為了實現媽媽遺願，我成為了女校男生: 日本之旅（16）

第二朝一起身，雪晴已經坐左係我床邊
 
「傻女，做咩事呀?，仲係咁唔開心嘅?」
 
「對唔住呀家姐，我做第三者，想搶姐夫走，我應該要浸豬籠架」
 
「傻架妳，講埋呢D野，我又未嫁，妳呢D邊洗浸豬籠，如果俾著係以前，妳姐夫早就連妳同Jasmine都娶埋返黎啦」
 
「家姐妳真係原諒我?」
 


「我寧願將妳姐夫送俾Jasmine，都唔想我個寶貝妹喊」
 
「家姐…妳連Jasmine姐姐果d野都知?」雪晴碌大雙眼望實我
 
「我都係女仔，Jasmine係陸運會黎搵我果日嘅眼神，比恐怖雞更加銳利」
 
「咁姐夫知唔知Jasmine姐姐對佢……」
 
「完全唔知」
 


「呀…佢咁鈍，家姐妳究竟鍾意佢d咩呀?」
 
「佢仲話Jasmine F.1時拍拖，俾恐怖雞趕左出屋企」
 
「有故仔聽!!!快d講!!!」
 
「我都唔知呀，阿風話今日會講我知」
 
「我去買薯片!!!今日幾時講?」
 


「今日我地一家人落四國睇鳴門漩渦，一陣搭巴士我地慢慢聽故仔」
 
=====================================================/
 
食完早餐，我地一行5人去搭巴士落四國，雪晴望住我扁哂咀咁樣，所以我就行埋佢身邊，摸下佢個頭，再搣下佢塊面
 
「傻女，喊完好d未呀」
 
「你呀!真係好好地對家姐先好呀，如果唔係我殺左你都似」
 
「我一向對妳家姐都好好，但我會更加錫妳呢個姨仔」雪晴塊面真係好好搣，然後錫左佢一下，再攬實佢
 
「傻妹黎嘅」
 
「咁我果陣真係好鍾意姐夫你丫嘛」


 
「喂!你搣個妹做咩野呀!」雪凝見我搣雪晴時非常不滿
 
「咁佢真係好好搣丫嘛」
 
「縮手啦!得家姐先可以搣我架咋!!我都唔知鍾意你d咩呀」
 
「一定係高大靚仔」
 
「哪兒來的自信…」
 
上到車，雪凝兩姊妹已經捉住我坐低，雪晴已經拎左包薯片出黎
 
「姐夫，你可以講Jasmine姐姐F.1嘅事俾我地聽啦」
 


「乜妳咁八架」
 
「我地想知道，當恐怖雞發現佢個女拍拖時嘅反應，有冇用獅子哮呀?」
 
「嘩…果陣呀…犀利囉」我不禁回憶起當晚詩敏喊哂口黎Hall搵我地兩姊弟果幕