為了實現媽媽遺願，我成為了女校男生: ba b審犯

星期六係ba b診所，奶奶同詩敏係到等緊
 
「細姐姐，有冇藥物敏感?」
 
由於今日奶奶黎見家長，所以雪晴今日好乖咁黎診所幫忙，當最後一位病人離開之後，ba b就叫左詩敏入去
 
「雪凝、雪晴，妳地入黎幫手捉住詩敏，佢好怕打針」
 
「係!」「係!」
 




「啦啦啦…林醫生，念左你女婿面子上，放過我唔好打針得唔得呀?」
 
「打左對妳好呀，拉高衫袖啦」
 
「唔需要啦!!!」
 
「家姐阿妹，捉實佢」我地兩個用力捉實詩敏，10秒後
 
「下?打完啦?」
 




「我ba b打針手勢好好架」
 
「Miss孔，係咪我兩個女係學校搞出事，要見家長?」
 
「林醫生，雪晴有D野，你一定要知道」
 
「阿妹妳係學校闖禍?」
 
「唔係呀ba b…」
 




「雪晴，妳自己同爸爸媽媽坦白d講，妳過左家姐姐夫同埋我果關，而家睇下爸爸媽媽俾唔俾妳過關」
 
「阿妹妳做咩事?」
 
雪晴耷低頭好驚咁講「我….我同個男仔拍緊拖…」
 
Ba b聽到之後靜左陣，手指不停係到敲檯，ba b呢個動作，係代表佢個腦諗緊野
 
「佢幾多歲?」終於ba b開聲
 
「17歲…係姐夫d舊同學」
 
「咁快換畫嘅妳?阿風知唔知?」
 
「佢都係上星期五先知」




 
Ba b靜左一陣，「雪凝我要再考慮下俾唔俾妳同阿風繼續拍拖」
 
「下?」「ba b!!!唔關姐夫事架喎」
 
「佢應承過我，會好好保護妳，而家妳咁細個就拍拖，仲要係佢舊同學，我要認真考慮下」
 
「林醫生，其實我有份拉埋果個男仔同雪晴架，唔關風哥哥事架」
 
「ba b呀….你又話將我嫁俾佢嘅?」
 
「但係佢保護唔到妳妹妹」
 
「唔係架ba b….我上次……差d俾人呃左自己最寶貴果樣野…都係姐夫保護我，搵舊同學幫手查…我而家先至…仲係女仔…」
 




「林醫生，我可以做證明，果日我帶佢地幾個女仔同阿風去舊校」
 
「Miss孔妳認為阿風仲可唔可以同我個女拍拖?」
 
「阿風佢呢件事上冇做錯到，佢都係上星期五先知，而且仲好好保護過雪晴，即係咁，佢父母而家唔係到，我係佢契媽，我好希望林醫生你批准佢地兩個繼續發展落去」
 
Ba b繼續考慮緊，「雪晴，立即叫個男仔黎。家姐妳叫阿風黎」
 
「ba b…佢地已經係隔離快餐廳等緊你…」
 
「果然好聰明，家姐妳冇揀錯男朋友，妳可以繼續同阿風拍拖，我亦會守諾言將妳嫁俾佢，至於雪晴…」
 
「係…」
 
「我要見下個男仔先」




 
「知道」
 
「林醫生，呢到係果個男仔嘅資料」
 
「唔該哂Miss孔…呀…，仲有，下個月詩敏仲要打多兩次針」
 
「仲要打!!!?」
 
「當然啦」
 
五分鐘後，阿B帶埋怕羞仔黎到診所