為了實現媽媽遺願，我成為了女校男生: 家姐的回憶(1)

「點解你係度既？」


「無呀，黎台灣散下心嘛」


「會唔會咁橋呀」


「我都估唔到，夜晚訓唔住所以落黎hea下，點知見到妳地成班操入黎，仲諗緊會唔會見到妳，呀，又真係見到」






「咁你幾時走？」


「後日」


「哦…..邊班?」






「好似係9點幾」  
 
「下？咁咪即係我on duty個班?!」


「係咩?咁我真係唔好彩，聽日睇下有無得改機票先」


「喂咪住……….你特登嘅?」






「咩特登?」


「特登撞我囉」
 
「我特登撞妳既話會被人話非禮」


 
「唔係呀， 我指你特登搭我個班呀」


「我點知妳邊班啫，咁妳聽日即係有一日係台灣行下咁?」






「係呀， 但我未諗到去邊呀，跟大隊咋」


「夜晚呢? 都係夜市?」


「係啦……黎台灣都係食夜市啫」


「有無興趣試下一間餐廳? 個度環境幾舒服，雖然中價，但啲野幾抵食」


「做咩呀? 約我?」






「唔係既，我見有雜誌推介，但自己一個麻甩佬走入去食感覺好核突啫，如果妳無興趣既話，可能我都係去夜市算」


「你咁講到，搞到我推你好衰咁」  


「又唔係嘅，呢次唔得咪睇下之後有無機會去到囉」


「唔…….好啦，夜市我又唔係第一次去，又難得我地咁都撞到，咁聽晚去你個間餐廳啦」


佢滿意咁笑左笑，然後拎左張紙仔，「拿，呢度係地址，妳再唔識就問的士司機啦。7點半食既話你應該ok?」






「ok呀」


「咁我地到時見啦喎」


「好呀」
 
====================================================/
 
「哥哥你專登架?」
 
「呀…….唔……阿風飲杯囉」




 
「我同你都唔掂酒精飲品喎姐夫，專業呀」
 
「食到最後，佢突然叫人上甜品，我就好奇怪，明明都冇叫過甜品，點解會有呢，咁佢就答我個甜品係送嘅。咁好啦，我又信佢喎，點知個甜品一上果時，我真係開心到喊咁滯」
 
「個甜品有咩呀?」
===================================================/
 
食完主菜後，佢話可以上甜品，我就有少少疑惑「頭先我地嗌左甜品咩？」


「哦，個餐送架」


「過多一陣，侍應就捧左一碟野過黎，係心太軟雪糕，碟上既空位就寫著『First Flight Success!』同埋一個卡通空姐樣；我望到忍唔住叫左一聲，然後掩住嘴望住佢，再望住個侍應，然後望住碟品」


「你特登嘅！」


「我咩都唔知架，個set包咋」


「我之後有少少眼濕濕，『呀……..痴線架……..』」


「睇黎你好鍾意返呢份工，開心到喊」


「唔係囉， 痴線架你」


「都話唔關我事囉」
 
但我照樣打左佢手臂一下


「『你再唔食個雪糕就溶架啦』，然後佢就想拎起支叉準備叉落去」


「『喂等陣！………..叫人幫我地影張相先啦』，然後佢舉手叫左個waiter過黎幫我地影，我就打斜捧起個甜品碟；影完之後，我細細聲咁多謝左佢，佢傻笑左幾聲，然後我地就一齊食」