為了實現媽媽遺願，我成為了女校男生: 詩敏的甜蜜回憶(1)

「你串少我陣得唔得者?」
 
「點解呀!我好鍾意串妳喎，睇住妳俾人串到冇聲出幾好呀」
 
「有幾好呀?」
 
「挑~~妳理得我者」
 
「李健熙!!你好野!!」
 




「有咩好野唔好野呀張詩敏?以前妳F.1同我地打波已經俾我串慣啦，唔鋸呀?覆桌囉，叫阿風黎丫」
 
「你…你…你好野!!如果唔係雪晴叫我陪佢，我打死都唔會見你呢條羚羊呀!」
 
「如果唔係阿翀叫我陪佢，我都唔會見妳啦豬西」
 
「死矮仔」「高過妳」
 
「白痴仔」「叻過妳」
 




佢真係同我有仇咁滯，佢句句都窒我都行一行，以前打波佢次次都Block哂我
 
今次我真係堅嬲啦，撓埋雙手嬲爆爆咁樣
 
「呀…6點半啦，我差唔多返去啦」
 
「雪晴我陪妳返去啦，費事我對住條羚羊」
 
「呀…翀哥哥陪我坐巴士得啦…」
 




「哎~~~算啦!!我自己返去啦，雪晴妳返到去通知聲我啦」
 
雪晴同怕羞仔兩個人去搭車，而我就自己搵地方行下，連雪晴都就快有男朋友，我就因為怕左媽咪而唔敢搵男朋友，唉…
 
呢個時候，條羚羊無啦啦搣我塊面