為了實現媽媽遺願，我成為了女校男生: 詩敏的回憶(1)

「張詩敏!!!立即同我出黎!!!」媽咪嘅獅哮功震撼成間屋
 
就算係我，都知道媽咪今次唔係講玩，佢真係好嬲好嬲，佢應該係見到我同人拍拖嘅事
 
「媽…媽咪…」我就好似犯錯嘅小朋友咁，低頭行出房
 
「講!!妳係咪同男仔拍拖!!!同果個F.3 King屎仔拍緊拖!!!」
 
「媽….媽咪…」我已經知道今次自己走唔甩，因為daddy今晚返左工
 


「快D講!!!」果下媽咪嘅獅哮功只係發揮左三成力，足以令我流哂眼淚
 
「媽咪……」
 
「同我扭實對耳仔!!!跪低!!!!Woow~~~~~~」
 
「係……」
 
「我講過幾多次!!!妳唔可以係F.4之前拍拖!!就算係F.4後拍拖，都要立即俾媽咪知道!!!有冇講過!!!」
 


「有…」
 
「咁點解妳仲係唔聽話!!!!果個King屎仔有咩好??佢同妳行街果時對妳毛手毛腳，想呃妳入房咋!!!妳明唔明呀!!!媽咪要妳保護自己呀!!!woow~~~」
 
「對唔住媽咪……」
 
「對唔住有咩用!!!妳仲要著住校服同人拍拖!!!!妳契爺契媽果陣放學就咁一齊行去搭車，連手都唔敢拖!!!佢地果陣都教過妳啦!!!佢地咁錫妳，妳竟然做d咁嘅事!!!」
 
「對…對唔住…」
 


「妳家姐細個拍拖果時都冇妳咁大膽!!!妳而家竟然俾人連屁股都摸!!!仲有!!佢摸妳個胸果陣妳仲笑得咁開心!!!妳係咪真係想試下著住校服大肚俾人周街望住果種感覺!!」
 
「唔係呀媽咪…我唔敢啦…」我已經嚇到全個人震哂
 
媽咪終於忍唔住，拎出雞毛掃出黎不停打落我到，唔理我點叫都好，媽咪都好狠心咁打落去
 
「同我入房!!!執妳套校服、書包、衫出哂黎」
 
果下我終於知道，自己呢個大小姐要俾人趕出家門
 
「唔好呀媽咪…唔好呀…我以後唔敢架啦!!!」
 
「妳咁鍾意拍拖丫嘛!!!去啦!!!出去俾人滾大個肚啦!!!」
 
小小嘅我又點夠媽咪鬥呢，終於經過一輪拉扯之後，我俾媽咪扔，係扔左出家門，連同書包校服同衫


 
「媽咪呀!!!我唔敢啦!!!對唔住呀!!!俾我返入黎啦!!!我會立即同佢分手架啦!!媽咪呀!!!」
 
我係門口喊左半個鐘終於明白媽咪係唔會俾我返入屋企之後，我就伸手叫左的士
 
「香港大學學生宿舍……」
 
一開車我已經打俾家姐
 
「詩敏?做咩事呀?呢個時間妳好少打俾我喎」
 
「姐姐…我俾媽咪趕左出黎呀…」
 
「下!!!妳係邊呀!!我黎接妳先啦」
 


「我搭緊的士去妳宿舍…」
 
家姐好快咁去到樓下接我上Hall，好在學校批准在家姐可以帶風哥哥入去住，所以保安都冇阻止我地