為了實現媽媽遺願，我成為了女校男生: 18歲生日

我嘅18歲生日兼拍拖周年紀念日，阿b帶我周圍去玩，佢終於開佢爸爸部車，我最鍾意嘅甲蟲車帶我周圍去玩。
 
「拿!講明先呀!!你送太貴嘅野俾我，我唔會要架」
 
「妳到最後咪又係會要」
 
阿b車我去左山頂、赤柱，差唔多成個香港島都行均
 
「bb豬妳想食咩?」
 




「你知架，唔洗一定要貴，唔一定要浪漫，只要同你一齊開開心心就得」
 
「咁呀…」
 
阿b車左我返屋企買餸，然後佢親自煮飯
 
「你得唔得架?唔好搞到爆炸喎」
 
「出去啦傻妹」
 




好快我聞到香氣傳出，佢整左彊葱蟹、炒蜆、菜心炒牛肉之類，仲煲埋湯出黎
 
「bb豬妳試下好唔好食?」
 
「你學左好耐架?」
 
「呀….自己夜晚試煮左好多次」
 
慢慢咬落去，雖然唔係好食，又唔係難食，突然間覺得自己好幸福，明明阿B唔識煮野食，佢都樂意為我而去學。我眼中開始流出左淚水。
 




「BB豬，做咩喊呀?好難食呀?」
 
我不停擰頭「阿b…好多謝你呀….」我係嗚咽聲中講出呢句說話
 
「做咩事喊呀?」
 
「我覺得…自己真係好幸福好幸福，明明讀女校，自己鍾意果個男仔竟然會黎同我同班，佢竟然同我一樣鍾意左對方10年冇變過，拍左拖冇耐就決定要娶我……屋企人又錫我……明明你唔識煮野食，你為左我而學…我真係好幸福…我想像唔到…你將來要去澳洲受訓果55星期我會點過呀…」我悟住面，d眼淚不停咁流出
 
「傻妹，一年好快過，可能我考唔到機師呢」阿b攬到我實一實
 
「唔會架…你一定得架」
 
「呢d野幾年後再算，乖乖地，開開心心過埋呢個生日知唔知?」
 
「嗯」




 
我同阿b兩個人食好呢餐由佢煮嘅晚餐後，佢拎出左份生日禮物俾我
 
「咩黎架?」
 
我一打開個盒，係一對鑽石耳環
 
「做咩又蹝錢呀你」
 
「見到呢對耳環好襯妳，就買左落黎囉」
 
「好多謝你呀…但係我都冇送過野俾你…」
 
「妳邊到冇送?妳係我身邊已經係最好嘅禮物，將來妳幫我生小朋友，同我一齊生活已經係最好最好嘅禮物」
 




「不如…我唔再食藥…快D幫你生小朋友?」
 
「傻妹!妳仲要讀大學知唔知?我地仲要一齊做同學架」
 
「嗯…」