為了實現媽媽遺願，我成為了女校男生: Talent show Vol.2

即將又再到talent show嘅日子，又係”你問我答”呢個咁變態嘅環節。今年我唔洗冧庄啦掛，因為今年冇人提名我。今年雪凝就俾人提名左上台”你問我答”，原因點解?因為佢係學校第一個連續7年成為模範生嘅學生，而提名人，係我。結果雪凝都以高票數當選今年嘅嘉賓。
 
而我係talent show果日，都決定接受7B邀請，上台表演。表演咩呢?咪又係唱歌，但係我又係清談加唱歌
 
「大家好呀…今年又係我呀….清談佬，放心…我唔會講有味笑話」
 
「下?唱歌?唱咩?龍虎豹?呢到女校黎…唔方便唱，睇咪算囉」
 
「介紹男仔俾妳地識?好似小雞同姨仔咁?唔係唔係，佢地俾人睇中嘅，果兩個男仔盲架嘛」
不過我又真係介紹過男仔俾同學識嘅….果陣我又將舊校朋友介紹左俾Joanne同Ivana識，唔洗兩星期，佢地已經同人拖住手咁去補習




 
「想我清談d咩呀?哦….問我有咩歌適合黎讀之前唱?下?未見返果位同學之前呀?唔….我諗係呢一首」
 
禮堂響起左”如果可以再見你”同”情深說話未曾講’呢首歌嘅音樂
 
「隨你深淺的眼神……」
 
「你這剎那在何方?我有說話未曾講…」
 
「好聽嘛?當然好啦，我係黎明黎架嘛」




 
「好啦，真係再見再遇返人地啦，唱咩呀?唔…黎明有咩歌啱呢….一定係呢首」
 
「I Love u~妳會否聽見嗎?......」
 
「咩又係呢首呀?我最叻唱呢首架啦，咩話?有冇其他?有嘅，應該係呢首歌啦，呢首呢，其實各位阿sir應該每日都唱俾太太聽嘅」
 
「I want to give, giving all my love to u， giving my whole life to u, 但願現在才是我今生開始，my love for u」
 
「待我好~原來愛妳比我重要~」




 
「仲有咩野想講呀?唔…好多謝大家呢一兩年，接受我呢個男仔係到讀書啦，女校男生，壓力都唔細嘅….多謝校方接納啦…係啦係啦…多謝大家鍾意我上台清談講廢話啦」
 
「最多謝呀?唔緊要啦，全校都知，Miss孔啦，我家姐未成年果時佢係我監護人，仲有多謝，幫我整飯盒果個啦…下…得啦…唔講啦，我全班同學啦，我讀咁耐佢地就玩我玩足咁耐…好啦，下個環節啦，你問我答啦!!!」