為了實現媽媽遺願，我成為了女校男生: 詩敏的甜蜜回憶(2)

「請返妳食野啦，費事妳嬲爆爆咁樣呀」
 
我揈開佢隻手
 
「邊洗你懶好心呀!!」
 
「唉，睇住個細個自己嘅契妹就快有拖拍，自己鍾意果個又唔揀自己，之後又俾自己阿媽睇到實一實，真係可憐囉，想試下著校服拍拖嘅滋味都咁難，青春呀…青春…」
 
俾佢咁樣講一講，仲要全部中哂，塊面立即紅起上黎
 




「妖!!!你…講少句冇人當你啞架PK!你把口咁X臭!你食X左屎呀?DLLM」
 
佢俾我鬧完之後不停係到笑「哈哈哈哈!!!」
 
「笑乜春呀!D你」
 
「呢個先係我識嘅張詩敏丫嘛!!之前成個懷春少女咁做乜9野者」
 
「咁…我係少女丫嘛」
 




「妳係羨慕人地兩姊妹者」
 
俾佢咁講…我又耷低頭…開始有D眼淚出黎
 
「你邊到明者…」
 
「行啦!!請妳食野補數呀!!!」
 
「去邊到食呀!」
 




「同妳掃完街去海邊囉，夠浪漫未呀?」佢好快拖起我隻手，忽然個心跳得好快好快
 
我地坐係海邊，聽住海浪聲食野
 
「點呀!心情好D未呀!」
 
「有咩好D唔好D喎」我嘟長個咀講
 
「妳呢個F.3小妹妹懷春個樣好得意喎，唔似妳個巴喳性格」
 
「我好巴喳咩?」
 
「妳又唔叫巴喳嘅，妳係真性情者」
 
「咁點解…好似冇人追我咁嘅?」




 
「妳咪有高主教個F.4仔追囉，之前仲有DBS男仔追添」
 
「我都唔鍾意佢地…」
 
「莫非妳只係鍾意佢?三井寿?」
 
「又唔係嘅…」呢個時候我望一望佢，突然間個心痛左一下，然後跳得好快
 
呢個人係我F.1果時開始同我打波，就係佢教識我射波，佢嘅三分比起風哥哥仲更加準。如果風哥哥係三井寿嘅話，咁李健熙呢條羚羊就係神宗一郎，其實佢又唔係羚羊得哂嘅，讀書唔差，CE23分，佢又符合哂我揀男朋友嘅條件，死啦……個心愈跳愈快……唔通我鍾意左佢?呢個時候，D風吹埋黎仲有少少凍，佢見到果時除左件冷衫俾我著
 
「著住佢啦!妳因住凍親，妳有咩事我賠唔返個妹俾阿風架」佢同我坐嘅距離近左，係大家向對方移近一步
 
「我著左你件衫，咁你點呀?」我好怕佢冷親，因為果陣仲係冬天入初春
 




「我病有咩所謂，一陣俾妳屋企知道我同妳去街，之後搞到妳冷親就死」
 
「佢地點會知喎」
 
「暖d未呀?」
 
「嗯…」我地仍然坐係海邊