發生咩事，我望一望兩位校長同契媽，佢地都點一點頭，批准我嘅行動，而契媽眼中都開始流眼淚，校長同家姐係佢身邊安慰緊佢，佢應該係開心到喊，詩敏應該太了解我，佢帶埋其他人去到契媽身邊見證。契媽今次真係喊得好犀利，家姐上兩星期同佢講要結婚，到今日…….
 




「呀…唔好意思，我仲要野要講，爸爸三十年前係呢間學校識到我媽媽，當年佢係學校嘅畢業典禮上……向我媽媽求婚……所以……我今日…亦都打算…」
 
一講到呢到，全校都知我想做咩，全校師生都大叫
 
「F.7B……林雪凝」
 
果時雪凝已經喊到收唔到聲，我地班同學已經好識做咁散開哂，我面對面望住雪凝
 
「10年前，我同妳係西區官立小學相識，果陣係小學三年級，當時我第一眼就鍾意左妳。我同妳四年級開始同班直到小學畢業，小學畢業果日，我衝出學校，係妳妹妹面前向妳表白。5年後，我係呢到同妳重遇，我對妳一直冇變過，我仍然係咁鍾意妳。前年11月23號，妳17歲生日，我再一次向妳表白，妳應承左我，同我結束差唔多9年互相暗戀長跑。同年12月，我同妳地一家人一齊去日本旅行，林醫生話會將妳嫁俾我。今日，我好似當年我爸爸同媽媽求婚咁樣。妳可唔可以永遠係我身邊，幫我煮飯?呢兩年，我每日個飯盒都係妳幫我準備，係我左膝受傷果時，妳每日都上我屋企照顧我，同我去物理治療，舊年我壓力爆煲，妳係我身邊照顧住我。」
 




雪凝當時愈來愈多眼淚
 
「我唔識講咩甜言蜜語，我只係想係到問妳一句，妳可唔可以俾我照顧妳同妳屋企一世，陪我行埋人生所有道路，將來夜晚陪我地嘅小朋友，係呢間學校門口，係屋企床上邊，講返佢地爺爺嫲嫲嘅故事、同佢地爸爸媽媽嘅故事?」
 
「雪凝，希望妳可以嫁俾我」我拎出左係Tiffany & co.買果隻鑽石戒指，單膝跪係雪凝面前
 
雪凝眼淚多到滴落地下
 
「家姐!!!應承佢啦!!!家姐!!!」 
 
「雪凝姐姐!!!妳嫁俾佢啦!!!妳唔嫁嘅我點嫁出去呀?」
 
「Jessie!!!!嫁俾Anthony啦!!!」「Jessie!!!!妳等左今日10年啦!!!」