為了實現媽媽遺願，我成為了女校男生: 畢業典禮(1)

Christmas ball之後，我地就要上戰場去考A-level，亦係差唔多我要卸下女校男生呢個身份，其實真係好唔捨得。為左媽媽，我踏入左呢間學校，遇上我最愛嘅女仔，遇上我最錫嘅兩個妹妹，同埋兩個女性好朋友，我真係想有時間停止器，永永遠遠停留係呢兩年，因為呢兩年我真係好開心。
 
終於，A-Level考完啦，某一日，我偷左雪凝隻戒指，去Tiffany & co.入邊，跟據舊果隻戒指嘅size，買左一隻一卡嘅戒指，我儲左好耐錢先儲到，應該係話用哂我細細個豬仔錢罌入邊嘅錢去買呢隻戒指，我唔用爸爸媽媽留低嘅遺產，因為我想用自己辛苦儲嘅錢，黎向我最愛嘅女仔求婚。不過，家姐快過我一步啦。係家姐25歲生日果日，Danny哥正式向家姐求婚，果日係機上，飛機降落之後，姐夫就拎住隻戒指，用飛機上廣播系統，向家姐求婚，而我個變態家姐係超多眼淚之下，點左頭，接受全機乖客同機組人員祝福，果日都係姐夫考機長嘅最後一個試，實地飛行嘅日子，果日佢就係拎住隻戒指同四劃肩章向家姐求婚，佢幫家姐戴起戒指之後家姐就幫佢膊頭戴上四劃肩章。
 
到左最唔捨得嘅畢業典禮，家姐拖住姐夫，帶埋爸爸媽媽嘅相黎到睇我畢業。
 
我同雪凝都拎到模範生，點知我接到唔止我嘅獎狀
 
而且頒獎俾我地嘅人，係一位好特別嘅人
 




「各位嘉賓、家長、同學，我地有請以下呢位特別嘉賓上台，頒發模範生獎狀，有請我地今晚特別嘉賓1970年代校長，游慈念校長」
 
嘩……果下掌聲真係多到呢
 
「程逸風同學，程逸怡小姐，我仲記得，你兩姊弟細個bb果時，你地父母抱你地返黎探我個樣，轉眼間已經咁大個仔大個女，你地父母葬禮，我都有出席。今日…小風你係到畢業，拎到模範生，同爸爸一樣係到識到個對你好重要嘅女仔，我替你開心。今日，我專登由加拿大返黎，就係為左見證你畢業呢一刻。逸怡，麻煩妳同妳未婚夫黎台上陪住細佬。」
 
果時我同姐夫攬實家姐，因為家姐已經開始喊
 
「林雪凝同學，麻煩妳企係小風身邊，因為妳係佢地一家嘅一份子」
 




「知道校長」
 
雪凝靜靜地企左係我身邊，撓實拖實我隻手
 
「我而家就頒發模範生獎狀，全體起立」
 
「模範生，20XX年度，F.7B，林雪凝同學」
 
「多謝校長…」
 




「模範生，20XX年度，F.7B，程逸風同學」
 
「多謝妳校長…我代爸爸媽媽多謝妳……」
 
「如果你…想好似爸爸咁做…你就去做…知唔知?」
 
「我知道…我會…好好咁對雪凝」
 
我地以為頒發模範生獎狀咁就完，但原來唔係
 
「我仲有兩張獎狀要頒，由你兩姊弟代領」
 
「模範生，197X年度，F.7B，程偉忠同學」
 
「模範生，197X年度，F.7B，葉嘉麗同學」




 
游校長再一次向爸爸媽媽頒發模範生獎狀
 
「你地程家好叻，兩父子加兩個新抱都拎到模範生，仲要係全級第一第二」
 
家姐果下已經喊到好大聲
 
「多謝…多謝校長…好多謝妳……」
 
「唔好喊，一陣影相唔靚女架啦…」
 
「知道…」
 
首先雪凝一家人影完之後，就到我
 




我同家姐同姐夫拎住三張獎狀，係椅上，契爺契媽拎住爸爸媽媽張相同林醫生林姨姨坐係兩位校長隔離，雪凝拎住自己張獎狀企係我身邊撓實我詩敏同雪晴就坐係兩位校長前，姐夫企係家姐身邊，一張程家大合照就咁影左
 
 
我代表全體中七畢業生向學校致詞，今次佢地破例俾我用清談方式致謝，大家都好開心，有笑有淚。當我地一眾畢業生唱完校歌之後……
 
「有請我地學校近年來最特別嘅同學，女校男生，7B程逸風同學代表一眾畢業生致詞」