為了實現媽媽遺願，我成為了女校男生: 日本之旅（１5）-雪晴的眼淚(下)

雪晴個頭愈耷愈低
 
「我…我自己都唔知，我只係知道姐夫你唔會呃我，你會好似保護家姐咁保護我…你仲會錫哂我一個，有時…你錫我仲多過錫家姐…」
 
「冇錯，因為妳係雪凝個妹妹，即係我妹妹，我唔會俾我屋企人俾其他人蝦。為左我家姐，妳家姐同妳，仲有詩敏，我唔怕再俾警察拉，因為我會用所有方法去保護妳地。」
 
「但係…姐夫我真係好鍾意佢呀」
 
「傻女，我唔係話妳唔專一，但呢個世界咁多誘惑，妳可以肯定佢下星期會仲鍾意妳?或者咁講，如果妳唔俾果樣野佢，佢仲會唔會對妳咁好?」
 




「我唔知道…」
 
「雪晴，話俾家姐知，妳同佢關係去到邊?妳有冇同佢…果樣?」
 
「冇呀!!我同佢只係拖左一次手咋…」
 
「佢邊間學校?」
 
「姐夫之前果間…」
 




「名?」
 
「吳…吳柏豪…」
 
「乖乖地聽家姐話好唔好?ba b唔係唔俾妳拍拖，佢想妳大個定少少先知唔知?如果佢真心鍾意妳嘅話，佢一定會等妳，好似妳姐夫等我咁樣」
 
「家姐呀…我真係要同佢真係要分開呀?」
 
「唔係分開，係做返普通朋友」
 




我拎出電話，係我舊校個fd group到發出訊息
 
「我要一條細路資料，佢追緊我姨仔，F.2吳柏豪，有冇消息?」
 
「冇問題」班友係秒回
 
「世上冇免費午餐」
 
「我係日本買D野孝敬大家」
 
「成交」
 
「雪晴，妳聽姐夫話，我會錫哂妳知唔知?」
 
「知道…」




 
「同妳去玩啦好唔好?」
 
「撲!」一聲，雪晴攬實左我係咁係到喊
 
「對唔住呀姐夫家姐……佢真係想…真係想…」
 
「想咩呀?」雪凝好緊張咁問個妹
 
「佢真係想問我拎果樣野…我差d…差d就…」
 
「傻女唔好怕，有姐夫係到…我會保護妳一世知唔知?」
 
「阿妹冇事，有家姐係到知唔知?呢d男仔要唔要都擺」
 




「對唔住呀家姐…姐夫…」
 
「傻女，妳無做錯到知唔知?姐夫獎勵妳，送樣野俾妳啦」
 
「嗯」
 
就係呢句野，我俾佢地兩姊妹押左去高檔百貨公司……最後受重傷果個係我