為了實現媽媽遺願，我成為了女校男生: 家姐的回憶(2)

「真係好浪漫呀哥哥」雪晴托住個頭望住danny哥哥
 
「未完啦傻妹，我地食完飯果晚，返到酒店我去佢間房到借風筒吹頭之後，呢個人就無啦啦唔問我就錫落我到，叫我做佢女朋友，果下我都未load到發生咩事就無啦啦應承左佢」
==========================================================/
「其實你係咪因為我先過黎架？」
 
「唔係呀，咁啱啫」


「喂呀…….」






「做咩呀」


「認真D啦」


「我對你一向認真」，忽然佢認真八股咁轉向望住我講，我有少少嚇窒左
 




「咁……咁你認真答我個問題呀」


「係」佢秒回，我無諗到佢會即刻咁誠實，當堂呆左唔識回應
 
於是佢繼續講：「我答左妳啦」


「嗯……..唔……….做咩望實我……..」我眼神開始閃縮起來，臉色亦有點轉紅






「同人講野要望住人架嘛」


「無聊」


「咁你問完就算架啦？」


「我…….唔知…….呀………你突然之間咁直接答我，我都未load得切」


「要load d咩?」佢靠近我，捉住我兩臂，欲言又止，於是佢索性反守為攻，主動錫落黎，幾秒後先離開我個咀，「咁load到未?」






我臉色泛紅之餘，嘴角已經失守含春，但嘴巴依然固執否認：「你做咩呀?」
佢無答腔，再一次錫落去，初時只係咀唇貼咀唇，見我無反抗，就開始由咀唇郁動，一張一合咁輕吮我咀唇，不過幾下我已經迎合上來，雙手由頂住佢膊頭位置慢慢上移、繞過佢後頸，再過一陣，大概kiss左5分鐘左右，我地咀唇先稍為分離


「做我女朋友？」


「嗯」
 ==================================================================================================
「咁似某個人嘅?5年半前又係咁，上個月又係咁喎，程逸風!!」
 
「黎!姐夫!飲杯!恭喜終於燒到你到」
 
「之後第二日我on duty班機又唔見佢，我以為佢趕唔切定有意外，竟然係機上到喊出黎，好彩唔多人者，如果唔係實俾阿姐鬧死」




 
「然後呢?」我同雪晴都好緊張
 
「咁我都要忍住自己情緒，去返工架嘛，不過我又係成班機到不停來來回回咁搵佢，阿姐見到以為我好勤力做，寫到我份report好靚，去到落機果刻我先知發生咩事」
 
「又有驚喜呀?」
 
「係呀!」