為了實現媽媽遺願，我成為了女校男生: 畢業典禮(4)

當阿b係台上致完詞後，好多同學都忍唔住流眼淚，佢講得冇錯。
我地最開心快樂嘅日子，一定係中學時代，非常青春，開始大個女，開始做愛情實習生，每個人都係路上跌過痛過。呢個時間嘅朋友，係一世嘅好朋友。中學時代，我地學習錯誤，學習後悔同失望，正正因為有中學時代嘅眼淚同後悔，先會有長大嘅我地，今晚我即將告別中學生，要卸下校服，所以我都忍唔住要喊，點知……係我中學生涯最後一日，最後一刻，我先遇上最瘋狂、人生中最難忘嘅事
 
「Testing testing…….盧海鵬試咪…盧海鵬試咪…」阿b突然間又有野發表，佢真係一日唔清談會瞓唔著嘅人
 
「Jessie，妳老公又黎發癲啦」「程太，佢今日食左藥未呀?」
 
「唉…最後一日又發癲…小學又無啦啦錫我同我表白…中學就…」
 
我代入阿b個腦到諗一諗，小學表白…咁即係中學佢會…一諗到佢會求婚果一刻，我嘅眼淚又開始流出黎




 
「Jessie妳做咩事呀?無啦啦喊，唔洗唔捨得喎」
 
「唔係…我知佢想做咩啦…佢真係好痴線…我要…我要結婚啦…」
 
阿b講出左佢爸爸當年係畢業典禮同媽媽求婚之後，大家都知會發生咩事，佢地好有默契咁散開
 
果然冇錯，阿b就係今日，係我地中學生涯最後一刻，同佢爸爸一樣，向心愛嘅人求婚。佢將我地由小學互相暗戀對方嘅事講返出黎
 
「雪凝，希望妳可以嫁俾我」




 
佢拎出左戒指盒，佢兌現左諾言…當時我個腦一片空白…同埋有好多眼淚
 
「家姐!!!」
 
「雪凝姐姐!!!」
 
「Jessie!!!」
 
我個腦空白一片，望一望校長同班主任，佢地點一點頭




 
睇一望身邊一齊讀書長大嘅同學，佢地都為我流出喜悅嘅眼淚，Ivana同Joanne係佢地男朋友身邊喊得好犀利，終於…