為了實現媽媽遺願，我成為了女校男生: 日本之旅（１4）-雪晴的眼淚(上)

「嘩!!!姐夫!!!呢隻鹿好可愛呀!!!」雪晴依舊係捉住我隻手黎跑，佢真係好似詩敏一樣，好鍾意痴實我
 
果日我地係奈良餵鹿，鹿餅我係偷偷地買嘅，因為光明正大咁買，俾D鹿見到的話，佢地係會黎圍你的
 
「喂，你地兩個小心俾鹿咬呀!!」
 
「家姐妳快D過黎玩啦」
 
我地三個玩到攰就坐低飲野，雪凝俾個眼色我叫我同雪晴傾下
 




「阿妹，我有D野想問下妳」
 
「你又想送野俾家姐呀?」
 
「係關於妳嘅事」
 
「我?我有咩事呀…」雪晴個樣開始有D尷尬，佢應該估到我想問佢咩
 
「妳個樣已經話我知啦，妳同佢開始未?」
 




「咩…咩野開始未呀?」
 
「ba b一早知道哂，每個星期六都有個男仔陪妳一齊返屋企，果個係妳小學同學，我認得佢架，佢一年級開始同妳同班到六年級」
 
「咁…咁又點喎，家姐妳夠有姐夫囉…唔通…我就唔可以有男朋友咩…」
 
「雪晴呀，妳聽唔聽姐夫話?」我坐去佢面前，捉實佢雙手
 
雪晴耷哂頭面紅紅，眼中又有D淚水，我第一次見到個姨仔喊
 




「妳點解想咁快有拖拍先?話俾我知可以嗎?」
 
「唔得」
 
「妳唔信我?定係有其他原因?」
 
「你同家姐都企係ba b果邊，我點信你地呀，你地都係黎阻止我嘅!!點解家姐妳可以拍拖，我就唔得呀!」
 
「雪晴呀!咁家姐F.2果陣邊有男仔送我返屋企?我都係…今年先開始拍拖之嘛，我好似妳咁細個果時都只係識溫書睇小說之嘛」
 
「妳呃人!!妳F.1開始已經不停上網搵姐夫消息!!我記得架!!有次妳知道姐夫俾人拉左，妳仲係到喊架!」
 
「雪晴，妳有幾了解個男仔?」
 
「我識佢8年啦姐夫，就好似你同家姐咁樣，我仲唔了解佢?」




 
「咁妳追佢，定佢追妳?」
 
「佢追我先…」
 
「咁妳信我多D，定信佢多D?」我雙眼望住雪晴
 
「我…我信姐夫你多D…」
 
「點解妳唔信佢?」