為了實現媽媽遺願，我成為了女校男生: Pass了

「阿風，你反唔反對雪晴同你同學拍拖?」林醫生好認真咁問我
 
「其實我唔太反對嘅，雪晴雖然F.2，但佢思想上都好大個女，識為其他人著想。至於怕羞仔嘛…佢個人最老實，除左對住D書同藥之外，佢冇咩嗜好，等雪晴改變下佢都好嘅」
 
「同學，你好鍾意藥咩?」
 
「係呀林醫生，我..想做藥劑師…」
 
「你講真?藥劑師唔易做，要記藥名、讀毒理學、要識配藥，仲要識睇病，你肯定自己做到?」
 




「林醫生，我相信自己做得到」
 
「雪晴」
 
「係…」
 
「點解ba b要俾妳拍拖?」
 
「我…我…」
 




「答唔到就冇得傾」
 
雪晴望一望怕羞仔
 
「我唔知、我搵唔到理由要ba b你批准我拍拖，我只係知道自己鍾意呢個男仔，佢會保護我照顧我，我鍾意一個人係冇錯架」
 
雪晴用雙手撓實怕羞仔
 
「如果ba b你要趕我出門口就趕啦!!我…我最多…」
 




「最多咩呀?」
 
「我最多去姐夫到住，或者去Jasmine姐姐到住」
 
林醫生再一次靜落黎
 
「ba b，你就俾阿妹拍拖啦，佢都大個女架啦，怕羞仔又會教佢功課…」
 
「家姐妳真係批准?妳自己都係今年先有拖拍…」
 
「呢個係我自己問題者….我早幾年都有男仔追嘅…」
 
「Miss孔，妳有咩意見?」
 
「始終雪晴得13歲…但醫生你都明白，細路仔青春期對異性產生興趣係正常嘅事，就算讀女校，都會有男仔追，我以前d學生，有幾個都係F.2左右就同佢而家位先生拍拖，最緊要識保護自己就得」




 
「唔…雪晴」
 
「係!」
 
「妳要答應我幾個條件，我先會批准妳拍拖」
 
「知道」
 
「妳唔可以成績有嚴重退步。」
「妳18歲前都唔可以有任何性行為。」
「唔可以用避孕丸避孕針。」
「唔可以阻住人地讀書。」
「出夜街可以，不過要10點前返到屋企。有冇問題?」
 




「冇問題!」
 
「你呢?陳同學?」
 
「林醫生，我都冇問題」
 
「Pass，你可以同阿妹拍拖」
 
「真..真嘅ba b?」
 
「我會呃人架咩?當年我都係咁樣俾妳公公問到口窒窒」
 
終於…怕羞仔同雪晴呢對小情侶獲得左林醫生認可，係同一晚，詩敏佢地呢Pair冤家都獲得契爺批准。