為了實現媽媽遺願，我成為了女校男生: 日本之旅（8）

第二晚，我地三個扔低ba b同媽咪，去同怡姐姐食飯，順便我可以驗證下阿風有冇講大話，果晚我地食sabusabu，即係壽喜燒
 
「姐姐，我有d野關於阿風想問問妳架」
 
「妳有咩想知架?我會將所有野話哂妳知」
 
「佢係我之前有冇女朋友架?」
 
姐姐一聽到我咁問，就知道發生咩事
 


「Tiffany呢，就肯定唔係佢女朋友，而且呢，冇女仔黎過我地屋企」
 
「姐姐…妳識Tiffany?」
 
「我見過幾次啦，次次都係自修室出黎，唔洗擔心喎，我細佬對佢冇任何意思」
 
「唔…但係佢係咪追過阿風?」
 
「呢層當然啦，不過呢，我細佬就好乖，同人地講，仲鍾意小學果個女同學即係妳，所以唔會同Tiffany拍拖」
 


「咁真係得Tiffany一個女仔追過佢?」
 
「依我所知就係，以前佢地打親波，Tiffany都會出現，佢地成班都係一大班人去睇戲嘅，所以妳就唔洗擔心」
 
我望住阿風「算你啦，冇呃我」
 
「阿風你咁快就俾雪凝教到聽聽話話啦?」姐姐係到恥笑佢
 
「係呀，滿意未呀?」
 


但係都估唔到，雪晴會燒到Danny哥哥到
 
「咁danny哥哥你點追姐姐架?」雪晴誓要將呢把火周圍燒
 
「下……做咩燒到我果疊呀?」danny哥哥好驚訝，亦以一個同情眼神望住阿風
 
阿風以一個奸笑回應佢，應該係阿叻果句野啦
 
「哦~佢呀?佢真係好浪漫架」
 
「點浪漫法呀姐姐?」雪晴好興奮咁等待
 
「果陣我仲係training緊，有次八達通負左錢，又唔夠錢搭車果陣，佢就挺身而出，請我同佢一齊搭巴士返屋企，咁果陣又好夜，我呢隻細佬又仲未搬返屋企，落唔到街接我，佢咪送我返屋企囉」
 
「咁就一齊啦?」


 
「當然唔係啦，果陣我唔知佢係機師黎架，我以為佢係地勤，佢次次放工都係換哂衫」
 
「但唔係規定要著制服返工架咩?」
 
「其實我地有人偷偷地返黎先換衫架」
 
「咁妳幾時先知哥哥係機師呀?」
 
「就係我實習第一程機，果日我實習飛台北，之後stay behind一日，第二日早機返香港，點知我一落機去到酒店就見到佢」