為了實現媽媽遺願，我成為了女校男生: 最後的Christmas ball

「bb豬呀?妳對白色高踭鞋呢?」我今年會再同雪凝參加Christmas ball，我地學生時代最後一次Christmas ball，所以我要為雪凝準備一樣佢好鍾意嘅野
 
我拎左佢對白色高踭鞋去左間鋪頭，放低幾日，係Ball之前會拎返俾佢
 
到左ball果日，我車住佢地幾個返到學校，雪凝今年著左件白色伴娘裙，佢著起真係好似公主
 
「喂阿b，你拎左我對鞋去邊呀?唔通我要著波鞋跳舞咩?」
 
「一陣妳咪知囉」
 




「姐夫你又偷偷地搞咩呀?」
 
到左學校，當雪凝準備落車之時，我拎出左佢對高踭鞋，佢見到之後呆左一呆
 
「呢對係…玻璃鞋?」
 
我將佢對高踭鞋整返白佢，然後將d透明反光嘅膠片痴上去，將一對普通白色高踭鞋變為玻璃鞋
 
「我專登為今晚而幫妳整，妳小學果時話過，想著一次玻璃鞋，所以，我為妳準備左呢一對…」
 




「嘩!!!家姐…好靚呀!!!」
 
我幫雪凝著起對鞋，係燈光反射之下，真係好似玻璃鞋
 
「阿b……多謝你，你仲記得我小學發過夢」
 
「因為果陣我已經鍾意左妳囉」
 
我拖住雪凝入會場，詩敏佢地一見到雪凝對鞋就好羨慕(對唔住啦阿熙、怕羞仔同埋其他兄弟，要你地受苦啦)
 




雪凝著住玻璃鞋，戴起我舊年我送俾佢條鍊、佢生日果對鑽石小耳環，加埋套白色伴娘裙，真係好似一個公主咁
 
「嘩Jessie，玻璃鞋呀!Anthony你整架?」
 
「係呀，專登為佢而整架，佢一直都想著玻璃鞋」
 
「Jessie妳仲唔快d嫁俾佢，人地對妳咁好」
 
「咁就睇下佢幾時同我求婚啦」雪凝講呢句野果時非常甜
 
我地兩個係會場到跳舞，雪凝仍然好似舊年咁，將個頭挨係我心口上
 
「今日妳好搶鏡啦，著玻璃鞋」
 
「咁係你心思細心，識得氹我」




 
「唔知…我地仲會唔會咁跳舞呢?入到U雖然都有呢D舞會，但感覺上應該完全唔同」
 
「大個左，感覺係會唔同D，不過我好開心，我以為自己學生時代唔會有拖拍，唔會有機會著校服同男朋友拖手。不過，你嘅出現幫我實現左呢個願望啦」
 
「傻妹」
 
「你仲幫左Joanne同Ivana，你睇佢地幾甜蜜」
 
嘩……突然間有好多隻小鳥係到飛黎飛去，應該有4隻咁多
 
「你介紹左2個男同學黎，搞到佢地2個幾開心」
 
「咁我介紹得，一定係好男仔黎嘅……如果唔行差踏錯，佢地初戀就會結婚嘅」
 




「你睇下你兩個妹幾開心，你一出現，就帶俾大家歡樂，大家都好鍾意你啦」
 
「最開心應該係妳呀?」
 
「識到你，係我一生最大幸福，無論你求唔求婚都好，我都會嫁俾你」
 
「咁婚就一定要求嘅」
 
「我真係想知你同我求婚果日有幾痴線」
 
「一定會痴線到妳一世難忘」