為了實現媽媽遺願，我成為了女校男生: 女神的求救

「Jessie呀，我地有野想拜託妳同妳男朋友架」學生會嘅Joanne雙手合十咁拜託我
 
「下…我地有咩幫到妳地呀…妳地唔係想要我同佢做d咩尷尬野呀?」
 
「我地大考完果之後果個join school show呢……想請妳地兩個上台表演下架，唔該妳地丫」
 
「上…上台表演?我地何得何能呀?」
 
「就係因為妳男朋友關係嘛，妳地兩公婆幫下我地丫」
 




「但係…佢未必肯喎，今年妳地玩到咁大，連佢舊校都link……一陣佢又惹埋d蝴蝶返黎點算呀?」
 
「下?蝴蝶?妳男朋友以前有好多女朋友架咩?」
 
「咁又唔係…我係佢第一個女朋友，不過佢以前有女仔追者」
 
「咁可唔可以拜託妳地上台表演呀?」
 
「妳地真係諗唔到可以表演咩啦?我怕佢唔肯喎」
 




「不如妳同我一齊去問佢啦」
 
今日奶奶煲左湯俾我地，所以阿b佢係3E班食飯飲湯，我帶住Joanne去3E班到搵阿b順便飲埋湯，果時佢同詩敏同埋雪晴仲有Ivana係到玩緊飛行棋
 
「我地偉大嘅男神!!!你打救下我地學生會啦!!!!」Joanne當阿b神咁拜
 
「搞咩要我打救妳呀?」阿b一面迷惑
 
「大考過後有個join school show，我地想搵你兩公婆上台表演呀」
 




「有邊幾間學校先?」
 
Joanne講出左阿b舊校
 
「嘩!妳地搵果班友做乜野呀?」阿b雙手捉實個頭係到嚎叫
 
「有問題?」
 
「佢地會爆我大鑊架!!!」
 
「你有咩大鑊野俾佢地爆呀?」雪晴好興奮咁問
 
「哦!!!!我知啦!!!係咪舊年你同阿熙上台唱果首歌呀!!!」Jasmine佢應該知道咩事
 
「妳又記得嘅!!」




 
「我果陣睇過你地段片囉，你真係夠膽唱果d歌喎」
 
「Jasmine，佢地唱咩歌呀?」搞到我都非常想知道
 
「真係好變態…佢地唱龍虎豹好睇」Jasmine邊講邊笑
 
「下?」「咩歌黎架?」
 
「妳地自己上網睇下啦」
 
我地用Jasmine部電話開聲黎睇
 
「嘩!!!!好變態呀你地!!!呢d歌都唱，不過真係好正」Joanne愈睇愈開心
 




「仲有阿哥上台唱歌d片呀，阿嫂我俾妳睇丫」Jasmine不停係電話到搵
 
「點解我冇聽過你上台唱歌嘅事?」
 
「妳都冇問」
 
「佢當然唔講啦，佢就係上完台唱歌先引到Tiffany之嘛」
 
「佢唱咩歌呀?」
 
「阿嫂妳記唔記得佢小學英文名係咩呀?」
 
Jasmine咁講，我終於記得啦，佢係小學果陣歌唱比賽唱左一首歌，搞到我更加鍾意佢
 
我開始偷笑…然後指住佢大笑