為了實現媽媽遺願，我成為了女校男生: 日本之旅（13）-四國下灘

終於到左阿風安排最瘋狂，即日700公里來回之旅
 
一朝早我地兩個就起左身，但係我地唔係趕飛機，而係趕巴士
 
我地計過搭巴士有得瞓，又可以睇下景色，行過淡路島，所以我地改為搭巴士去松山，不過都要四個鐘，終於經過鳴門果時，阿風就提議搵一日去睇鳴門漩渦，我係巴士上見到，真係好靚，鍾意大自然嘅爸爸同阿妹一定會好開心
 
去到德島，我係阿風膊頭上瞓左覺，終於係11點半左右，我地去到愛媛縣嘅松山市，真係坐到屁股都痛
 
落車之後我地冇立即去下灘，反而係松山市搭左少年列車，去左松山城到參觀，仲搭左摩天輪睇哂成個松山市景
 




「嘩…四國同大阪果d大城市果然係唔同」
 
「如果去埋高知仲好，不過果到交通唔方便，好難去」
 
「係喎，尋日ba b同你傾d咩呀?」
 
「佢話…如果我地要…咩嘅話，就要做好安全措施」
 
「ba b咁架…咁快預我會同你…」
 




「仲有，醫生話，佢會將妳嫁俾我」
 
「真係?ba b真係同你咁講?」
 
「我會呃妳架咩?」
 
「唔…咁你想我幾時做程太?」
 
「畢左業先啦，唔通妳想下個月註冊咩?不過妳想係婚姻註冊處定係教堂行禮?」
 




「咁係女仔都想係教堂行長長嘅紅地氈入場架啦」
 
「仲要長拖尾婚紗係唔係呀?」
 
「你咁聰明嘅?」
 
「唔聰明又點做到女校男生呢?」
 
我地食完飯之後，就坐電車去下灘站，沿途一片海景，好靚好舒服
 
終於到左目的地下灘站，我一落車已經想喊，因為果到真係好靚好靚
 
「呢到就係青春18個景啦，靚呢?」
 
我不停點頭，原來下灘係個無人車站，附近真係好近海好靚




 
我忍唔住，係到錫左我未婚夫好耐好耐
 
「做咩呀bb豬?」
 
「你特登帶我黎嘅!!」
 
「咁我知妳鍾意呢d海邊景色嘛，妳唔記得我地未拍拖前，我成日掂住妳隻手係海邊散步咩?」
 
「做咩講到咁耐呀?都係上個月左右嘅事之嘛…」
 
「但我地又好似拍左好耐拖咁喎」
 
「嗯」
 




我地兩個自拍左好多張相，再用時間制影左好多日落相，下灘真係好靚好靚
 
我地回程時，改為搭5個鐘嘅特急加新幹線，好好彩，我地班車係直到岡山，唔洗轉多次車，係晴天之國岡山食埋晚餐，返到大阪只係10點左右
 
阿風呢個即日來回700公里之旅，原來唔係太攰。