為了實現媽媽遺願，我成為了女校男生: 詩敏的甜蜜回憶(3)

「喂!唔聽見你條羚羊有拖拍嘅??你基架?」
 
「我有鍾意嘅女仔架，不過我冇講人知咁解之嘛」佢講果時望住個海
 
「咁你講我知你鍾意邊個囉，係咪Tiffany?」
 
「點解個個都只係識講Tiffany架?佢有咩好?」
 
「夠姣囉，你地d男仔唔係鍾意佢果款大胸短裙架咩?」
 




「我唔係架，胸對我黎講大唔大冇所謂，最緊要同果個女仔一齊可以開開心心就夠」
 
「咁你鍾意邊d類型嘅女仔?」問果時我個心跳得好快
 
佢直線同我兩隻眼對望住，我開始逃避佢嘅眼神
 
「做…做咩望住我呀?」
 
「妳想我答妳問題嘛，咪要望實妳囉」
 




「咁…你答我啦…」我耷低頭等佢答我
 
「妳仲要我答呀?妳個樣話我知妳已經知道答案啦」
 
「痴…痴線啦你，咩知道答案呀?」
 
「我睇真d，妳好似我識嘅一個人喎」
 
「邊個咁好彩似本小姐呀?」
 




「我將來個女朋友囉，同妳個樣一模一樣，佢叫張詩敏」
 
佢咁講完之後我可以肯定…呢條羚羊佢鍾意左我，而我都係無意間，鍾意左佢…
 
「你…你咪咁痴線啦!!我地好兄弟黎架嘛…你點會鍾意我呢個…」
 
呢句說話未講完，佢拉左我埋身邊攬住我，我個心不停咁跳，仲愈跳愈快，個身愈來愈熱，我隻耳貼住佢心臟，我聽到佢心跳好快
 
「詩敏」
 
「唔?」